الموضوع: رينو كليو ولا كيا ريو مستعمل

السلام عليكم ورحمة الله وبركاتة
المبلغ اللى معاى فى حدود 40 الف ومحتار بين
رينو كليو
او كيا ريو
واظن موديلات الاتنين هتكون فى حدود 2002

اية رايكم

المشاركة الأصلية كتبت بواسطة essam_shaaban

مساء الخير

ا/ صفوت : انا هقولك رايي بمنتهي الامانه لاني ركبت دي وركبت دي
الكليو : قطع غيار متوفرة / موتور ممتاز(اقصد 1400 التركي)/صيانة متوفرة بالكمبيوتر (صقر قريش بالمعادي)/كاوتش عريض 14/سحب بنزين ممتاز جدا جدا يصل الي 300 كيلو لكل صفيحة بالتكييف/اداء ممتاز في السفر و التحركات الكثيرة مع التكييف / اعادة بيع صعبة.

الكيا ريو: موتور متواضع 1300 / تكييف عادي/قطع غيار ااقل وغير متوفرة الا عند المحلات الكبري مثل المنير بفيصل او احمد الخواجه بالبحر الاعظم / واطية من الارض وكاوتش 13 ولو قمت بتعريض الكاوتش لآذي العفشة / عفشة غير ممتازة / اعادة بيع صعبة

النهاية : لو بتفكر تشتري وتقعد العربية معاك وغاوي سفر وتكييف توكل ع الله واشتري رينو كليو وتكون موديل 2004 او 2005 الموتور ال 1400 التركي ، ودي أفضل من وجهة نظري

انما لو ناوي تبيعها علطول كمان سنة مثلا ممكن تشتري اي كوري مثل الفيرنا او اللانوس

وارجو ان اكون قد افدتك

متشكر اوى يا استاذ عصام على رد حصرتك طب بالنسبة لقطع غيار الكليو
الناس مخوفانى من قطع الغيار بتاعتها ان تمنها غالى اوى