الموضوع: انا حجيب عربيه جديده بلا وجع دمااغ (( بونتو ولا بيكانتو ))

المشاركة الأصلية كتبت بواسطة tutankhamoun

أسعار قطع غيار البونتو معقولة و مش موقدة نار و لا حاجة بالنسبة لأسعار السوق مش التوكيل
خد عندك مثال
كشاف أمامي 250 جنيه مش أصلي من غير موتور
طقم دبرياج (أسطوانة و ديسك و بلية ) 500 جنيه
سير كاتينة 100 جنيه تقريبا
تيل فرامل أمامي مثلا بيدأ من 60 جنيه

أغلى حاجة فيها هي وحدة التحكم ecu
و دي تقريبا ثمنها فوق 2500 جنيه و كانت بتحتاج تتغير بعد 100 ألف أو تقريبا فوقها شوية أو تحتها شوية (كان عيب في العربية مشهور )


أنا رأيي لو أنت عايز عربية صغيرة و شيك و جميلة
الكيا أحلى ......... بس البونتو مفيهاش عيوب و ممتازة برضه ( بس تصميم قديم قوي )
عيب البونتو
موضوع وحدة التحكم
و حساسة شوية للحرارة (يعني عايزة عينك على حرارة العربية و تزود مياه و العربية باردة بس فقط لا غير .

موضوع الecu بتاع الباور الكهربى إتحل خلاص من موديل 2006 تم تعديله
موضوع الحرارة محدش في الموديلات الجديده إشتكى منه لحد دلوقتي غالبا إتعدل هو كمان لما عدلوا كل الفيات في الموضوع ده وإبتدوا يستخدموا تكيفات ياباني
من الأسباب الي إكتشفتها بتسبب السخونة في فيات إن طرمبة المياه لازم تتغير مع السيور متتسبش عشان الناس بتسيبها وتبوظ ويتجننوا من الحرارة ومبيبقوش عارفيين يلاقوا السبب وفيات نفسها قايله الموضوع ده في كتالوج الورشة لكن للأسف مش كتبينه في الuser manual