سوال محتاج جواب

**yasser_1123** · 22-09-2011 12:53 PM

السلام عليكم
كنت بسأل عن الرعشه الموجوده فى بدال البنزين انا عندى ملحوظه جامد ياريت حد يقولى هل موجوده عند كثير منكم وهل التوكيل بيتغلب عليها ولا هيقولى هى كده والمطلوب اتعود عليها على فكره الرعشه بتزيد عند 3000 rpm وصوت الموتور بيعلى جامد اوى
انتظر ردكم للاطمأنان فقط لان هذا الموضوع مسببلى قلق شويه
وشكرا على نصائكم

**hassaan** · 22-09-2011 12:57 PM

اطمن في صيانة 5000 روحت قلتلهم علي الحكاية دي وتم حلها العربية فرقت كتير اوي مفيش رعشة تماما في دواسة البنزينو لا الفتيس

**ahmedmohamed7** · 22-09-2011 01:44 PM

المشاركة الأصلية كتبت بواسطة hassaan

اطمن في صيانة 5000 روحت قلتلهم علي الحكاية دي وتم حلها العربية فرقت كتير اوي مفيش رعشة تماما في دواسة البنزينو لا الفتيس

ماشاء الله...حضرتك ماعندكش رعشة خالص فى الفيتيس !؟

**yasser_1123** · 22-09-2011 01:44 PM

عندى رعشه فى الفتيس طبعا بس مش مؤثره زى رعشة البدال زياده شويتين
وايه حكايه الموتور الى بيجعر عند 3000 rpm ده بيخلى العربيه مشنشنه شويه عندك الموضوع ده ولا ايه

**ahmedmohamed7** · 22-09-2011 01:48 PM

استاذ ياسر

معظم عربيات اللوجان فيها رعشة فى الفيتيس و بدال البنزين بس مع الوقت و مع التعود حضرتك مش هتاخد بالك منهم غير لو فضلت مركز معاهم :)
اقصد انهم غير مؤثرين :)
حاجة تانية انا اما بدوس بنزين جامد علشان اجرى بالعربية بحس بالزنة بتزيد جدا فى بدال البنزين :) فى الاول ماكونتش متعود بحسها بتزغزغنى :) xD

**yasser_1123** · 22-09-2011 02:01 PM

سيدى الفاضل
الموضوع مش موضوع اتعود عليها الموضوع ان فيها مشكله المفروض تتحل من قبل التوكيل مش من المفروض اننى اتعود على عيب وفى عربيه جديده مش قديمه الموضوع ببساطه ان كنت بسأل التوكيل بيحلها ولا ده عيب مستعصى
وشكرا على اهتمامك

**amriar** · 22-09-2011 03:38 PM

اعتقد ان الموضوع في الاول و بيقل لما العربيه بتمشى كتير و تلين مش عيب بمعنى انه مستمر للأبد علي قد ما قريت و فهمت و انا كمان سوقت لوجان عمرها سنتين مافيهاش لا رعشه ولا فتيس بيزن ولا سخونه من الدواسات ولا اي حاجه ..

ارجو اللي عنده معلومه افضل يقولنا عليها يفيدنا كلنا و ربنا يبارك فيكم ..

**ahmedmohamed7** · 22-09-2011 05:26 PM

المشاركة الأصلية كتبت بواسطة yasser_1123

سيدى الفاضل
الموضوع مش موضوع اتعود عليها الموضوع ان فيها مشكله المفروض تتحل من قبل التوكيل مش من المفروض اننى اتعود على عيب وفى عربيه جديده مش قديمه الموضوع ببساطه ان كنت بسأل التوكيل بيحلها ولا ده عيب مستعصى
وشكرا على اهتمامك

اولا انا متاسف لو طريقة ردى زعلت حضرتك :)
ثانيا انا قبل ما اشترى عربيتى سالت الناس على موضوع الفيتيس المهزوز و زنة بدال البنزين وكل الناس اجمعوا ان كل عربيات اللوجان كده و التوكيل بيقول كده عادى و مفيش مشاكل...و انا لما استلمت عربيتى لحظت طبعا الموضوع و طلع موجود بس بالنسبة ليا كان امر عادى و مكنش مسبب لى اى مشاكل مع التاكيد على كلام حضرتك ان ديه عربية زيرو و مفروض تكون سليمة من جميع النواحى.. و على الرغم من ذلك فى صيانة ال5000 قلت للتوكيل على الوضوع ده و كان الرد الطبيعى ان العربيه كده و هى نزلة كده :) (معتى ذلك ان التوكيل مفيش فى ايده حاجة يقدمها لحضرتك ) دلوقتى انا عامل بعربيتى 12000 كيلو وموضوع الزنة و رعشة الفيتس ده والله مابفتكرهم غير لما بقرأ موضوع فى المنتدى بيتكلم عن القصة ديه زى موضوع حضرتك و :)
متاسف على الاطالة :)