الموضوع: تحية للفانتازيا بجد

أنا كنت بسافر علي طول بعربيتي 523 و كنت بعمل المشاوير اللي جوه البلد بالفانتازيا...يشاء القدر إني كنت مسافر النهاردة بورسعيد أجيب حاجات من هناك نزلت الصبح لقيت البي إم مفيهاش بنزين خالص, فسبتها وقولت أسافر بالفانتازيا.
مسكت طريق إسماعيلية الصحراوي كان فاضي.
كل اللي هقوله بسم الله ما شاء الله علي العربية دي..حاجة ولا في الخيال.ثبات إيه وراحة إيه وإستجابة إيه ومناورات إيه.بجد تحفة.أنا سافرت بيها مرتين كنت بمشي بالراحة.مجرتش بيها غير المرتين دول عشان أجرب التوب سبيد بتاعها بس..إنما النهاردة إتعاملت معاها زي ما بعامل البي إم..وكانت النتيجة فعلا مذهله. الغرزة باخدها علي 170 ولااااااااا كأني خدتها والله.تحس إن العربية مكلبشة في الأرض.فعلا.العربية دي في الغرز والمنحنيات ( ملكة )

الفرامل حدث ولا حرج..واحد إبن تييييييت بمقطورة رمي عليا فجأة وكنت علي 189 كم دوست فرامل جامد وبستر ربنا العربية نصفتني وعرفت يعني إيه أمان سكودا ( فولكس عموما يعني )

الثبات....أنا كنت بسوق السيراتو بتاعة عمي ولما بكون ماشي 140 بحس إني راكب مورجيحة..وآه لو عديت من جنب أوتوبيس أو نقل وأنا علي السرعة دي.كانت لاااازم تغير حارتها غصب عني..إنما الفانتازيا شئ تاني خالص.العربية واخدة حارتها وملهاش دعوي يعدي من جنبها مين.ما شاء الله عليها بجد.

من الآخر..العربية دي فعلا في العوامل اللي ذكرتها..لا تقل إطلاقا عن الـ 523i
والعربية دي لو كانت نازلة بموتور أكبر من ده حبه..بجد.كانت قلبت الموازيييييين.
فعلا بنصح أي حد متردد في إقتناءها إنه ميترددش ويتوكل علي الله.بجد مش هيندم.وشكرا

المشاركة الأصلية كتبت بواسطة mzeid

ربنا يبارك لحضرتك في العربيتين :)

و دة مجاش من فراغ لأن تميز الماركات الألمانية بسبب أنهم بيتعبوا في ال r&d جدا و مبينسوش تفصيلة علشان يطلع المنتج على أكمل وجه

ربنا يبارك فيك

المشاركة الأصلية كتبت بواسطة khaled ayman

انا كده عاوز اظبت زوايا وشششششششش

ليه بس يا خلودة

المشاركة الأصلية كتبت بواسطة szaalouk

ربنا يحفظ لك العربيتين و يستر طريقك و طريقنا كلنا

تحياتي

ربنا يبارك فيك يا باشا وشكرا

المشاركة الأصلية كتبت بواسطة أبو عمار

عندك حقك ، فعلا العربية دى ما تعرفش قيمتها إلا فى السفريات إنما فى وسط البلد بتبقى خايف عليها من الرزالة بتاعت التاكسيات و الموتوسيكلات و التكاتك إللى ماليه الدنيا

أنا سافرت بيها القاهرة _صد رد فى نفس اليوم_ و كان معايا والدى و والدتى و مقلتش عن 150كم/س طول السكة
ووالدى ما بيحبش السرعة خالص إنما المرة دى قالى الله يبارك لك فيها أريح سفرية للقاهرة أحسن من التويوتا 100 مرة أمان و راحة و أوبشن عالى
إيوه كده نشوف مشاركاتك يا inspirion

يا باشا ربنا يحفظهالك..وأنا والله اللي مأخرني عن المشاركات إنشغالي في الجيش.

أنا اللي كنت منبهر بيه إن العربية علي 190 وبنقل من الحارة للتانية وأرجع للحارة اللي كنت فيها تاني بكل تحكم و من غير عصبية.