الموضوع: صني سوبر صالون ولا النترا و لا سيراتو ولا rb

شكرا يا احمد باشا علي الرد بس ليه الصني ؟

الصني عربيه محترمه جدا جدا جدا
يعتمد عليها 100% و ما تعملش دقات نقص في يوم من الأيام
توكيل محترم جدا و واقف ورا العربيه زي الأسد
قطع غيار متوفره بشده أصليه و ياباني و تايواني و صيني ،............. و علي كل لون
موضوع وسع الصالون لازم تشوفه بنفسك و تحكم عليه، انا شخصيا شايف انه جيد كسياره عائليه
لكن بعض الأخوه بيوقولوا صغير نسبييا .
مش عاوز أقول خلليك في الياباني و سيبك من الكوري علشان الكلمه دي ساعات بتزعل الناس .

و تقبل مروري..تحياتي

المشاركة الأصلية كتبت بواسطة SonaSteel

بعد اذنك يابو حميد ارد عقبال ما تيجي :))
اشمعنه الصني :
والترتيب للأهمية حسب كلامك
1- العربية بعد ال7 سنين حالتها هاتكون محترمة وده راجع لان صاجها محترم الي حد ما وشكلها مش بيتبهدل بسرعه
وبتشوف عربيات 2006 و 2007 و2008 اليومين دول ... لكنها زيرو ماشاء الله
واعربيات الصني 2000 و2001 كانت بنزل اشوفهم عربية متصانة ماشاء الله ... ومش أي حد بيركابها ... علشان كده تلاقيها مش متهانة
بعكس العربيات التانية ... سنة ولا سنتين وشكلها هايبوخ وده لان صاجها ضعيف وبيبان فيه الخرابيش والديفوهات بسهولة.
ده غير ان 60% منها ياياني ماتور وعفشة و تكييف .... ومعمرين ماشاء الله وقطع غيارها رخيصة ومنتشرة ماشاء الله
اعطالها قليلة جدا ماشاء الله واي حد اشتغل فيها

2- زي ما قلتلك كله اشغل فيها .... ولو هاتعمل الصيانة في التوكيل يبقي انت في احسن توكيلان مصر بفضل الله .

3-الوسع اختلفت في الاقاويل .... الكنبة ضيقة لبعض الناس وخاصة ذوي الطول منهم ... حلها انكتنزل وتشوفها في الطبيعه وتاخد الاسرة معاك علشان يقعدوا فيها وشوفوا مستريحين ولا لأ.

4- هاتجيب العربية قسط .... وده يرجعنا لرقم 1 انك محتاج عربية لغاية ما تيجي تبيعها عايزها تكون بحالتها وتقعد معاك سنين التقسيط واكتر من غير ما تفتح بؤها .... وان شاء الله هتلاقيها في الصني

وحاجات كتييييييييييران شاء الله هاتبسط منها ....... بس متنساش الاستخارة وربنا ييسرلك كل خير
اقعد بألف عافية :))

شكرا يا SonaSteel علي الرد الموضوعي انت خلتني فعلا اميل للصني لان هو ده بالظبط اللي انا عاوزه و تكون محترمه و تستحمل بس انا سمعت ان ضفيره العربيه ديه مشكله كبيره و حلها ايه لو حصلت لا قدر الله

المشاركة الأصلية كتبت بواسطة dramir1

انا رأيي تيدا بيزك 115الف جنيه ولوينفع تجيبها بلس 128 الف جنيه يبقى احسن

شكرا يا دكتور علي النصيحه بس التيدا فيها تلات مشاكل بالنسبه لي:
1-السعر اعلي و بالتالي هتعسف في القسط
2-مش منتشره يعني انا مركز اليومين دول مشفتهاش كتير و قطع الغيار هتكون مش متوفره
3-شكل الصني احلي

اعتقد مفيش فرق بينهم غير التقفيل المصري و المكسيكي و بالتالي فرق الفلوس عالي علي الميزه ديه