للخبراء يا تري عيب مارش ولا رشاشات؟

**zizotito85** · 15-09-2011 07:16 PM

عربيتي لانوس 2001 مفيش مشاكل في تدوير العربية الصبح وهي باردة خالص بتدور من اول تدويرة للمفتاح اما لما بتكون العربية سخنة بعد مشوار طويل مثلا مش بتدور من اول مرة بعد مرة او مرتين او اعلق ايدي علي المفتاح شوية لحد لما تدور

انا كنت فاكر دة عيب مارش او بطارية لكن قريت موضوع في المنتدي غير فكرتي خالص وحولها ناحية الرشاشات زى ما قريت

يا تري دة عيب اية وهل لو رشاشات يبقي لازم تتغير ولا ممكن تتنضف بس؟؟

وشكرا جزيلا

**semsem_saad** · 15-09-2011 11:14 PM

المشاركة الأصلية كتبت بواسطة zizotito85

عربيتي لانوس 2001 مفيش مشاكل في تدوير العربية الصبح وهي باردة خالص بتدور من اول تدويرة للمفتاح اما لما بتكون العربية سخنة بعد مشوار طويل مثلا مش بتدور من اول مرة بعد مرة او مرتين او اعلق ايدي علي المفتاح شوية لحد لما تدور

انا كنت فاكر دة عيب مارش او بطارية لكن قريت موضوع في المنتدي غير فكرتي خالص وحولها ناحية الرشاشات زى ما قريت

يا تري دة عيب اية وهل لو رشاشات يبقي لازم تتغير ولا ممكن تتنضف بس؟؟

وشكرا جزيلا

أولا مشكلة المارش دى لو أنت سامع صوت المارش زى ماهو ولفاته سريعه يعنى مش بيعمل تكه ومايكملش لفات يبقى المشكلة مش من المارش ..
ثانيا عيب الرشاشات وتأخيرها فى الدواره ممكن يظهر معاك فى أى وقت وكمان الصبح لكن لية أعراض تانية لازم تكون لاحظتها .....أولا لو العربية أتأخرت فى الدواره أول ماتدور هتبقى زى ماتكون متلتة وفية برجلة ومش مظبوطة وبعدين شوية وتظبط .....فية دخنة وريحه عادم من الشكمان .....وأخيرا إستهلاك البنزين بيكون عالى ...هل عندك الأعراض دى
وياريت تراجع البوجيهات وسلوكها أولا ...

**BLEEDER** · 15-09-2011 11:30 PM

ممكن تكون البوبينه

**zizotito85** · 16-09-2011 06:02 AM

المشاركة الأصلية كتبت بواسطة semsem_saad

أولا مشكلة المارش دى لو أنت سامع صوت المارش زى ماهو ولفاته سريعه يعنى مش بيعمل تكه ومايكملش لفات يبقى المشكلة مش من المارش ..
ثانيا عيب الرشاشات وتأخيرها فى الدواره ممكن يظهر معاك فى أى وقت وكمان الصبح لكن لية أعراض تانية لازم تكون لاحظتها .....أولا لو العربية أتأخرت فى الدواره أول ماتدور هتبقى زى ماتكون متلتة وفية برجلة ومش مظبوطة وبعدين شوية وتظبط .....فية دخنة وريحه عادم من الشكمان .....وأخيرا إستهلاك البنزين بيكون عالى ...هل عندك الأعراض دى
وياريت تراجع البوجيهات وسلوكها أولا ...

المشكلة بتظهر اي وقت في اليوم بشرط تكون العربية سخنة بعد مشوار ولا تظهر ابدا والعربية باردة
بالنسبة لاستهلاك البنزين في المعقول حوالين 200 كيلو في الصفيحة تزيد خارج البلد وتقل جوة البلد
بالنسبة للريحة والعادم لا يوجد

**zizotito85** · 16-09-2011 06:04 AM

المشاركة الأصلية كتبت بواسطة bleeder

ممكن تكون البوبينه

باشكرك علي الرد بس ياريت تقولي مكانها فين وايه وظيفتها؟؟

**VANTROY** · 16-09-2011 09:52 AM

المشكلة دى كانت عندى .... وطلع المشكلة من البطارية

البوبينه هاتلاقيها فى الجانب الايمن من الماكينة فوق .... اللى خارج منها سلوك البوجيهات

**semsem_saad** · 16-09-2011 10:58 AM

المشاركة الأصلية كتبت بواسطة vantroy

المشكلة دى كانت عندى .... وطلع المشكلة من البطارية

البوبينه هاتلاقيها فى الجانب الايمن من الماكينة فوق .... اللى خارج منها سلوك البوجيهات

أولا أحب أضيف لو البطارية فيها مشكلة هتبان معاك وخصوصا الصبح ولو شغلت الأنوار والعربية مش دايرة والكلاس مثلا هتلاقى فية ضعف عام فى كهربة العربية ....وبعدين لو بتدور المارش كويس ( سريع اللفات يبقى مافيش مشكلة ) وممكن كمان تقيسها بسهولة عند أى كهربائى وشحن الدينامو بالمرة
ثانيا ممكن تكون المشكلة فعلا من البوبينه زى ماقال الأخ vantroy ومكانها هتعرفة لأن خارج منها سلوك البوجيهات ودول أعلى صاجة الفرن فى مقدمة الموتور ونقدر نحكم على البوبينة بالتجربة أزارى
- هتدور العربية وتجيب حاجة عازلة تمسك بيها سلك البوجيهات من أسفل أعلى الجزء المعدنى فية
- هتشيل السلك من البوجيه والعربية دايره هيحصل برجة فى الموتور (هيرعش ) بس تخلى مقدمة السلك الجزء الألمونيوم قريب من رأس البوجية بحوالى 3 سم هتلاقى فية شرارة طالعة من الرأس المعدن دى للبوجية وواضحة جدا ...لازم تكون قوية وهتسمع صوت ( تكتكه جامدة ) هتركب السلك تانى عادى العربية هترجع تظبط ومافيش برجلة
- هتعيد الخطوة دى على الثلاث بوجيهات مع مرعاة وجود نفس المسافة لما تحل السلك بينة وبين البوجيه فى وقت تجربة الشرارة .....
ولو الكهرباء ( الشرارة )إلى خارجة للأربع بوجيهات زى بعض ومش ضعيفة يبقى مافيش مشكلة فى البوبينة والعيب عيبة تانى ممكن يكون أى أحتمال زى ماقولنا

**MMamdouh** · 16-09-2011 02:57 PM

دى مشكلة رشاشات

لو كانت مشكلة بطارية او مارش مكانتش العربية تدور عادى الصبح

عايز تتاكد... لما تيجى تدور و العربية سخنة و متوقع انها تغيب... دور و انت كابس دواسة البنزين للاخر,,, لو دارت اسرع من المتوقع يبقى دى رشاشات بدون شك

الرشاشات اللى فيها مشكلة تسييل لازم تتغير لان مش بينفع معاها تغيير

MMamdouh

**MMamdouh** · 16-09-2011 08:02 PM

هو بيفرق فى حالة التسييل فقط لان تسييل الرشاشات بيسبب زيادة كبيرة فى كمية البنزين اللى فى منافولد السحب و دى نفس حالة العربيات الكربراتير لما تبقى شرقانة لان تعريف الشرقان هو زيادة كمية البنزين عن الهواء فى منافولد السحب

كل الفرق ان فى العربيات الكربراتير انت ممكن تخلليها تشرق بانك تكارك بنزين كتير و هى مش دايرة... فى الانجكشن مستحيل تقدر تعمل كدة بنفسك الا ان حالة الشرقان ممكن تحصل لو الرشاشات بتسيل

MMamdouh