اختلاف مقاس الكاوتش ارجو الافادة من الاعضاء

**zizotito85** · 12-09-2011 06:07 PM

لسة شاري عربيتي لانوس 2001 استعمال من حوالي شهر بالصدفة اكتشفت اختلاف مقاس الكاوتش الامامي عن الخلفي الامامى مقاس 13/70/175 والخلفي مقاس 13/60/185 فهل دة ممكن يسبب مشكلة للعفشة او للثبات وهل ده هو سبب احساسي ان العربية واطية من الخلف مما يتسبب في احتكاكها بالمطبات وشكرا للمنتدي الجمبل

**محمد الشامي** · 12-09-2011 11:48 PM

المقاس اللي ورا ده مش صح وعشان كده العربيه واطيه من ورا
المقاس الصح هو 185/65/13

واللي اعرفه ان اختلاف مقاس الكاوتش بين الامام والخلف ممكن يأثر على الثبات
لكن مفيش اي تأثير على العفشه بإذن الله

والافضل انك لو هتغيير خليك على عرض الكاوتش 185 , بس كده يبقا انت هتغيير طقم الكاوتش بالكامل
لكن لو عايز تغيير الاتنين اللي ورا بس يبقا هتجيب نفس المقاس اللي ادام

**zizotito85** · 13-09-2011 03:05 AM

تسلم يا استاذ محمد والله ينور عليك انا غلطت فعلا في كتابة مقاس الكاوتش الخلفي هو فعلا 13/65/185 واللي ادام 13/70/175 يعني كدة الافضل اني اجيب فردتين مقاس 13/70/175للامام ودة هايديني احساس ان العربية عليت شوية من الخلف وشكرا للاهتمام

**محمد الشامي** · 13-09-2011 10:24 AM

ربنا يخلي حضرتك يا باشا , بس كده تقريبا مفيش فرق ملحوظ في ارتفاع الكاوتش ما بين الامام والخلف

عالعموم كل ما تعرض الكاوتش كل ما يكون افضل , ولكن قبل ما تحكم على شراء كاوتش خلفي او امامي لازم تشوف حاله الكاوتش الاول
يعني :-
لو الكاوتش الامامي سليم والخلفي تعبان = اشتري فردتين خلفي بنفس مقاس الامامي
لو الكاوتش الخلفي سليم والامامي تعبان = اشتري فردتين امامي بنفس مقاس الخلفي (وده الافضل من رأيي)
لو الكاوتش كله قرب يهلك = استنى شويه وغيير الطقم كله وهات مقاس 185
لو الكاوتش كله سليم = يبقا مفيش داعي للمصاريف دلوقتي واستنى لغايه لما تغيير الطقم كله مره واحده

وبردو انتظر رأيي الزملاء الاكثر مني خبره عشان يفيدك , وبالتوفيق ان شاء الله

**MMamdouh** · 13-09-2011 02:34 PM

مقاس 185/65/13 مش غلط... الغلط هو الخلط بين المقاس دة و مقاس 175/70/13... اما تخللى كلة 175/70/13 او كلة 185/65/13

MMamdouh

**zizotito85** · 13-09-2011 06:18 PM

المشاركة الأصلية كتبت بواسطة mmamdouh

مقاس 185/65/13 مش غلط... الغلط هو الخلط بين المقاس دة و مقاس 175/70/13... اما تخللى كلة 175/70/13 او كلة 185/65/13

mmamdouh

شكرا للاهتمام يا باشمهندس ممدوح بس لو الميزانية ماتسمحش دلوقتي هل في مشاكل لو الواحد يستنى شوية كام شهر مثلا لحد لما تيجي فلوس وياريت تقولي حضرتك هل المقاسين دول للكاوتش اللي هما 13/65/185 و13/70/175 تعمل فرق في ارتفاع العربية بين الخلف والامام ولو يكون في فرق كام سم وهل دة هو السبب في احساسي ان العربية واطية من الخلف
واسف علي الاطالة

**MMamdouh** · 14-09-2011 12:12 PM

المقاسين دول ارتفاعهم واحد فا مش المفروض يحصل اى خلل فى ارتفاع العربية

لو ناوى تستنى شويتين على ما تغير الكاوتش و توحد المقاسات يبقى خللى الكاوتش ال 185/65/13 ورا

MMamdouh