مقارنة ومعلومات قيمة جدا
رقم العضوية : 29960
تاريخ التسجيل : 13Jan2009
المشاركات : 29
النوع : ذكر
الاقامة : Cairo
السيارة: Cerato 2013 Old Shape
السيارة[2]: Fluence
دراجة بخارية: no
الحالة :
السلام عليكم دي مقارنة سريعة بين الفلوينس الخليجي (الكوري) و المصري (التركي)
أنا كنت في حيرة من 4 شهور انا مقيم في الرياض و امتلكت فبل كدة النترا و كورولا و الصراحة الفلوينس حاجة تانيا خالص مبدئيا الفلوينس اللي في السعودية مختلفة شوية عن اللي في مصر و انا كلمت التوكيل في مصر 3 مرات و قاللولي بيعملولها صيانة عادي جدا و كلمت حتى المهندسين المسئولين عن الصيانة هناك قالولي طالما كاتلوج الصيانة مختوم من وكيل رينو اللي في السعودية يبقى حيعملولها صيانة عادي جدا و دا نفس الكلام اللي قالهولي الوكيل هنا.
نيجي بف للنقاط اللي المهمة:
أولا: الاختلافات في الكامليات في مصر للفئة الكاملة اكتر من اللي في السعودية زي مثبت السرعة و الستائر و هي الفكرة ان مش واحدة احسن من التانية بس هي في مواصفات مهمة للخليج جدا و ممكن مثلا مصر و أوروبا ما يحتجوهاش و في نفس الوقت لو نزلو كل الكامليات اللي في مصر في بتاعت الخليج هاتعدي في السعر جامد لانهم صارفين على حاجات تانية.
نيجي للمقارنة الفئة الكاملة:
1- المتور بتاعها مختلف عن بتاعة مصر حاطين فيها موتور التيدا و دا طبعا لان الرينو اشترت جزء كبير جدا من شركة نيسان و كمان كل شركة سامسونج الكورية لصناعة السيارات, طبعا الموتور ده أقوى شوية من اللي بتنزل في مصر هو اللي بينزل في مصر ماتور الميجان معدل, بس بتاع التيدا بيدي عزم اعلى شوية بس مش كتير عن بتاع مصر يعني بتاع 7 حصان زيادة و ده طبعا مهم في الخليج عشان التكييف هما حاطين فيها هنا بردو تاكييف التيدا و ده تكيف ممتاز جدا و مناسب اكتر لدول الخليج اللي بيوصل فيها درجات الحرارة زي مانتا عارف ل 50 درجة في بعض الاحيان زي مانتا عارف و الصراحة التكيف بتاعها ممتاز فعلا يعني في نفس مستوى الكورولا و الالنترا مش ضعيف زي بقيت الاوروبي.
2- الفتيس هنا 6 سرعات CVT ممتاز جدا في سحب العربية متحسش بالنقلات خالص بس بردو السحب بتاعها على الاول ضعيف شوية و الفتيس ده أحسن من بتاع مصر في حاجتين الاول انو 6 سرعات و بتاع مصر 4 سرعات و ال6 سرعات CVT أفضل في السحب و توفير البنزين و سلاسة النقل ما بين السرعات.
3- العزل الحراري في بتاعة السعودية بيكون اعلى شوية وده لازم للمواصفات الخليجية وبتالئي مكتوب على شاسية السيارة ان السيارة مطابقة للمواصفات الخليجي.
4- مقدمة السيارة مختلفة شوية عن بتاعة مصر و ده لي اسبابه لو فارنت ما بينهم حاتلاقي ان مخارج التهوية للنسخة الخليجي اكتر و ده طبعا بردو علشان يزودو التهوية للمتور مع العلم ان المقدمة في النسخة اللي في مصر شكلو أحلى.
5- النسخة المصري فيها اوبشن مفيد جدا اللي هو مثبت السرعة و ده مش موحود في ال 1600 اللي هنا و ده بردو لي اسبابة التسويقية انو منزلينو في النسخة ال2000 cc بس طبعا في النقطة دي بردو النسخة المصؤي تتفوق.
6- النسخة ال فل هنا بينزلو فيها نظام bose للكاسيت و ده حسب ما سمعت أنو أفضل نظام في العالم مع صابهوفر و كده طبعا النقطة دي مفرقتش ماعيا أوي بس هي في الاخر نقطة مقارنة.
7- النسخة الخليجي بينزلو فيها جنط 17 و 6 ايرباجز مش عارف بقى في مصر بردو بتنزل كده بردو و لا أقل.
8- النسخة اللي هنا الفل بتنزل بفرش بيج و تابلوه اسود في بيج و ده برده عشان الحر النسخة اللي في مصر أظنه بينزل أسود وفي نقطة تفوق في مصر بردو انهم بينزلو الفرش الجلد في ال فل هنا مافيش فرش جلد الا في ال 2000 cc ودي بردو نقطة تسويقية.
9- اللي في مصر فيها أنوار زينزن هنا مافهاش فا النسخة المصري متفوقة بردو في النقطة دي لانهم هنا بينزلوها بس في ال فئة ال 2000 cc .
10- النسخة الخليجية بتتصنع في كوريا و المصري في تركيا التقفيل تقريبا واحد و هو ال صراحة عالي الجودة فعلا.
11- في مشكلة قراية عدادا البنزين في مصر و دي مش موجودة هنا تقريبا علشان نوعية البنزين مع العلم اني بحط بنزين 91 و ممكن تكون اختلاف طلمبات البنزين لان اللي هنا بردو الطلمبة نيسان.
بس دي أهم نقاط الاختلاف طبعا زي ما انا اولتلك في الاول هوا مافيش واحدة أحسن من التانية هي الفكرة بس في متطلبات كل منطقة يعني الخليج محتاج متور أقوى مع تكييف أفضل و عزل أفضل لكن منطقة مصر و أوروبا بيحتاج أكتر للكامليات و النسخة الخليجية بردو بتتسوق في أمريكي الجنوبية للحر الشديد هناك بردو غير كده تقريبا كل الاوبشنز اللي باقبة واحدة في الاتنين و لو جمعو كل حاجة في نسخة واحدة اتصور ان السعر هايعدي جامد و مش خاتنافس أوي في السوق زائد انهم عايزين بردو يسوقو لفئة ال 2000 cc فلازم يحطوا فيها اوبشونز ازيد شوية.
ثانيا: المقارنة للعربيات الصراحة لو كانت الجيتا لسة موجودة هنا 1600 كنت جبتها الوحيدة اللي كنت حاسس انها أفضل من حيث الفئة السعرية مع الامكانيات بس خلاص بطلوا ينزلوها هنا 1600كان فرق السعر 7000 ريال فقط بس الوكيل رينو بردو أفضل هنا و في مصر.
انا كان معيا كورولا و مشكلتها كامليات قليلة جدا ده ماكنش فيها حتى ABS و مش ستابل خالص على طرق السفر زي مكة و الخبرو كدة و مع الاسف اتقلبت بيها مرة اول ما جيت و ماكنتش سرعة عالية اوي كنت على 140 وكانت لسة زيرو موديل 2007 بس الحمد لله طلعت منها سليم و ستر ربنا ان ماكنش حد معيا في العربية الحمد لله في طريق مكة الغريب ان الايرباجز ما فتحتش أما الانترا 2011 الشيب القدبم فهي عربية ممتازت و استيبل اكتر من الكورولا الصراحة مع العلم انا بسافر كتير بالعربية للخبر و مكة و المدينة بس مشكلتها زي كل الكوري عوامل الامان قليلة و خامات ضعيفة الجودة و بتمل من العربية بعد شوية.
نيجي بقى للحجات اللي كانت بتتقارن جامد جدا مع الفلوينس البيجو 3008 عربية ممتازة فعلا جامدة جدا بس في 3 مشاكل بالنسبالي عربية كبيرة متنفاعش في شوارع مصر ثانيا كانت أغلى بي 20 الف عن الفلوينس ثالثا الوكيل في مصر و السعودية مش أوي الصراحة المقارنة بتكون للفئة الفل طبعا
ثانيا السيراتو كانت بردو منافس قوي لغاية اما عاملت تست درايف للفلوينس حاجة تانية خالص غير الكوري بتحس انك مستمتع و انت راكب السيارة غير طبعا ان عوامل الامان اعلى بكتير في الاوروبي عامة من حيث الفرال و التصفيح و تقل السيارة و الايرباجز.
ثالثا المازدا 3 عربية اكتر من ممتازة بردو بس مشكلتها معيا ضيقة جدة من ورا و الشنطة ديقة جدا يعني لو عائلة زي حالاتي حتبقى صعبة شوية و الوكيل في مصر مش اوي بردو.
أخيرا الفانتزيا روحت شفتها عربية جامدة جدا كانت اكتر واحدة بتنافس مع الفلوينس بس فرق السعر ما بين التنين الفل كان كبير أوي تقريبا 30 ألف.
أخيرا رأيي لو انت عائلة و معاك تجيب الفانتزيا هاتها مع العلم في الاوبشنز مش فرق كبير عن الفلوينس بس أفضل في وسع الشنطة و فيها GPS وسعرها بيمسك شوية عن الرينو و تقفيلها افضل شوية بس الفلوينس أوسع من جوه و متورها أقوى و الوكيل رينو أفضل في مصر و السعودية.
الفلوينس عربية ممتازة بجد و حتحبها بس لازم تصينها دائما في التوكيل وهما فعلا فاهمين كل حاجة فيها سواء هنا أو في مصر وجرب تست درايف ليها في التوكيل و بعد قرر.
أرجو اني أكون اعطيت افادة كاملة لكل اللي بيسأل عن الفلوينس الخليجي و لو حد عنده استفسار ارجوكم تفضلوا و ممكن برضو الناس اللي اشتريت في الخليج يفيدونا عن تجربتهم للسيارة و بالذات لو حد جاب النسخة الخليجي في مصر و وداها الصيانة في التوكيل هناك.
المقارنات اللي انا عاملتها و تقييمي للسيارات دي وجهة نظر ممكن تختلف من واحد للتاني و ده تقييم مبسط جدا للعربيتين أرجو اني اكون افتدكم و السلام عليكم
رقم العضوية : 54838
تاريخ التسجيل : 04Dec2009
المشاركات : 530
النوع : ذكر
الاقامة : cairo
السيارة: النترا
السيارة[2]: ماتركس
دراجة بخارية: no
الحالة :
مقارنة ومعلومات قيمة جدا
اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك
<!-- google_ad_section_end -->
رقم العضوية : 111033
تاريخ التسجيل : 21Aug2011
المشاركات : 821
النوع : ذكر
الاقامة : Cairo
السيارة: NA
السيارة[2]: Lancer EX
دراجة بخارية: NA
الحالة :
شكرا على التقرير الاكثر من رائع
انت فعلا جبت الخلاصة فى الاخر ان الفلونس عربية هايلة بس لازم تفضل مرتبط بالتوكيل طول ما هى معاك عشان تكنولوجيا الرينو والفرنساوى عمتا غريبة اوى ومحدش بيفهم فيها
رقم العضوية : 8928
تاريخ التسجيل : 14Apr2008
المشاركات : 1,571
النوع : ذكر
الاقامة : Haram
السيارة: None
السيارة[2]: Chevrolet Optra 08
الحالة :
ازاي 6 سرعات cvt مش فاهم؟
الفتيس لو CVT مابيبقاش فيه نقلات أساساً
رقم العضوية : 29960
تاريخ التسجيل : 13Jan2009
المشاركات : 29
النوع : ذكر
الاقامة : Cairo
السيارة: Cerato 2013 Old Shape
السيارة[2]: Fluence
دراجة بخارية: no
الحالة :
السلام عليكم
انا اقصد بال 6 سرعات الستيبترونيك بتاع الفتيس
شكرا
رقم العضوية : 7000
تاريخ التسجيل : 06Mar2008
المشاركات : 450
النوع : ذكر
الاقامة : AL Riyadh
السيارة: Mazda 3 2010
السيارة[2]: Lanos
دراجة بخارية: not found
الحالة :
كنت محتار زيك بالظبط من سنة واخترت المازدا 3 وبصراحة مرتاح جدا ما شاء الله حاجة محترمة
ملحوظة الفلونس هنا صالونها اسود × اسود او أسود × رصاصي
رقم العضوية : 29960
تاريخ التسجيل : 13Jan2009
المشاركات : 29
النوع : ذكر
الاقامة : Cairo
السيارة: Cerato 2013 Old Shape
السيارة[2]: Fluence
دراجة بخارية: no
الحالة :
المازدا فعلا عربية ممتازة بحبها جدا بس مشكلتها معايا وسع الكنبة اللي ورا و الشنطة ما ينفاعونيش كعائلة خالص اما بالنسبة لفرش الفلوينس هنا فهو اسود في بيج الفل و الاقل من الفل اسود في رمادي ما بينزلش منها هنا اسود في اسود خالص انا الفل بتاعتي اسود في بيج و شكرا
رقم العضوية : 82470
تاريخ التسجيل : 01Dec2010
المشاركات : 2,895
النوع : ذكر
الاقامة : el mehalla elkobra
السيارة: cerato 10
السيارة[2]: corolla 15
دراجة بخارية: :(
الحالة :
انا كنت ركبت فى توكيل البابطين فى الكويت كانت فلوينس لونها لبنى الفرش كان بيج وكان جميل جدا الدريكسيون بس اللى اسود
رقم العضوية : 84693
تاريخ التسجيل : 01Jan2011
المشاركات : 1,194
النوع : ذكر
الاقامة : Cairo
السيارة: الحمد لله وكفى
السيارة[2]: فانتازيا
دراجة بخارية: لا
الحالة :
مقارنة ممتازة. شكرا
قال صلى الله عليه وسلم (كلمتان خفيفتان على اللسان ثقيلتان في الميزان (سبحان الله وبحمده .... سبحان الله العظيم)
mhdside سابقا
رقم العضوية : 61266
تاريخ التسجيل : 07Feb2010
المشاركات : 727
النوع : ذكر
الاقامة : Cairo-Nasr City
السيارة: ربنا يسهل
السيارة[2]: Lancer 1.6 2005
دراجة بخارية: No
الحالة :
مقارنه اكثر من رائعه
ربنا يستر طريقك و طريقنا كلنا ......آمين يا رب العالمين
تحياتي
المفضلات