طريق من القاهرة لبور سعيد

**ahmmedbingo** · 14-09-2011 12:04 AM

السلام عليكم ورحمة الله وبركاته

ازيكم يا احلى اعضاء لاحلى منتدى
ان شاء الله بفكر اسافر بكرة بور سعيد بس مش عارف ازاى ياريت حد يتكرم ويوصفلى الطريق بالتفصيل انا ان شاء الله هتحرك من امبابة ، وياريت كمان شوية معلومات المسافةقد اية تتاخد فى كام ساعه الطريق نضيف ولا مدغدغ ومتبهدل الطريق دة امان ولا ... عشان احتمال اتحرك بعد العشا بس يكون متأكد من كلامة

جزاكم الله كل خير

السلام عليكم ورحمة الله وبركاته

**m3touk_85** · 14-09-2011 12:18 AM

هتنزل نزلة الاسماعيلية من الدائري وعلطول وربنا معاك اكنك رايح الحرفيين هتلاقي يفط

**ahmmedbingo** · 14-09-2011 12:58 AM

لأ الله يكرمك انا عايز رد مستفيض على كل اسئلتى معلش هتعبك معايا

**mohamed_selim** · 14-09-2011 11:59 AM

الطريق امان بس طبعا بعد العشا متأخر شويه و مفيش حاجه مضمونه اليومين دول بس عامة امان
هتاخدلك ساعتين من اول ما تمسك طريق الاسماعيليه الصحراوى لو ماشى على 100 و الطريق كويس ... فى حته بس بعد بوابات طريق اسماعيليه الاسفلت مموج شويه فالعربيه هتتهز شويه
من امبابه تاخد الدائرى فى اتجاه مدينة السلام و تنزل نفق السلام و تلف اول يوترن بعده (بعيد شويه بس دى اسهل حاجه) و ترجع و عند النفق تنزل يمين على اسماعيليه الصحراوى .... تمشى طوالى و هتعدى على العبور و على الشروق و هتطلع 2 كوبرى عند العاشر من رمضان و بعديها بشويه بوابات الطريق تدفع 4 جنيه و تكمل طوالى هتوصل عند اسماعيليه و هتطلع 2 كوبرى ورا بعض برضه و هتنزل عند المنطقه الصناعيه فى الاسماعيليه و بعدها على طول قيادة الجيش التانى على يمينك و المدرسه الرياضيه ... بعد حوالى 2-3 كيلو هتلاقى بنزينه كبيره على الشمال و رست اسمه الشروق و يفط طريق بورسعيد شمال (هتلاقى كام مطب صغيرين كده) و تخش شمال هتلاقى برضه رست و بنزينه على يمينك و تكمل طوالى مع الطريق الرئيسى (هتلاقى حتت عند ابو خليفه و القنطره الطريق الرئيسى بيلف من بره البلد كانه دائرى) المهم انت ماسك الطريق الرئيسى و هتعدى تحت كوبرى السلام و بعديه القنطره و اخر الطريق ده بورسعيد

**kisho55555** · 14-09-2011 12:16 PM

المشاركة الأصلية كتبت بواسطة mohamed_selim

الطريق امان بس طبعا بعد العشا متأخر شويه و مفيش حاجه مضمونه اليومين دول بس عامة امان
هتاخدلك ساعتين من اول ما تمسك طريق الاسماعيليه الصحراوى لو ماشى على 100 و الطريق كويس ... فى حته بس بعد بوابات طريق اسماعيليه الاسفلت مموج شويه فالعربيه هتتهز شويه
من امبابه تاخد الدائرى فى اتجاه مدينة السلام و تنزل نفق السلام و تلف اول يوترن بعده (بعيد شويه بس دى اسهل حاجه) و ترجع و عند النفق تنزل يمين على اسماعيليه الصحراوى .... تمشى طوالى و هتعدى على العبور و على الشروق و هتطلع 2 كوبرى عند العاشر من رمضان و بعديها بشويه بوابات الطريق تدفع 4 جنيه و تكمل طوالى هتوصل عند اسماعيليه و هتطلع 2 كوبرى ورا بعض برضه و هتنزل عند المنطقه الصناعيه فى الاسماعيليه و بعدها على طول قيادة الجيش التانى على يمينك و المدرسه الرياضيه ... بعد حوالى 2-3 كيلو هتلاقى بنزينه كبيره على الشمال و رست اسمه الشروق و يفط طريق بورسعيد شمال (هتلاقى كام مطب صغيرين كده) و تخش شمال هتلاقى برضه رست و بنزينه على يمينك و تكمل طوالى مع الطريق الرئيسى (هتلاقى حتت عند ابو خليفه و القنطره الطريق الرئيسى بيلف من بره البلد كانه دائرى) المهم انت ماسك الطريق الرئيسى و هتعدى تحت كوبرى السلام و بعديه القنطره و اخر الطريق ده بورسعيد

كدا هى الاجابة الكاملة ...

كنت عايز ازود ... خلى بالك فى طريق بورسعيد من اسماعلية هتلاقيه حارتين لكل طريق وخلى بالك من التكاتك قبل القنطرة بشوية ...

حاجة تانية ... فى تحويلة موجودة على اول طريق بورسعيد قبل كوبرى السلام .... بعد بداية الطريق بتاع اسماعلية ب 10 كيلو ....وتمتد حوالى 700 متر .....

بعد لما تعدى ملف القناطر الخيرية هتلاقى الطريق ممهد وكويس وطوالى مع بعض الانحنايات البسيطة ...

خلى بالك مرة تانية ... قبل بورسعيد ب 15 كيلو ..... هتلاقى حته معرجة على اليمين وخليك دايما فى الشمال .... وده عند ميزان النقل تقريبا .....

كدا انا قولت كل اللى عندى .. وربنا معاك