اسكندرية .... العجمى .... كارفور

**دموع الثلج** · 20-09-2011 03:18 AM

السلام عليكم

عاوزه اعرف الطريق من الصحراوى للعجمى انا فاكرة انه كان فيه
بعد البوابات باخد يوتيرن شمال وادخل من طريق الساحل الشمالى
مش فاكرة اوى كده صح ولا ايه
ياريت حد يفكرنى بطريق العجمى هانوفيل من الصحراوى
وكمان الطريق من
الهانوفيل الى كارفور اسكندرية اللى عند الطريق الدائرى والمسافه تقريبا كم بالوقت
وشكرا للجميع

**Amo0o0oRa** · 20-09-2011 05:52 PM

بعد ما تعدى من بوابات اسكندرية هتمشى شوية هتطلعى كوبرى وتنزلى هتلاقى يو تيرن مكتوب عليه العجمى

اول ما تلفى اليو تيرن هتاخدى اول يمين وتكملى على طوووول لحد ما توصلى الكيلو 21 هتلاقى ميدان كده عامل زى المسله هتدخلى يمين وتفضلى ماشيه فى الطريق ده تقريبا اسمه طريق اسكندرية مطروح

بعد ما تدخلى يمين فى الطريق ده هتلاقى مدخل النخيل و 6 اكتوبر شمال وبعد كده أبو يوسف وبعد كده الهانوفيل وهتلاقى على اوله بنزينه....

**دموع الثلج** · 22-09-2011 11:37 AM

المشاركة الأصلية كتبت بواسطة amo0o0ora

بعد ما تعدى من بوابات اسكندرية هتمشى شوية هتطلعى كوبرى وتنزلى هتلاقى يو تيرن مكتوب عليه العجمى

اول ما تلفى اليو تيرن هتاخدى اول يمين وتكملى على طوووول لحد ما توصلى الكيلو 21 هتلاقى ميدان كده عامل زى المسله هتدخلى يمين وتفضلى ماشيه فى الطريق ده تقريبا اسمه طريق اسكندرية مطروح

بعد ما تدخلى يمين فى الطريق ده هتلاقى مدخل النخيل و 6 اكتوبر شمال وبعد كده أبو يوسف وبعد كده الهانوفيل وهتلاقى على اوله بنزينه....

الف شكر لحضرتك على اهتمامك بالرد جزاك الله كل خير

بس محدش قالى من العجمى لكارفور قد ايه والطريق ازاى لازم ارجع االصحراوى تانى عشان اروح كارفور ولا ليه طريق اسهل

**ramy_gamal** · 22-09-2011 10:17 PM

المشاركة الأصلية كتبت بواسطة دموع الثلج

الف شكر لحضرتك على اهتمامك بالرد جزاك الله كل خير

بس محدش قالى من العجمى لكارفور قد ايه والطريق ازاى لازم ارجع االصحراوى تانى عشان اروح كارفور ولا ليه طريق اسهل

فى طريقين من الهانوفيل من الهانوفيل ترجعى تانى زى ماجيتى لحد ما توصلى 6 اكتوبر وبعديه على طول الكيلو 21 وتدخلى شمال كانك راجعه على الصحراوى بس متكمليش للصحراوى هتمشى شويه لحد ما تلاقى كوبرى فوقك تعديه وتدخلى من الفتحه اللى بعدة كدة حضرتك على المحور تمشى على طول تقريبا 26 كيلو وتكملى لحد ماتلاقى فى سكه شمال وطوالى الاسهلك تمشى شمال وبعدين مع السكه هتلاقى الطريق بيلف بيكى يمين وبعدين طوالى هتعدى على الموقف الجديد ( على شمالك ) وبعدين هتلاقى بنزينه ( على يمينك ) وبعدين مرور محرم بك وبعدين هتلاقى كوبرى متطلعهوش ( باكد ادخلى من تحته يمين ) فى يمين دقيقه وتلاقى كارفور على يمينك
الطريق التانى من الهانوفيل جوة البلد وبعدين البيطاش وبعدين الدخيله وبعدين المكس وبعدين تتدخلى على المحور هى اقصر بس زحمه الطريق الاول اعتقد اسهل بالنسبالك

**Karim_Monir** · 27-09-2011 10:39 PM

ازيك يا دموع بقالنا كتير ماشوفنالكيش مشاركات
زي مالاخوة افادوكي
بس واننتي رايحة العجمي بعد البوابات وبعد ماتزلي كوبري العامرية خليكي شمال اول يوترن تسيبية ده بيدخلك الساحة الشمالي وده اللي على ناصيتة ماك
اليوترن اللي بعده على طول وده وانتي باصة علي الشمال هاتلاقي حاجة زي معبد روماني كدة
وعلى يمينك يافطة كبيرة مكتوب عليها شركة قشوع
تدخلي اليوترن ده وخدي بالك انك بتعدي طريق سريع وتحضني يمين قوي عشان المدخل قري
تدخل اول يمين وتطلع كوبري الملاحات وتنزل هاتلاقي نفسك بعد 4 كم تقريا في الكيلو 21 ووالبرج الكبير اللي عند مدخل النخيل

ولو هاتنزلي كارفور من العجمي بلاش تاخد محور التعمير بليل اطلاقا عشان مش امان
وخليكي من الطريق الصحراوي افضل