الموضوع: ملاحظات اللوجان

المشاركة الأصلية كتبت بواسطة ahmednm21

حبيت اشارك مالكى اللوجان بعض الملاحظات الى لاقيتها فى العربية يمكن يببقى ليها دلاله معينة او تبقى مشكلة فردية والله اعلم :
1- صاج العربية ضعيف لدرجة ان واحد سند على جانب العربية من ورا ناحية الشنطة والصاج اطبق .

صحيح بس مش في كل العربية الصاج ضعيف ، بس فعلاً الجزء اللي ورا شمال ناحية الشنطة ضعيف و فعلاً لما حد بيسند عليه بيطبق ، بس ده ممكن تعالجه أنك تفك كليبس في فرش الشنطة و تعدله بأيدك

2 - فى رعشة فى دواسة البنزين وتحس بيها قوى لما تيجى تخف رجلك من عليها .

مش عندي المشكلة ديه ممكن تبقى تقولهم عليها في التوكيل.

3 - صوت الماتور عالى شوية بس كل ما بتزود فى فى نقل الفتيس بيخف .

فعلاً عالي شوية ، بس الصوت هيهدى معاك نسبياً بعد ال10 ألاف كيلو

واهم ملاحظة وياريت حد يفهمنى هو ان فى صوت تكتكه لما بركن وابطل العربية خالص فى الكابوت .... معلش انى معنديش خبرة فى العربيات .

التكتكة ديه كان حد أتكلم فيها قبل كده و كان الرد من الأخوة الأعضاء أنه عادي ، بس أنا ما بخدش بالي منها

الملاحظات كلها طبيعية :)
بالنسبة لأخر ملاحظة لو صوت التكتكة موجود والعربية دايرة و بيروح مع دوسة الدبرياح يبقى طبيعى جدا و كل اللوجان كده و ده صادر عن بلية اسمها بلية الدرك فى الفيتيس....اما لو سمعته بعد ماتقفل العربية فده غالبا صوت تمدد و انكماش فرن العربية هو الى بيعمل التكتكة ديه بس ديه مش عندى غالبا ....يمكن مش بسمعه علشان صوت المروحة بيغطى عليه :)

المشاركة الأصلية كتبت بواسطة a_nbm

واهم ملاحظة وياريت حد يفهمنى هو ان فى صوت تكتكه لما بركن وابطل العربية خالص فى الكابوت .... معلش انى معنديش خبرة فى العربيات .

التكتكه ديه عادي متقلقش دي من فرن العربيه (الجزء الواصل بين الموتور وأول الشكمان للعمل على خروج العادم من الموتور) ده صوته الطبيعي لما بيجي يبرد لأنه عباره عن وصله تمدديه (بتتمدد وتنكمش نتيجه للسخونه والبروده)

طيب الحمد لله :)

أستمـــتـــــــــــع باللوجــــــــــــان