اخيرا حظبط العربية ان شاء الله

**hobby10** · 21-09-2011 04:00 AM

انا اخيرا نويت انى اعمل السمكرة اللى لوجى محتاجاها فى مكان اسمه اليكس موتورزعلى السبت كده ربنا يسهل انا لسه مروحتش بس فى زميل لينا هنا كان شكر فيهم وكمان فى واحد قريبى قالى انه بيتعامل معاهم

المهم هو الراجل قالى على التليفون انهم بيستخدموا البوية اللى متعارف عليها فى السوق ولو زى ما انا فاكرة اسمها اوميجا 1 او حاجة كده يعنى .... هل دى بقى كويسة ولا اخليهم يستخدموا الالمانى ودى طبعا حتبقى بتكلفة ازيد ؟؟

وهل فى حد عنده نصايح معينة اعملها او اخد بالى منها لانى اول مرة ادخل فى حاجة كده واللى اعرفه انى حودى العربية واسيبهالهم وبعدين ابقى اروح استلمها لما تخلص وححاول بس اخد حد معايا فى الاستلام يكون بيفهم شوية فى الموضوع ده غير كده مفيش حاجة فى دماغى معينة

وكمان اكيد ححاول اخلى الشغل على قد ما اقدر على البارد وفى حاجات اعتقد حطنشها يعنى مثلا الشنطة والكبوت عليهم شوية خرابيش متهيقلى حرام انى اروشهم والعربية مكملتش 3 سنين

عموما ياريت اللى عنده نصيحة يفيدنى :) ... شكرا

**MOUSTAFA_SAAD** · 21-09-2011 07:51 AM

حتعمليها تبع التامين ولا مع نفسك

طبعا سيبى الكابوت والشنطه من غير رش

**A.Saad** · 21-09-2011 08:59 AM

مفيش حاجة اسمها تسيبى العربية وتستلمى فى الاخر
لا
قبل ما يرش ويمعجن تشوفيها
شوفى الصاج مساوى ولا لا
الفروق بين الباب والرفرف متساوية زى بعض بطولها كله ولا لا

**ahmedmohamed7** · 21-09-2011 04:42 PM

المشاركة الأصلية كتبت بواسطة A.Saad

مفيش حاجة اسمها تسيبى العربية وتستلمى فى الاخر
لا
قبل ما يرش ويمعجن تشوفيها
شوفى الصاج مساوى ولا لا
الفروق بين الباب والرفرف متساوية زى بعض بطولها كله ولا لا

+111111

**hobby10** · 21-09-2011 08:33 PM

المشاركة الأصلية كتبت بواسطة a.saad

مفيش حاجة اسمها تسيبى العربية وتستلمى فى الاخر
لا
قبل ما يرش ويمعجن تشوفيها
شوفى الصاج مساوى ولا لا
الفروق بين الباب والرفرف متساوية زى بعض بطولها كله ولا لا

شكرا يأستاذ احمد ولو فى اى نصائح تانية ياريت تقولى

**hobby10** · 21-09-2011 08:34 PM

المشاركة الأصلية كتبت بواسطة xlance2010

فين اليكس موتورز فى اسكندرية ، لم أسمع به قبلا ؟!!

بعد الموقف الجديد وهناك فى موقف اتوبيسات تقريبا

**hobby10** · 21-09-2011 08:36 PM

المشاركة الأصلية كتبت بواسطة moustafa_saad

حتعمليها تبع التامين ولا مع نفسك

طبعا سيبى الكابوت والشنطه من غير رش

اه ان شاء الله تبع التامين بس حدفع انا الاول وبعدين احصل الفلوس من التامين

اه غالبا حسيبهم وفى باب كمان فيه شوية تجريحات محتارة اعمل فيه ايه ..

**Xlance2010** · 21-09-2011 08:42 PM

المشاركة الأصلية كتبت بواسطة hobby10

بعد الموقف الجديد وهناك فى موقف اتوبيسات تقريبا

إن شاء الله يكون شغلهم كويس وتطلع لوجى عروسة زى ماتكون زيرو تمام التمام ،، ولك تمنياتى بالتوفيق

اسمى اسفل مشاركتى

**hobby10** · 27-09-2011 01:19 AM

المهندس كلمنى النهاردة ياجماعة وقالى ان الموظف بتاع التامين جه ووافق الحمد لله على كل اللوح بس على سعر البوية العادية فلو انتى عاوزة البوية الالمانى -مش المانى بالظبط هى اسمها rm وقالى دى المانى بس بيتم التعبئة فى بورسعيد وعلشان كده ارخص شوية وهى واخدة 8 من 10 بالنسبة للالمانى التوب- المهم حيبقى فى زيادة فى اللوحة بالنسبة للبوية 50 جنيه فى عدد اللوح الرقم ده حيبقى خارج الفاتورة وانا اللى حدفعه طبعا غير بقى لو التأمين حملنى حاجة من الفاتورة
كمان بلغنى بقيمة الفاتورة الاجمالية وقالى انهم حيبدأوا شغل وحيكلمنى اجى اشوف شغل السمكرة قبل المعجون

انا مش عارفة بقى ازاى حتأكد انهم فعلا استخدموا البوية الامانى مش العادية دى اول حاجة
تانى حاجة هل اللى بيقولوا ده صح ولا المفروض انه كان ظبط الفاتورة بحيث انى متحملش الفرق بتاع تمن البوية فى باقى بنود الفاتورة على اساس انى احتمال التامين يحملنى نسبة غالبا يعنى

فى انتظار نصيحتكم

-

الموضوع: اخيرا حظبط العربية ان شاء الله

LinkBack

أدوات الموضوع

عرض

اخيرا حظبط العربية ان شاء الله - انشر الموضوع فى :

-

-

-

-

-

-

-

-

المواضيع المتشابهه

حظبط الاوضة

اخيرا شديت العربية

اخيرا اخيرا اخيرا ..... جبت الصب البايونير ( كلاكيت تانى مره )

واخيرا حظبط جينى حبيبتى

الحمد لله اخيرا حجزت العربية والاستلام يوم الاحد القادم باذن الله

الكلمات الدلالية لهذا الموضوع

المفضلات

المفضلات

ضوابط المشاركة