الموضوع: محتار في عربية هاتشباك !!!

المشاركة الأصلية كتبت بواسطة yoko

البرافو أشيكهم كتبلوه وأحسنهم كموتور وأسؤهم كتوكيل
وال4 عربيات قطع غيار نار وإعادة بيع في الضياع
ليون معرفش عنها كتير
سيتروين محدش يعرف عنها حاجة وأقلهم إنتشارا
الميجان عفشتها مريحة عن البرافو موتور أقل تبلوه مبحبوش بس طبعا أذواق توكيل رائع

انا عارف ال4 اختيارات فيهم مخاطرة بس انا عايز اجيب عربية هاتشباك و قلت بصراحه اجيب الحاجه الاستريحلها مش لازم تكون الحاجه المنتشرة .... انا فعلا البرافو هي اختياري التاني بعد ماركبت الليون و البرافو احترت اكتر بس انا لسه بميل لليون

المشاركة الأصلية كتبت بواسطة rs12

اولا انا بحييى حضرتك انك فكرت تجيب هاتشباك بالمبلغ ده :b4_388:

ثانيا اختيارات كلها جيدة مااشاء الله , انا هحاول افيدك بالقدر اللى عندى من المعلومات

السيات ليون : عربية ممتازة و طبعا واخدة كثير من الجولف 5 و ماشاء الله تقفيلها جميل بس الشكل الجديد نازل قريب و الفتيس الـ dsg اكثر من حد اشتكى منه عشان المشاكل اللى فيه بس هى اجمالا عربية ممتازة

البرافو : عربية ماشاء الله , شكل مميز جدا , موتور قوى , اوبشنز حلوة ما يعيبهاش غير التوكيل اللى معظم اعضاء فيات بيشتكوا منو , بس هى عربية وحش على الطريق ..

الـ c4 : عربية ممتازة برضه ، بس مش واخدة حقها خالص فى مصر و سعر اعادة البيع فى الارض اصلا ، غير طبعا الشكل الجديد خلاص نازل فى اوتوماك ، فملهاش معنى تجيب عربية شكلها الجديد نزل ، و فى نفس الوقت سعرها اصلا بيقل ، و متهيألى التوكيل هيعمل عروض حلوة على الشكل القديم بعد ما الجديد ينزل عشان هى سوقها مش ماشى اصلا ، بس عربية ممتازة

الميجان 3 : ممتازة برضه ، و شكل جميل من الداخل و الخارج ، يميزها التوكيل الكويس بتاع رينو ، و يعيبها ان موتورها اضعف من البرافو شويتين

رأيى تستنى اوتوماك هيفتح يوم السبت الجاى ان شاء الله ، و فيه عربيات كثير هتنزل ، ففرصة ممتازة انك تشوف كله على الطبيعة فى مكان واحد و وقت واحد و بالتوفيق ان شاء الله

p.s : يا ريت تعدى على عربيات ستروين الجديدة ds3 , ds4 , new c4

بص هي الفكرة في ايه الانا نفسي اجرية انا الحمد لله معايا الصني و الجيتا و مرتاح في الاتنين بس الاتنين سيدان فقلت ابيع الصني و ازود قرشين و اجيب حاجه هاتشباك بصفتها مش عندي فدول انا بحب اشكالهم و امكانيتهم مش مهم عندي اوي موضوع الوكيل ده اد ان انا اكون مرتاح مع العربيه و يبقى يحلها حلال ... بالنسبة لليون حضرتك عارق الشكل الجديد ده هينزل امتى .. انا كده كده مس هشتري قبل 3 او 4 اشهر عشان انا دلوقتي رجلي مكسورة و كلها شهرين كده و اقوم ابيع الصني و بعدين هشتري
موضوع الفتيس ال dsg ده انا معايا الجيتا خليجي 2009 بنفس الفتيس بقالها سنتين اهي و مش بشتكي منه الحمد لله
فاليون انا مش هيرجعني غير موضوع الشكل الجديد ده
البرافو انا زي ماقلت مش فارق معايا الوكيل اوي فمعنديش اعتراض عليها خالص بس لو مش هينفع اليون يبقى هي علطول
السي 4 ممكن حضرتك تقلي الشكل الجديد هيبقى نفس السعر ولا اغلي ولا ايه عشان انا اعرف اختار و لو في مواضيع للعربيات الحضرتك بتتكلم عليها دي لو ممكن لينكات ليها اصلي اول مرة اسمع عنهم
الميجان انا حاططها في الاخر عشان سمعت الفرنساوي و الرينو خصوصا عانيت مع ميجان 2000 كتيير اوي و مش عايز اعيد التجربة :)

C4



Ds4



Ds3

المشاركة الأصلية كتبت بواسطة rs12

ممكن تشوف الهيونداى الفيلوستر عربية شكلها جديد و جميلة و اوبشنز عالية برضه

يافندم الراجل بيتكلم على 4 عربيات "أصلى" مش شكل وخلاص!! هو عايز European C-Segment Hatchback
والله نافخ واحدة من أسبوع على الدائرى, زحفته من بعد المعادى.. لحد نفق التجمع, ماشفتش أنا 130 حصان ولا حاجة.. كنت فاكرها أجمد من كده... طلعت "هيونداى"

وجهة نظرى:

- الـC4 الشكل الجديد ممكن تشوفه بعد كام يوم فى أوتوماك! لكن فنيا: العربية هى هى البيجو 308 بالضبط.. عربيات محترمة, لكن يعيبها الوكلاء

- الميجان III: تمام, بس لو بتدور على أداء مع الشكل.. مش هتعجبك عشان ثقيلة+موتور أقل (105 حصان) وفتيس قديم (4-أوتو)!!

- البرافو: مابينزلش منها غير فئتين Pkg5, Pkg6 أقلهم 159 ألف.. شكل جامد+موتور فااااااااجر(أقوى من أى 1600 فـ مصر)+فتيس راااااااائع
يعيبها التوكيل: مش qualified أوى لمستوى العربية لكن أسعاره معقولة (الى حد ما), وحاجتها بدأت تنتشر برا التوكيل..

- الليون: بصرف النظر عن أن الشكل الجديد Mk III فى 2012... الأداء هيبقى متواضع جدا, حتى مع الفتيس الـDSG (الفتيس ده عايز TSI يافندم)..
وكمان, لو أنت سواق Enthusiast: مش هتلاقى فرق كبير بينها وبين الجيتا اللى معاك.. (الأتنين وااااااااااااحد).. غير لمدرسة تانى!

رأيى الشخصى: برافو تربو 120 Dualogic

المشاركة الأصلية كتبت بواسطة rs12

تفكيرك سليم جدا

الليون للأسف مش عارف امتى هينزل الشكل الجديد بالظبط ، بس انا بسمع الكلام ده من فترة ، و ممكن حد من اعضاء قسم سيات يفيدك اكثر

و بالنسبة للـ dsg فأنا مجربتوش بس كل خبرتى فيه من خلال المواضيع هنا فى المنتدى و ناس كثير حذرت منه ، فأكيد حضرتك ادرى منى فى الموضوع ده

الوكيل عامل مهم برضه ، وو ممكن لو مش تمام يسبب لك مشاكل فى المستقبل ، بس كعربية انا شايف البرافو ماشاء الله وحش على الطريق

السى فور الشكل الجديد اكيد هيبقى اغلى ، بس انا معنديش معلومات مؤكدة ، و اظن انها هتنزل بموتور المينى كوبر ( مش متأكد برضه ) بس الطبيعى ان اى عربية لما الشكل الجديد بينزل بتاعها فى مصر بتغلى ..

هدور لحضرتك على لينكات لعربيات ستروين ان شاء الله و هحطهالك اول ما اجيبها ان شاء الله

و ان شاء الله لو ربنا كرم و رحت المعرض هعمل تقرير عنهم فى قسم ستروين ان شاء الله

و بالنسبة للميجان فأنا معايا ميجان 2006 و الحمد لله العربية تمام .. متنساش حضرتك ان فيه فرق موديل اكثر من 10 سنين ، يعنى هيبقى فيه فرق فى التكنولوجيا و جودة الصناعة و كل حاجة

ممكن تشوف الهيونداى الفيلوستر عربية شكلها جديد و جميلة و اوبشنز عالية برضه

و اخيرا سلامتك يا باشا الف سلامة و ان شاء الله تقوم بالسلامة ان شاء الله و ترجع تسوق العربية اللى نفسك فيها

ماشي يا باشا انا معاك فالانت قلتو كلو عن السي 4 لو غليت في حدود المعقول يبقى ممكن بس مثلا متبقاش ب 160 الف يعني بتمن البرافو او الليون .... بالنسبة لليون ايه رأي حضرتك فيها بغض النظر عن الفتيس و الشكل الجديد .. يعني كعربية ..بالنسبة لموضوع الوكيل ده انا بتامل مع مركز خدمة في اكتوبر بتاع واحد جاري هو بيجيبلي الحاجه و الصيانه و الحجات دي هو اصلا بتاع نيسان ... بس كخدمة بيعملي الحاجه لأي عربية انا بوديهالو ... الميجان انا عارف انها احسن بكتيير من زمان بس انت عارف الفي داء يعني مش هبقى مستحمل اني ابقى راكب ميجان تاني .. ولو ان الشكل الجديد عجبني ... الهيونداي انا بتكلم في اوروبي يعني صعب اني اركب كووري والله مش هزار الركب الاوروبي صعب يركب غيرو .. بغض النظر عن حبي لعربيتي النيسان الا ان الجيتا تفوقها بمراحل... و في الاخر الله يسلمك يا باشا و معلش تعبك معايا