الموضوع: نظام تقسيط ماروتى

بص يا استاذ احمد اي مبلغ هتقسطه بمثابة انك واخد قرض بطريقة غير مباشرة
القرض لا يقتصر ع انك تروح تقدم ع قرض و تاخده و تدفعه فقط

اما موضوع القسط يبقي كام لو مثلا التقسيط في بنك
بتعتمد ع حسب المقدم و نسبة البنك في الفايدة و عدد السنين
ع سبي المثال مجرد مثال انك هتدفع كله مقدم ماعدا 15 الف هتقسطهم و نسبة البنك حوالي 9 في المية و التقسيط ع 5 سنين يعني 60 شهر القسط هيكون في حدود 350-380 جنيه شهريا
مع العلم ان فيه نقط تانية بتترتب ع حسب النظام اللي هتقسط بيه يعني هتحط وديعة ضمان و يبقي عليها حظر لحد ما تسد بنفس القيمة او مثلا هيبقي فيه حظر بيع ع العربية لغاية ما تسد و هكذا

لو هتقسط عن طريق معرض بصراحة مقدرش افيدك اوي غير اني اعرف ان لو معرض هيقسط هيقسط مبلغ قليل و هيبقي في اقل وقت ممكن و طبعا التقسيط هيبقي عالي شوية بالاضافة للضمانات اللي هياخدها عليك زي شيكات مثلا او ايصالات

و فيه فكرة لو مش عايز اي نظام من اللي فوق و وجع دماغه
انك ممكن مثلا تاخد من قريب او صديق ليك الباقي و تدفع العربية كاش و تسددها ليه اهو يبقي واحد مش غريب و مش هيبقي فيه فايدة و متدفعش زيادة عن سعر العربية

و بالتوفيق ان شاء الله

المشاركة الأصلية كتبت بواسطة abdm

أفضل حاجة تقسط مع بنك أسلامى وأفضلهم وأقل فائدة بنك البركة حوالى من 7 : 8 % بس بيطلب ورق دخل للضامن أيضا بالآضافة ليك ومفردات مرتب ودية عند كل البنوك . بس لو تعرف تجيب الضامن دة يبقى الموضوع كدة خلص وأنا مستريح أكتر لبنك البركة . وفى أيضا بنك فيصل الآسلامى وبنك التنمية الوطنى بالتعاون مع بنك أبو ظبى الآسلامى لكن الفائدة 9 : 9.5 %
والله الموفق والمستعان

مع احترامي لكلامك بس عندي استفسار
احنا عارفين ان فيه ناس بتعتبر الفائدة كالربا ناس بتحرمها و فيه ناس بتقول مفيهاش مشاكل في حالة ان محدش هيقدر يجيب غير بالطريقة ديه
و سيبك من الجزء اللي بيدور بين الحلال و الحرام لأننا مش علماء دين و منقدرش نفتي فيها و الله اعلم

استفساري بقي يعني بنك اسلامي و بياخد فايدة 7-8 في المية و عندك بنك زي مثلا كريدي اجريكول بياخد 9-10 في المية فايدة طب ايه بقي الفرق بينهم ما في الحالتين فايدة و يعتبر ربا و لا انا غلطان ؟؟
يعني عشان اسمه بنك اسلامي يبقي ادفع فايدة برده و مش هتكون حرام و مدفعهاش في بنك تاني لأنه مش كاتب ع اسمه انه اسلامي ؟؟
يبقي ايه الفرق ؟؟ مجرد مسمي و هو هو يبقي بنك اسلامي ع اي اساس؟؟ عشان بالاسم

و زي مقولت احتياطي و تجنبا للشك
ان ممكن الشخص لو حاسس انها حرام و مش متأكد ممكن يستلف و يرجع الفلوس للشخص بدون فايدة
الصحابة رضي الله عنهم كانوا بيمتنعوا عن الكثيير من الاعمال نظرا لشكهم انها ممكن تكون حرام بالرغم انها غير محرمة لكن لمجرد شكهم كانوا بيتجنبوها

ارجو ان حد يصحح لي اذا كنت انا غلطان في كلامي

المشاركة الأصلية كتبت بواسطة abdm

أستاذ أكسيل الفرق بين البنك الآسلامى والبنك الغير أسلامى هو أن البنك الآسلامى أذا كان ليس لدية السيارة يشترى السلعة أو السيارة بأسمة أولا ثم ينقل ملكيتها عن طريق عقد بيع سيارة بين البنك والمالك الجديد ويبيعها للمالك الجديد طالب السيارة ويقوم بتقسيط مبلغ السيارة وهذا المكسب هو الربح نتيجة البيع بالتقسيط أو المعروف فى التعاملات الآسلامية بالبيع الآجل ومكسبة مشروع .

أما البنك الغير الآسلامى فهو لا يمتلك السيارة وليست فى حوزتة ولا ينقل ملكية السيارة ألية أولا و لايقوم بعمل عقد بيع سيارة بينة وبينك وأنما يعطيك شيك بالمبلغ بأسم البنك للمعرض . ويقوم بتقسيط المبلغ عليك بفوائدة بدون عقد بيع سيارة بينك وبينة .

والآفضل والشرعى هو الذهاب الى البنك الآسلامى مباشرة والتعاقد معة بدون دخول المعرض كوسيط بينكم .أى تقوم بدفع مبلغ المقدم الى البنك وليس الى المعرض حتى لا يدخل المعرض وسيط فى البيع ويكون تعاملك المادى كلة بينك وبين البنك فقط كبائع ومشترى

من الممكن أذا أتبع البنك الغير أسلامى هذة الطريقة وقام بالتعاقد معك مباشرة بعقد بيع بدون دخول المعرض كوسيط مالى بينكم ويكون مالبنك مالك للسيارة أو يشتريها ويمتلكها ثم ينقل ملكيتها للمالك الجديد فلا بأس من التعامل معة .

أنا شرحت أية الفرق بين البنوك الآسلامية وغيرها فقط للعلم بالشىء حتى يستريح من يتعامل مع البنك الآسلامى ولو حتى قليلا ويعلم أنة أفضل من البنوك الآخرى ولكن بكامل الشروط السابقة ولآ أحبذ أيضا التعامل مع البنوك أسلامية وغير أسلامية أذا أمكن ذلك حتى نتجنب الوقوع فى الشبهات .

أخيرا أفضل أذا أمكن التعامل مع صاحب المعرض الذى يملك السيارة مباشرة بدون دخول أى بنوك فى النصف بينك وبينة ويسمى( بالتقسيط المباشر) ودة أفضل شىء لتجنب الشبهات حتى يستريح الشخص نهائيا من أى شبهة حرمانية .

أو عمل جمعية كبيرة عددها كبير بينك وبين الزملاء أو الآقارب وممكن تكمل بيها الفلوس اللى معاك وتشترى زيرو أو تشترى مستعمل نظيف قوى عن طريق ناس خبرة تكون معاك سمكرى وميكانيكى ولاد حلال
اللهم باعد بيننا وبين الحرام كما باعدت بين المشرق والمغرب وقنا الشبهات ما ظهر منها وما بطن .....اللهم وفقنا الى كل ما تحب وترضى .
والله الموفق والمستعان

شكرا لشرحك بس برده شايف انها هي هي مفيش فرق :)
و زي مقولت محاولة تجنب الشبهات
عن طريق جمعية او سلف او التعامل بين صاحب المعرض مباشرة و تقسطله الباقي
المهم محاولة التجنب قدر الامكان