لسه جاى من التوكيل من ساعة أول واحد دخلت طبعا ما انا هناك من الساعة 7 العربية خدوها على الساعة 8:15 كده بعد ما قلت للمهندس الملاحظات بتاعتى لمهندس اعتقد جديد هناك ماشفتهوش فى صيانة الألف و الـ 5 آلاف بيتهيالى جابوه عشان اللود بقى اكتر من الاول على مركز الصيانة ده.
المهم قلتله على ملاحظاتى الأربعة :

1- صوت التزييق اللى باسمعه من العفشة
2- صوت تصادم الحديد اللى بسمعه من العفشة بالذات لما بمشى فى اماكن مش ممهدة او مكسرة قاللى آه رنة حديد كده بتسمعها من قدام قلتله عليك نور.
3- الفرامل لازم أدوس على ربع الدواسة عشان تستجيب فياريت تبقى على الشعرة زى الاول و كمان فرامل اليد تترجلش عشان بتوصل للست تكات.
4- باب السواق بيزيق فياريت نعمله قاللى مش هينفع هنا لازم تروح العامرية لمهندس قالى اسمه بس مش فاكره المهم قاللى احنا ما بنشتغلش فى اى حاجة فى البدى بتاع العربية و الباب لو محتاج ترييح او فك اوسمكرة... لو عايز تعمله تروح العامرية .

العربية خلصت حوالى الساعة 10:20 و تكلفة الصيانة 460 جنيه و رحت استلم العربية لقيتهم غسلوها بالمية كعادتهم و بركب عشان اجرب:

1-الفرامل لسه زى ماهى و فرامل اليد زى ما هيا مفيش جديد فرحت اقول لمهندس الاستقبال فنده لواحد شاب كده اسمه مهندس محمد عشان يجرب العربية معايا المهم طلعنا نجرب و قعد يقولى ده التيل مع الوقت بيريح و هوا ده الطبيعى فحكيتله شوية مواقف حصلتلى بالفرامل قبل كده فالظاهر صعبت عليه فاقتنع إن ده مش الطبيعى إن انا ادوس لحد ربع و لا نص الدواسة عشان افرمل و بعد ما جربها قاللى هشوفهالك تانى دخل الورشة و لا بص فيها راح سال الفنى تقريبا قاله دى طبيعتها كده فرجع قالى هيا طبيعتها كده قلتله شكرا و السلام عليكم. اه سالته على فرامل اليد قاللى الطبيعى يتاعها خمس تكات...ز
2- بالنسبة للعفشة لسه العربية ممشيتش بيها كتيرعشان اجربها يادوب المشوار من التوكيل للبيت هيبان فى الايام اللى جايه بس حاسس بتحسن كتير فى العربية لما مشيت على طريق مش ممهد و انا مروح.
3- طبعا الباب لازم اروح العامرية و انا طبعا مش هروح مخصوص عشان الباب.

الخلاصة صيانة العشر 10 الاف اتعملت و العربية بقت احسن من قبل الصيانة بكتير فايقة كده و بجرى براحتى و الملاحظات نسبتها لحد دلوقتى 50% اتعملت و 50% ما اتعملتش.

نلتقى بعد الفاصل خليكوا معانا اوعو تروحو فى اى حتة كان معكم ...