حادثة في فانتازيا 2010

**hamdy** · 15-09-2011 10:50 AM

يا جماعة ليا بس استفسار
دلوقتي انا واحد صاحبي عمل حداثة بفانتازيا 2010 والتلفيات تقريبا كالتالي :
رفرفين امامي يمين وشمال
اكصدام امامي طبعا بالعضم بتاعه
فوانيس امامي يمين وشمال بالقواععد بتاعتهم
ردياتير بلوازمه
سربنتينة تكييف طبعا بلوازمها
قواعد موتور لان الموتور رحل من مكانه و منعرفش ياتري في ايه في الفتيس او الموتور مع العلم ان العربية بدور بس مبتتحركشي
وترقيبا في حاجة مفكوكة من الفتيس
فليا كام سؤال كدا
انا نصحته انه يروح التوكيل خصوصا ان الايرباج فتح عند السواق بس وفيه حاجت في الكنترول عايزة تتغير
عايزة اسئل هل كدا ممكن تبقا العربية التوكيل مع التامين يعتبرها اهلاك كلي ولا لأ؟؟
وانهي احسن ليه كان صلحها برة ولا عمل بنصيحتي ووداها التوكيل؟؟؟
وحد سمع عن الشركة المصرية للتامين التكافلي كويسة ولا لأ ؟؟
و جزاكم الله خيرا

**yoko** · 15-09-2011 10:58 AM

احتمال كبير يعتبروها total loss

**hamdy** · 15-09-2011 11:49 AM

المشاركة الأصلية كتبت بواسطة yoko

احتمال كبير يعتبروها total loss

انا قلت كدا برضو وحاسس انه احسن ليه

**hamdy** · 15-09-2011 11:50 AM

المشاركة الأصلية كتبت بواسطة tameraast

التكافلى اسمع انها كويسه تصليحها التوكيل هيتكلم فى 40 او 50 من غير الاير باج دى خوارها سهل تجيب الكبسوله من الحرفين و تعدل فى بيانات الكنترول بتاع الاير باج علشان يطفى الارر

مش كتير 40 ل 50
ماهو لو كدا بقا يبقا اكيد اهلاك كلي

**AhMeD MeTwAlY** · 15-09-2011 02:40 PM

حمدله علي سلامة
ربنا يعوض عليه بجد حاجه تزعل لما عربيه زي دي تتخبط كده

**hamdy** · 15-09-2011 04:04 PM

المشاركة الأصلية كتبت بواسطة xmanx51

حمدله علي سلامة
ربنا يعوض عليه بجد حاجه تزعل لما عربيه زي دي تتخبط كده

لو شفت العربية بجد حاجة تصعب عليك

**AhMeD MeTwAlY** · 15-09-2011 04:15 PM

المشاركة الأصلية كتبت بواسطة hamdy

لو شفت العربية بجد حاجة تصعب عليك

كفايه الي حكيته انا بتخيل منظر العربيه
ربنا يكفينا شر الحوادث واهم شئ هو بخير والحمد لله دي بمليون عربيه

**tomaz** · 15-09-2011 04:23 PM

تكلفة الاصلاحات من 35-45 الف (حسب الفتيس فيه حاجه ولا لا).... و دا مستحيل بتوع التامين يعتبروها توتال لوس (الا اذا عملتى صفقه مع الشركه انك تشيلى نسبه معينه من اللى هيتدفع و ف الحاله دى ممكن تتبدل العربيه بواحده زيرو ) لان تكلفة الاصلاحات عشان تعتبر توتال لوس لازم تكون اكتر من 60% من قيمة السياره ف الوقت ده (و كل الحاجات دى طبعا بتكون ضمن نوع التامين ال اتعاقدتو عليه ) تانى حاجه لازم يعمل الكشف ف الشركه و ميسبش اى ضرر ف العربيه (و لو الولاعه حتى من غير ميذكرها لازم كل كبيره و صغيره) عشان بتوع التامين دول مصاصين دماء مش شركه خيريه هيشوفلك ايه الاحسن و يعملو ! لا هم دايما اى حاجه فيها استعدال بيستعدلها و ميستبدلهاش ف اهم حاجه تذكرو كل الاضراار بورقه رسميه من الوكيل يتكشف ع العربيه من و الى .... عرفتو التكلفه و اتفقتو مع الشركه هتدفع كام و انتو هشيلو ايه من التكلفه و كده نيجى بقه هتصلح العربيه فين ( كصاج و اكصدامات و خلافه من النوع ده افضل يتسمكر و يتظبط بره عشان التوكيل بياخدو فلوس هبلللل عالمصنعيه ف نقطة الدهان بأه لازم الوكيل او مركز كبير عشان يكون عنده درجة الون بالظبط بالكومبيوتر عشان العربيه ف الاخر تبقى كلها شكل بعضها و انا افضل الوكيل مع انه غالى ف المصنعيه ) نيجى للميكانيكا متخليش حد يحط ايده فيها غير التوكيل لانه احسن حد فاهم فيها و مش هيغلطو ولا ينسى يركب سينسور ولا اى حاجه لان ببساطه هو معندوش غير العربيه دى ف هو حافظها تماماااا يعنى لو رحت مركز صيانة الوكيل ال ف غمره و دخلتى هتلاقى 90% من العربيات الموجوده a5 w fantasia و الاتنين واحد ف انشاء الله عمره مهينسى مسمار .... و معلش طولت بس حبيت ادى كل حاجه حقها بالظبط و لو حضرتك عاوز انا اعرف مدير المركز معرفه شخصيه ممكن اكلمه . و ربنا يسهلك الحال

**hamdy** · 15-09-2011 04:34 PM

المشاركة الأصلية كتبت بواسطة tomaz

تكلفة الاصلاحات من 35-45 الف (حسب الفتيس فيه حاجه ولا لا).... و دا مستحيل بتوع التامين يعتبروها توتال لوس (الا اذا عملتى صفقه مع الشركه انك تشيلى نسبه معينه من اللى هيتدفع و ف الحاله دى ممكن تتبدل العربيه بواحده زيرو ) لان تكلفة الاصلاحات عشان تعتبر توتال لوس لازم تكون اكتر من 60% من قيمة السياره ف الوقت ده (و كل الحاجات دى طبعا بتكون ضمن نوع التامين ال اتعاقدتو عليه ) تانى حاجه لازم يعمل الكشف ف الشركه و ميسبش اى ضرر ف العربيه (و لو الولاعه حتى من غير ميذكرها لازم كل كبيره و صغيره) عشان بتوع التامين دول مصاصين دماء مش شركه خيريه هيشوفلك ايه الاحسن و يعملو ! لا هم دايما اى حاجه فيها استعدال بيستعدلها و ميستبدلهاش ف اهم حاجه تذكرو كل الاضراار بورقه رسميه من الوكيل يتكشف ع العربيه من و الى .... عرفتو التكلفه و اتفقتو مع الشركه هتدفع كام و انتو هشيلو ايه من التكلفه و كده نيجى بقه هتصلح العربيه فين ( كصاج و اكصدامات و خلافه من النوع ده افضل يتسمكر و يتظبط بره عشان التوكيل بياخدو فلوس هبلللل عالمصنعيه ف نقطة الدهان بأه لازم الوكيل او مركز كبير عشان يكون عنده درجة الون بالظبط بالكومبيوتر عشان العربيه ف الاخر تبقى كلها شكل بعضها و انا افضل الوكيل مع انه غالى ف المصنعيه ) نيجى للميكانيكا متخليش حد يحط ايده فيها غير التوكيل لانه احسن حد فاهم فيها و مش هيغلطو ولا ينسى يركب سينسور ولا اى حاجه لان ببساطه هو معندوش غير العربيه دى ف هو حافظها تماماااا يعنى لو رحت مركز صيانة الوكيل ال ف غمره و دخلتى هتلاقى 90% من العربيات الموجوده a5 w fantasia و الاتنين واحد ف انشاء الله عمره مهينسى مسمار .... و معلش طولت بس حبيت ادى كل حاجه حقها بالظبط و لو حضرتك عاوز انا اعرف مدير المركز معرفه شخصيه ممكن اكلمه . و ربنا يسهلك الحال

ربنا يخليك يا باشا وشكرا علي المعلومات دي اللي طمنتني و جزاك الله خيرا

الموضوع: حادثة في فانتازيا 2010

LinkBack

أدوات الموضوع

عرض

حادثة في فانتازيا 2010 - انشر الموضوع فى :

-

-

-

-

-

-

المواضيع المتشابهه

تسعير فانتازيا 2010

اشتري جيتا 2010 ولا فانتازيا 2011اشتري جيتا 2010 ولا فانتازيا 2011

اخيرا جبت فانتازيا 2010

فانتازيا مانيوال 2010 ولا سيراتو اوتو 2010

سكودا فانتازيا 2010

الكلمات الدلالية لهذا الموضوع

المفضلات

المفضلات

ضوابط المشاركة