البلاستك بتاع الكاسيت و اللى فوقه اتقشرت ...

**mark_milad_95** · 22-09-2011 08:51 PM

مساء الخيير .
رجالة بروتون .
ايه الاخبار .
يا رب كله كويس ...

انا كنت حاطط معطر فى العربية اللى هو بيركب فى التكيف , و رجعت للعربية كان مدلووق على الكاسيت و البلاستك اللى فوقه اللى فى الانتظار و الفوج .. مش عارف المعطر ده ايه السائل اللى فيه . مية نار دا ولا ايه مش عارف . الاتنين اتقشرو جامد و شكلهم وحش اوىىىىىىىى .

حد بعرف حل للموضوع دا .
بيتباعو فى النوكيل مثلا ؟؟ و بكم ؟؟؟

و شكرا جداااااااااا ..

**Raul_7** · 22-09-2011 11:36 PM

معلش, قدر الله وما شاء فعل.

كان فيه حد هنا حصلوا موقف مشابه قبل كده بس التابلوه هو اللي قشر وباظ.

ممكن تشوفهم في التوكيل أو في الحرفيين, إن شاء الله تلاقيهم.

**أبومعاذ** · 23-09-2011 12:01 AM

المعطرات اللي بتبقى في فواحة كلها بتعمل كدا في البلاستيك بتاع التابلوهات
عموما هتلاقي الحاجات دي استيراد ان شاء الله في الحرفيين

**mark_milad_95** · 23-09-2011 05:14 AM

لأ انا الزراير ماحصلش فيها حاجة البلاستك بس .
يا ريتنى شوفت التحزير دا :( معلش ادينا بنتعلم

**harizy** · 23-09-2011 06:51 AM

أنا حصل معايا نفس الموضوع ده قبل كده، المعطر بيكون عبارة عن زيت ولما بيسخن يبقى فعلاً زى مية النار، ربنا يستر.

وهو على فكرة بيعمل كده فى أى مكان وفى أى حاجة، يعنى لو وقع منك فى شنطة السفر على مكنة الحلاقة برضه يعمل كده، فخلى بالك مش العربية بس لا كل جسم بلاستيك.

المهم أنا كنت اشتريت (ورق لاصق)من عند بتوع الإكسسوارات فيه منه أشكال كتير ممكن تختار المناسب لييك هو أقربهم للتابلوه الأسود الورق اللى على شكل لوحة الشطرنج ، وممكن تلزقه على التابلوه وإن شاء الله يطلع شكله كويس. والحمد لله على كل حال.

**r2tarek** · 23-09-2011 09:26 PM

المشاركة الأصلية كتبت بواسطة mark_milad_95

لأ انا الزراير ماحصلش فيها حاجة البلاستك بس .
يا ريتنى شوفت التحزير دا :( معلش ادينا بنتعلم

طيب الحمدلله

حلك بسيط انت تروح عندى اى حد بتاع دهانات سيارات وتقوله عايز نفس لون البلاستيك المقشر عندك ويكون بدون لمعه

واطلع على اى حد بتاع رش و هو هيظبط الدنيا انا عملتاها فى نصف ساعه وطلعت حلوه نفس اللون بظبط

خالى بالك من الكلام الموجود على الكاسيت واى حاجه مش محتاجه رش الزق عليها ورق علشان البوهيه

وشكرا