اخر مواضيع المنتدى

العودة   نايل موتورز - NileMotors.net > :: منـــتديات عــامــــة :: > المنتــــــدى الاجتمــاعى
بحث مخصص
عزيزى الزائر انت غير مسجل لدينا حيث يمكنك التسجيل عبر اضغط هنا
إضافة رد
كاتب الموضوع superzok مشاركات 12 المشاهدات 6346  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
 
LinkBack أدوات الموضوع انواع عرض الموضوع
قديم 10-09-2011, 07:05 AM   #1
عضو جديد
 
الصورة الرمزية superzok
البيانات الشخصية
مواضيعي / ردودي
الحالة
superzok غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

افتراضي استفسار عن مصنعية تشطيب شقة ( العقد مرفق )



السلام عليكم

حبيت اسال اي حد شطب شقته قريب او ليه خبرة في التشطيب عن اسعار المصنعية للتشطيب في حالة الاتفاق مع مقاول

ده العقد والاسعار المبدئية اللي اتفقت عليها مع المقاول


بسم الله الرحمن الرحيم
عقد تقديم عمالة تشطيب وحدة سكنية
انه في يوم الموافق
تم بحمد الله وتوفيقة الاتفاق بين كل من :
1- الأستاذ / طرف أول (:
2- المهندس / طرف ثاني (:

حيث أن الطرف الأول يمتلك وحدتين سكنيتين أرقام 000 و000 في العمارة رقم 0 بمشروع ا000000000000000000 وأنه سوف يستلم هاتين الوحدتين من الاتحاد نصف تشطيب وأنه يرغب اكمال تشطيب هاتين الوحدتين وحيث أن الطرف الثاني يرى أن لديه العمالة الماهرة والتي يمكنه توفيرها لأعمال المصنعية لهذه التشطيبات ،
لذا فقد تم الاتفاق بين الطرفين على ما يلي :
أولا : يعتبر التمهيد أعلاه جزء من هذا العقد .
ثانيا : وافق الطرف الثاني والتزم بأن يقدم للطرف الأول العمالة الماهرة لتقوم بأعمال المصنعية الخاصة بالتشطيبات وذلك وفقا لما يلي:
1- أعمال و تركيب السيراميك :
· يكون سعر المتر المربع لتركيب السيراميك والبورسلين للأرضيات و الحوائط مصنعية فقط هو (11) احدى عشر جنيه ويتم زيادة هذا السعر (2) اثنين جنيه في حالة وجود رسومات مع التزام الطرف الثاني بالمحافظة على خامات السيراميك والبورسلين .
· كل 2 متر طولي من الصقلو بسعر متر واحد مربع .
· كل 3 متر طولي من الاستيلو بسعر متر واحد مربع .

2- أعمال الدهانات :
يكون سعر المصنعية للمتر المربع من الدهان للحوائط والأسقف هو ( 8 ) ثمانية جنيهات و يشمل السعر عمل ثلاثة أوجه صنفرة ومعجون وثلاثة أوجه بوية ويتم تحديد نوعية البوية ولونها من قبل الطرف الأول بموجب عينه يلتزم بتنفيذها الطرف الثاني مع التزام الطرف الثاني بالمحافظة على ارضيات الوحدة ودواخلها من الدهانات.

3- أعمال السباكة :
تكون مصنعية جميع أعمال السباكة الداخلية في الوحدة لعدد (2) حمام و (1) مطبخ مبلغ 850 جنيه شامل تركيب جميع التوصيلات والصحي والخلاطات على أن يتم تجربة جميع التمديدات عدة مرات للتأكد من عدم وجود أي تسريب.

4- أعمال الكهرباء:
تكون مصنعية كل نقطة كهرباء في الوحدة 20 جنيه والبريزة 10 جنيه ومبلغ 500 جنيه في حالة تركيب اللمبات ويزيد المبلغ 200 جنيه في حالة تركيب النجف .

5- أعمال الجبس:
يكون سعر توريد وتركيب الجبس للمتر الطولي هو مبلغ 20 جنيه ، ولا يتم التوريد والتركيب الا بعد اختيار الطرف الأول للنقش والنوع بموجب عينة يلتزم بها الطرف الثاني.

6- أعمال النجارة:
مصنعية دهان الأبواب لاكيه هو مبلغ 90 جنيه لكل باب ما عدا باب الشقة يزيد سعره 40 جنيه ليكون 130 جنيه .

ثالثاً: جميع المواد والمؤن والروميات سوف يقوم بها الطرف الأول.
رابعاً: يحق للطرف الاول تعيين مهندس مشرف على أعمال المصنعية وعلى الطرف الثاني أن يستجيب لتعليماته وله حق رفض أي عمل أو عامل لا يرضى عن طريقة ادائه للعمل .
خامساً: سداد الأتعاب:
1- يدفع الطرف الأول للطرف الثاني مبلغ قدره (2000) ألفي جنيه عند بدء العمل في الوحده.
2- عند الانتهاء من أعمال السباكة في الوحدة وتجربتها والتأكد بعدم وجود أي تسريب أو عيوب يتم سداد أتعابها بالكامل.
3- عند الإنتهاء من أعمال الجبس وبدون أي عيوب أو ملاحظات من الطرف الأول يسلم له قيمتها بالكامل .
4- عند الأنتهاء من أعمال التمديدات الكهربائية يتم سداد نصف الأتعاب والنصف الآخر عند الإنتهاء من جميع التركيبات وجاهزيتها للتشغيل.
5- عند الانتهاء من أعمال السيراميك وبدون أي عيوب وبقبول من الطرف الأول يتم دفع من الأتعاب مبلغ (1000) جنيه تخصم من الدفعة المقدمة .
6- عند الإنتهاء من أعمال الدهان وقبولها من الطرف الأول يتم خصم المبلغ المتبقي من الدفعة المقدمة وقدرة 1000 جنيه ويسدد الباقي عند الإستلام النهائي للوحدة من الطرف الأول وتكون جميع اعمال المصنعية مضمونة لمدة عام من تاريخ الانتهاء من المصنعية ويكون اصلاحها لزاما على الطرف الثاني .
7- أي أعمال يقوم بها الطرف الثاني بالنيابة عن الطرف الأول يتم دفع تكلفتها بموجب فاتورة تقدم من الطرف الثاني .
سادسا: مدة التنفيذ
مدة تنفيذ أعمال المصنعية لكل وحدة هي شهرين اثنين من تاريخ استلام الوحدة.
حرر هذا العقد من نسختين استلم كل طرف نسخة للعمل بموجبها
والله الموفق ؛؛؛
طرف أول طرف ثاني
محتاج رايكم في اسرع وقت لاني ملسوع كام مرة في موضوع التشطيب ده

superzok غير متواجد حالياً   رد مع اقتباس
قديم 10-09-2011, 09:44 AM   #2
tza
عضو برونزي
البيانات الشخصية
مواضيعي / ردودي
الحالة
tza غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 200
شكرًا (تلقى): 21
معجب بمشاركة (أرسل): 4
معجب بمشاركة (تلقى): 10

افتراضي

بلاش يا اخى مصنعية الكهربائى تبقى بالنقطة لانها فيها خم للصبح اسال مجرب خليه يشوف الشغل كله على بعض ويديك اجمالى للمصنعية وده كدا افضل بكثيررر ..ونفس الكلام بالنسبه للنقاشة بلاش موضوع المتر ده خليه يحسبلك مصنعية الشقة ككل ...

tza غير متواجد حالياً   رد مع اقتباس
قديم 10-09-2011, 11:24 AM   #3
عضو فضي
 
الصورة الرمزية al_manara
البيانات الشخصية
مواضيعي / ردودي
الحالة
al_manara متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 199
شكرًا (تلقى): 154
معجب بمشاركة (أرسل): 153
معجب بمشاركة (تلقى): 256

افتراضي

بالنسبالنا في القاهرة ودة عن تجربة في التشطيب وصنايعية شغلها ممتاز
السيراميك : التركيب من 10 الي 11 جنية زي ماهو طالب وباقي الحاجات مضبوطة
الدهانات : كويس جدا "عندنا المتوسط 10 جنية "
السباكة : غالي حوالي 150 جنية
الكهرباء : غالي جدا جدا
الجبس : غالي " ب 10 جنية المتر عندنا في كل حتة. والغالي اوي ب 12 جنية "
النجارة : سعر كويس

__________________
 
اخر مواضيعى

0 للبيع Dvd dvh 3950 بايونيير
0 عاجل إلى من ضربهم اليأس
0 اوبل فكترا للبيع موديل 2000 ب 12 الف جنية
0 حلة الشنطة في اوبل فكترا b
0 اتفرجت علي اوبل وليا كام سؤال وكام ملحوظة

 
al_manara متواجد حالياً   رد مع اقتباس
قديم 10-09-2011, 01:42 PM   #4
عضو برونزي
البيانات الشخصية
مواضيعي / ردودي
الحالة
hussein غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 159
شكرًا (تلقى): 28
معجب بمشاركة (أرسل): 413
معجب بمشاركة (تلقى): 54

افتراضي

اسعار قليلة والشغل كده هيطلع شعبى مش سوبر لوكس

hussein غير متواجد حالياً   رد مع اقتباس
قديم 10-09-2011, 07:29 PM   #5
عضو جديد
 
الصورة الرمزية superzok
البيانات الشخصية
مواضيعي / ردودي
الحالة
superzok غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

افتراضي

شكرًا tza على النصيحة بخصوص مصنعية الكهربا

Almanara شكرًا على ردك وجاري مراجعة اسعار الكهربا والجبس

Hussein ايه سبب اعتقادك ان الأسعار قليلة وان الشغل حيطلع اقل من المستوى

التشطيب على فكرة لشقتين مساحة كل واحدة ١٦٠ متر

وهل الافضل الاتفاق مع مقاول ولا الاتفاق مع الكهربائي لوحده والسباك لوحده والنقاش لوحده وهكذا

superzok غير متواجد حالياً   رد مع اقتباس
قديم 10-09-2011, 07:48 PM   #6
عضو برونزي
البيانات الشخصية
مواضيعي / ردودي
الحالة
خالد غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 22
شكرًا (تلقى): 9
معجب بمشاركة (أرسل): 3
معجب بمشاركة (تلقى): 14

افتراضي

ربنا يباركلك في الشقة ويجعلها فاتحة خير عليك
بص ياسيدى : الأسعار فى منها كويس يعنى سعر السوق بالظبط وفي منها غالى حبتين بس مش قوى يعنى!!

السيراميك : سعر السوق 10 ج للمتر المربع ، ومفيش أى زيادة فى الرسومات ولا حاجة

الدهانات : 8 ج للمتر برضه ده سعر السوق ، مع ملاحظة الإتفاق على خصم الفراغات قبل العمل ( زى الشبابيك والأبواب) يعنى تقيس الحوائط طول وعرض وتربعهم ، وبعدين تخصم مساحة الأبواب والشبابيك ماتنساش دى لحسن مهمة جداً ، بس لازم تتفق عليها الأول لحسن بيحصل عليها مشاكل !

السباكة : سعر السوق للشقة الواحدة ( حمام واحد ومطبخ )تقريباً 400-450 جنيه ، وبما أنك عندك حمام تانى يبقى نزود مثلاً 200 جنيه يعنى أنت المفروض تدفع 650 ج بالكتير !!

أعمال الكهرباء: سعر النقطة من 7-10 جنيه ، والأفضل الحساب بالنقطة طبعاً !! علشان لو حبيت تزود حاجة يبقى براحتك ، أنما لو متفق على الشقة كلها مقاولة مش هتعرف تزود حاجة وأى بريزة حبيت تعملها لازم يحاسبك عليها بالضعف !!! وفى نقطة تآخد بالك منها المفتاح يحسب بنقطة والبريزة تحسب بنصف نقطة ، ولو مفتاح فى ظهر التانى (يعنى نفس الحيطة بس غرفتين منفصلتين ) يحسب بنصف نقطة فقط برضه !! ولوحة العداد بتتحسب على حسب عدد المفاتيح اللى فيها !!!بس برضه لازم تتفق على الحاجات دى الأول من قبل مايشتغل !!

أعمال الجبس : سعر تركيب المتر الطولى من 10- 15 ج حسب عرض النقشة اللى مختارها ، بس أنا شايف أنها توريد وتركيب ، يعنى هو اللى هيشترى الجبس ! أعتقد السعر كويس !

أعمال دهانات النجارة : سعر السوق للباب 60- 70 ج وباب الشقة من 100 -150 ج ، والشباك بالشيش والزجاج يحسب قطعة ، وشيش البكونة شيش وزجاج يحسب قطعة ونصف ، ولو فى شباك بالحمام أو المطبخ يحسب نصف قطعة !!

والأفضل طبعاً الإتفاق مع مقاول أو مهندس ، لأن العمالة فى مصر هتتعبك جداً جداً جداً وهيخلوك تكره العمال والشعب المصرى كله والعيشة كلها ، لأن أغلبهم أكتر من 90% منهم ماعندوش ضمير وطماعين وجشعين وحرامية وكل الصفات الوحشة تلاقيها فى الطائفة دى بالذات من العمالة ألا من رحم ربى !!!

وربنا يوفقك ويصلحلك الأحوال


التعديل الأخير تم بواسطة خالد ; 10-09-2011 الساعة 07:52 PM سبب آخر: أضافة
خالد غير متواجد حالياً   رد مع اقتباس
قديم 11-09-2011, 07:29 AM   #7
عضو جديد
 
الصورة الرمزية superzok
البيانات الشخصية
مواضيعي / ردودي
الحالة
superzok غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

افتراضي

شكرا يا خالد على الرد الوافي

الرد بتاعك بمثابة مرجعية لي وانا بتفق في المصنعية

تقبل ودي وتحياتي

superzok غير متواجد حالياً   رد مع اقتباس
قديم 11-09-2011, 07:39 AM   #8
عضو جديد
 
الصورة الرمزية superzok
البيانات الشخصية
مواضيعي / ردودي
الحالة
superzok غير متواجد حالياً

حاصل على الاستيكر
الإعجاب بالمشاركات
شكرًا (أرسل): 0
شكرًا (تلقى): 0
معجب بمشاركة (أرسل): 0
معجب بمشاركة (تلقى): 0

افتراضي

أعمال الكهرباء: سعر النقطة من 7-10 جنيه ، والأفضل الحساب بالنقطة طبعاً !! علشان لو حبيت تزود حاجة يبقى براحتك ، أنما لو متفق على الشقة كلها مقاولة مش هتعرف تزود حاجة وأى بريزة حبيت تعملها لازم يحاسبك عليها بالضعف !!! وفى نقطة تآخد بالك منها المفتاح يحسب بنقطة والبريزة تحسب بنصف نقطة ، ولو مفتاح فى ظهر التانى (يعنى نفس الحيطة بس غرفتين منفصلتين ) يحسب بنصف نقطة فقط برضه !! ولوحة العداد بتتحسب على حسب عدد المفاتيح اللى فيها !!!بس برضه لازم تتفق على الحاجات دى الأول من قبل مايشتغل !!
الشقة حستلمها بالعلب والمواسير من غير اسلاك ولوحة توزيع فاضية
عايز افهم ايه المقصود بالوحدة هل هو كل مخرج للكهربا زي مخرج النجفة و مخرج المفاتيح والبرايز والتلفون وكده

ومفتاح لوحة المفاتيح يحسب بقد كيه ولا بيكون تقديري

superzok غير متواجد حالياً   رد مع اقتباس
قديم 11-09-2011, 07:50 AM   #9
عضو فضي
 
الصورة الرمزية tarekzein
البيانات الشخصية
مواضيعي / ردودي
الحالة
tarekzein غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 18
شكرًا (تلقى): 53
معجب بمشاركة (أرسل): 13
معجب بمشاركة (تلقى): 46

مـجـمـوع الأوسـمـة: 1

التكريم



افتراضي

لأ طبعا كده يبقى الكهربا غاااليه جدا

وبعدين الكهربا تحديدا لازم تمد السلك فى المواسير من دلوقتى

عشان لو حد تانى هيكمل الشغل أكيد هيلاقى مسارات مخنوقه

وبالتوفيق بإذن الله

بس برده فى عرف فى مجال المقاولات أن بند بيشيل بند

يعنى ممكن بند غالى والتانى رخيص

المهم الإجمالى ميبقاش أوفر قوى

وتستلم منهم الشغل فى كل مرحله لوحدها

__________________
 
اخر مواضيعى

0 موقع ذهبى لكافة ماركات الكاوتش بالتفاصيل الفنيه واللغه العربيه
0 دعوه للإنقلاب على شنورى...هل من مشارك ؟
0 سامسونج جالاكس إس دوس إستعمال إسبوعين
0 ملحقتش أفرح بالعربيه ...وبفكر أبيعها بجد
0 مبروك التكريم ياهونداويه

 
tarekzein غير متواجد حالياً   رد مع اقتباس
قديم 11-09-2011, 12:40 PM   #10
عضو برونزي
البيانات الشخصية
مواضيعي / ردودي
الحالة
خالد غير متواجد حالياً

 غير حاصل على الاستيكر
الإعجاب بالمشاركات
شكرًا (أرسل): 22
شكرًا (تلقى): 9
معجب بمشاركة (أرسل): 3
معجب بمشاركة (تلقى): 14

Post

المشاركة الأصلية كتبت بواسطة superzok مشاهدة المشاركة
الشقة حستلمها بالعلب والمواسير من غير اسلاك ولوحة توزيع فاضية
عايز افهم ايه المقصود بالوحدة هل هو كل مخرج للكهربا زي مخرج النجفة و مخرج المفاتيح والبرايز والتلفون وكده

ومفتاح لوحة المفاتيح يحسب بقد كيه ولا بيكون تقديري
ماينفعش ياباشا
أولاً : لازم يمد الأسلاك كلها جوه المواسير علشان تتأكد من أن المواسير مش مخنوقة وكلها سالكة
لأن لو حصل حاجة بعد كده لاقدر الله ممكن تسحب السلك البايظ وتركب واحد غيره بكل سهولة عن طريق السوستة اللى بتمشى جوة المواسير !!
ثانياً الكهربائى وهو شغال لازم يركب المواسير وهى فاضية بدون سلك الأول على الحيطة وبعدين يمشى السوستة فيها للتأكد من أنها سالكة وبعدين يربط السلك فى السوستة ويدخله جوه المواسير
لأن فى صنايعية تييييييييييت بيحط السلك جوه الماسورة من قبل مايثبتها على الحيطة !!! يعنى والماسورة فى أيده لسه بره !!! طبعاً علشان كده أسهل له بكتيييييير !! ودى بقى عيبها أيه ؟ عيبها أنه لما بيركبها على الحيطة وهىة فيها السلك بيبقى فى منحنيات ودورانات ، وبالتالى بيعصر السلك مع الماسورة فمينفعش بعد كده أنك تقدر تسحب السلك لو باظ وتحط مكانه !!! لازم تكسر فى الحيطة وتطلع الماسورة نفسها !! شفت بقى الصنايعية اللى عندنا فهلوية أزاى ومقرفين جداً !! وعلشان خاطر هو يريح نفسه 5 دقايق شوف ممكن يغرمك بعد كده قد أيه !!!
ثالثاً لازم يسلمك الشغل كله خاصة الكهرباء تعمل ، يعنى مثلاً كل نقطة فى السقف تستلمها فيها دواية ولمبة منورة !! والبرايز تستلمها برضه باللمبة اللى بيبقى فيها فيشة دى أم أتنين ونص !! أو أى لمبة بسلكتين تستلم بيهم !!
بالنسبة للوحة المفاتيح بيتحسب كل مفتاح فيها بنقطة ، وممكن تتفق عليها من الأول أن لوحة المفاتيح دى تجميع لشغل الكهربائى !! يعنى ممكن ماتدفعش ولا مليم فيها !! وممكن مبلغ معين تقديرى يعنى مثلاً 30-50 جنيه ! لايزيد بأى حال عن 50 جنيه !!شوف أنت أيه اللى يريحك وتتفق عليه من البداية
مع خالص تحياتى

خالد غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
مرفق , مصنعية , العقد , استفسار , تشطيب , شقة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
مدت العقد المسجل totti78ali ساحة المرور وموضوعات التأمين في مصر 16 20-10-2011 10:24 AM
العقد المسجل ahmedshafei77 ساحة المرور وموضوعات التأمين في مصر 2 16-08-2010 04:30 PM


الساعة الآن 10:01 PM.


Powered by vBulletin® Copyright ©2000 - 2014, Jelsoft Enterprises Ltd. ,
Content Relevant URLs by vBSEO 3.6.0 PL2
For ADs Mail to: Karim.Serag@GMail.com

جميع المشاركات تعبر عن اراء ووجهة نظر اصحابها فقط والمنتدى غير مسئول عنها