اعتراف من صفحة رينو -اﻷم- على فيس بوك بوجود مشكلة الحرارة

**saidbakr** · 15-09-2011 02:50 AM

السلام عليكم
قد كتبت موضوع على صفحة الشركة اﻷم رينو على فيس بوك اعرض فيه مشكلة الحرارة التي عند الدواسات و في الكونسول وارتباطها بماسورتي المياه القادمة من الريداتير. وهذه صورة من المناقشة التي دارت والتي يتبين فيها اقرار بالمشكلة. إضغط على الصورة للتكبير!

لمزيد من التفاصيل يرجى الرجوع إلى موضوع http://www.nilemotors.net/Nile/244838-a-4.html

**ayman1204** · 15-09-2011 05:34 AM

دا جميل الكلام دا
واكيد ان شاء الله هيلاقوا حل للموضوع دا

**tamer61** · 15-09-2011 11:47 AM

بس سيبك إنت يا عم سعيد .... صورتك إللي علي ال Facebook أحلي كتير من إللي عندنا هنا ..... نجم سينمائي!!!!! و بالتأكيد جهد مشكور ليك في موضوع سخونة الكونسول.

**saidbakr** · 15-09-2011 03:02 PM

المشاركة الأصلية كتبت بواسطة ayman1204

دا جميل الكلام دا
واكيد ان شاء الله هيلاقوا حل للموضوع دا

لا يا باشا موش كلام جميل ولا حاجة! عارف إزاي؟ على كلامهم: اللي معاه العربية اللوجان دلوقتي يشربها بالعيب ده وبعدين بقى وعليك خير لما يبقوا يعدلوا الموديل هيبقوا يتلافوا الموضوع ده.

طبعا ده كلام موش منطقي بالمرة ومجحف للغاية. أرجو من كل ملاك رينو لوجان أن يتقدموا بشكاوى إلى جهاز حماية المستهلك.

**ahmedbakr50** · 15-09-2011 03:05 PM

أنا كان عندى الموضوع ده والمفروض إن ركبه العازل
بس كده هتخلينى أركز شوية فى الحرارة طالعة ولا لأ

**saidbakr** · 15-09-2011 03:16 PM

المشاركة الأصلية كتبت بواسطة ahmedbakr50

أنا كان عندى الموضوع ده والمفروض إن ركبه العازل
بس كده هتخلينى أركز شوية فى الحرارة طالعة ولا لأ

يا باشا حتة الموكيت اللي بيحطوها دي ما هياش عازل، وحتى لو كانت عازل، فحضرتك مهندس وعارف، علشان تعزل حاجة لازم تلفها او تغطيها كليا بوسط العزل وده ما بيحصلش. خلي بال حضرتك إن دي ماسورة تنقل ماء درجة حرارته لا تقل عن 80 درجة بأي حال من اﻷحوال والماسورة دي بتعدي جنب رجلك بمسافة لا تزيد عن 10 سم، واعتقد إن ده خلاف أي مقاييس في اي تصميم. يعني اللي بيعملوه في التوكيل ده اسمه تهريج. لازم نحرك الموضوع اكتر في حماية المستهلك.