مقارنه بين سيارت الفئه السعريه 110000 الي 120000

**mohamedalielsayed** · 14-09-2011 06:50 AM

ارجوا من الساده الاعضاء المقارنه بين
1- المتسوبيشي البومه 1600 و hp 121
2-الشقوليه كروز 1600 و 107 hp
3- الانترا 2012 1600 و 130 hp
4-الكيا كارينز 1600 و ؟؟؟ hp
5-المتسوبيشي البومه 1500 و ??? hp
6-النيسان تيدا
7-الفلورنس
( طبعا هذه الفئه السعريه لهذه السيارات قد تتيح هذه الانواع مع اختلاف الاوبشن يعني الكروز و البومه و كارنز هيبقوا اوتومتك في حين الالنترا و البومه و الفلورنس مانسوال) عموما اوجه المقارته هتكون
1- العفشه ونظام التعليق
2- الثبات و وزن السياره الخالي
3- الفرامل
4-التكيف و اداء السياره معه وايهم يعمل بنظام درجات الحراره (تاتش)
5-السعه الداخليه للسياره و الشنطه
6-اداء السياره
7-سعر اعادت البيع
8- متانت و سمك عضم السياره
9-معدل استهلاك البنزين

**IronHead** · 14-09-2011 11:41 AM

مفيش لانسر بومة 1500 الشارك هى اللى بتنزل 1500 بقدرة اكبر من موتور البومة ال 1600

**IronHead** · 14-09-2011 11:59 AM

1- العفشه ونظام التعليق لانسر والفلونس عشان دول على نظام multi link خلفى
2- الثبات و وزن السياره الخالي فلونس
3- الفرامل فلونس عشان الطنابير الخلفية disc مش drum زى بقيت الحجات
4-التكيف و اداء السياره معه وايهم يعمل بنظام درجات الحراره (تاتش) اللانسر والتيدا احسنهم والفلونس اسوءهم, مفيش عربية من العربيات دول فى الفئة 110000 الى 120000 فيها تكييف اوتو او تاتش
5-السعه الداخليه للسياره و الشنطه الانترا 2012 وكارنز بفرق كبير
6-اداء السياره لو قصدك التسارع يبقى الانترا
7-سعر اعادت البيع لانسر والانترا والكارينز افضل سعر اعادة بيع
8- متانت و سمك عضم السياره متدقش فى دى عشان تقريبا كله متقارب فى النقطة دى عشان مفيش عربية المانى فى المقارنة

بس تصحيح صغير اللانسر بوما 1600 اوتو ب 116000 تقريبا فتقدر تدخلها معاك فالميزانية, المانول 1600 ب 110000 على ما اتذكر

**mohamedalielsayed** · 14-09-2011 08:45 PM

متشكر للمشاركات السابقه من نحيتي انا بسال علي الكارينز للاسف متهيقلي الناس الي بتقول ان متورها 1600 بقوه 124 حصان الكلام ده مش مظبوط انا اتكلمت مع ناس كتير في الشارع و اكتشفت ان تسارها مش اد كده و التكيف العادي مش اد حجم العربيه علشان كده يبقي العربيه ميزتها الاولي الحجم بالنسبه لاعاده الابيع سعرها محترم بالنسبه لعضمها متوسط مش وحش الثبات صحبي معاه وحده سافر بيها الغردقه جاب 180 السياره ثابته و ان كانت السياره الي معاه خليجي لانه مبيشتكيش من التكيف بصراحه ثلاجه يعني متهيقلي احسن فئه في السياره ده هي الخليجي السعودي علشان التكيف بس للاسف جيبها ب 130000 بالنسبه للوزن خالي مابين 1500 و 1600 كيلو جرام لان في منها اوربي 2000 سي سي بيبقي 1600 كيلو جرام اما بالنسبه لمعدل استهلاك الوقود في تناقد ناس بتقول كويس و ناس بتقول كتير علشان حجمها و متورها القليل عليها
حكمي النهائي (السياره ده اقرب حاجه للفان عائليه مش شبابيه الناجح منها الخليجي علشان التكيف والسحب بس مش عارف الخليجي السعودي بيبدا بكام) هحاول اجيب معلومات عن باقي السيارات الباقيه

**mohamedalielsayed** · 14-09-2011 08:50 PM

بالنسبه لللانسر البومه مش محتاجه كلام ماتور 1600 سي سي قوه 121 حصان السياره تسارعها محترم و من افضل السيارت في المقارنه من ناحيه العضم و الثبات من الاخر حمارت شغل وكفايه انها ياباني عيبها الوحيد شكلها بقالوا كتير في السوق انما هي فنيا من افضل السيارات في المقارنه و شبابيه و عائليه يريت لو حد يعرف معلومات عن شارك مزايا و عيوب يقول و متورها 1500 كام حصان

**mohamedalielsayed** · 14-09-2011 09:18 PM

مطلوب معلومات اكتر علي الفلورنس و الانترا 2012 و المتسوبيشي الشارك و تيدا و الكروز

**MaZaGAngeE** · 15-09-2011 03:24 AM

مقارنة مهمة لفئة تعتبر تتنافس فيها اغلب السيارات

**IronHead** · 15-09-2011 11:01 AM

المشاركة الأصلية كتبت بواسطة mohamedalielsayed

بالنسبه لللانسر البومه مش محتاجه كلام ماتور 1600 سي سي قوه 121 حصان السياره تسارعها محترم و من افضل السيارت في المقارنه من ناحيه العضم و الثبات من الاخر حمارت شغل وكفايه انها ياباني عيبها الوحيد شكلها بقالوا كتير في السوق انما هي فنيا من افضل السيارات في المقارنه و شبابيه و عائليه يريت لو حد يعرف معلومات عن شارك مزايا و عيوب يقول و متورها 1500 كام حصان

الشارك افضل من البومة فى كل حاجة (الموتور, العفشة, الثبات, التكييف, استهلاك البنزين, وسع الصالون, الكماليات,الشكل الخارجى والداخلى, دة بحكم فرق تكنولوجيا 2008 عن 2004) فيما عدا سعر اعادة البيع لعدم انتشارها زى البومة عشان سعرها عالى ووسع الشنطة البومة تكسب
بس المشكلة انها برة المزانية, سعرها بيبتدى من 135000

**mohamedalielsayed** · 15-09-2011 12:31 PM

السعر ال135000 ده في الاوتوماتك للشارك متهيقلي المانوال اقل بس مش عارف بكام

**mohamedalielsayed** · 15-09-2011 12:47 PM

1- للاسف الكروز و الكارينز الاتنين بحكم غالبيت الناس بطه بلي علشان الماتور قليل علي السياره و الكارينز الافضليه للخليجي علشان التكيف .
2- اللنسر الشارك و التيدا سعر اعادت البيع قليل لعدم انتشارهم و كنت سامع ان الشارك فيها مشاكل في الثبات علشان عيب في الميزان الخلفي
3- الفلونس طلعت تقفيل تركي و مع احترامي لها كسياره بس مش هدفع 120000 في سياره تقفيل تركي هي بس عفشتها كويسه و ثابته و في مشاكل مع تكيقها شويه عربيه اوربيه برده
يعني يتبقي اللنسر البومه و الانترا الجديده و معلش علشان معايا وبترا هدخل الكروز معاهم في التصفيه الاخيره
الانسر 1600 بقوه 121 حصان شكل من 2004 عفشه جيده 09\10عضم تمام 9\10 و ثبات9\10 (ياباني)
الكروز 1600 بقوه 107 حصان شكل من 2009 عغشه كوري جيده 8\10عضم 8\10 وثبات 10\10(كوري)
الالنترا 1600 بقوه 130 حصان شكل من 2011 عفشه ؟؟؟؟؟؟؟ عضم ؟؟؟؟؟؟؟ و ثبات ؟؟؟؟؟؟؟ (كوري)
هي بس اوسع من الكروز و اشيكهم و اقواهم من ناحيه الماتور و التسارع يريت لو حد عنده معلومات عن الالنترا الجديده يكتبها او ينصحني بقيه