C 180-1994 و لا Octavia A5 2007 ؟؟؟؟

**ata7daki** · 23-09-2011 04:38 PM

السلام عليكم ،

السادة الزملاء ارجوا منكم الافادة ، بصراحة انا محتار جدا جداااااااااا بفكر اشترى عربية في حدود 95000 و قدامي أختيارين ( مرسيدس C180 1994 Elegance) و (Octavia A5-2007 B) الحقيقة احنا من مشجعين الالماني فدورتش غيرعلي دول .

الحيرة تأتي من هنا :
المرسيدس حالتها تحفة مشيا 135 الف كاملة فتحة سقف ، فابريكا برة و جوة ، يعني لاتقل حلا عن الاوكتافيا و قطع الغيار تقريبا نفس السعر مع الفارق ان المرسيدس معمرة اكتر .

مش عارف الحقيقة ،، المرسيدس مرسيدس يعني لا سكودا ولا حتي بي ام ، بس المشكلة في البيع بقي ، يعني لو فكرت ابيعها بعد 5 سنين مثلا هتكون موديل قديم قوي .... و مش هتجيب فلوس ساعتها صح ؟؟ يعني انا كدة هرمي فلوسي فالارض ولا اية؟ ثانيا هي لية مش منتشرة الموديل دة ؟

ياريت تفيدوني ياجماعه ، حاجة تانية المسيدس دى RWD؟ لان صاحبها ميعرفش !!

**eng.m7md.ali** · 23-09-2011 05:16 PM

المفروض ان اي مرسيدي تقريبا دفع خلفي الا ال a class

**ata7daki** · 23-09-2011 05:26 PM

المشاركة الأصلية كتبت بواسطة eng f3lix

المفروض ان اي مرسيدي تقريبا دفع خلفي الا ال a class

انا مع حضرتك بس بص علي Specs دي
http://www.carbuddy.com.au/car/value...ELEGANCE~~09~5

هتلاقيها RWD و لا دي المانيوال بس ؟ طب هي ولا الاوكتافيا ؟

**eng.m7md.ali** · 23-09-2011 05:45 PM

والله يافندم انا بفضل الموديل الاحدث خصوصا ان ده فرق 13 سنة تقريبا
بس المرسيدس برده مرسيدس
انا بصراحة لو مكانك لازم ابقى محتار خصوصا ان الاوكتافيا برده الماني ومستوي عالي من الثبات والفخامة

**MBhead** · 23-09-2011 06:17 PM

يا فندم دي فئة و دي فئة
المرسيدس-بنز مختلفة تماما عن الاوكتافيا ...محدش بقول دي موديل قديم و موديل جديد
المرسيدس مش بتصنع عربية عشان تبيع فقط لكن في جودة معهوده الشركة ملتزمة بتحسنها بتتكلف مبالغ ابحاث تطوريه خالية للموديل الواحد ...اما سكودا لا طبعا مافيش مقارنة في الجوده نهائي
حتي ان الاسكودا مش الماني هيا تشيكي لكن معظم القطع بتاعت (اودي-فولكس فاجن- سكودا ) واحد كلهم بيتصنعوا في المانيا
اذا حضرتك فكرت تبعها بعد 5 سنين حتجيب فلوس اكيد و الاهم انها حتفضل زي ماهيا
و لاشك ان الاوكتافيا حتجيب فلوس لكن انا شخصيا اشك انها حتفضل زي ماهيا
الموديل دي مش منتشر عشان مش محبوب الE-class تظل الفئة المفضله في مصر و ال W202 دفع خلفي
كل المرسيدس دفع خلفي ماعدا الB و الA Class امامي و في دفع رباعي و 4matic
و لك حرية الاختيار

**ata7daki** · 23-09-2011 09:26 PM

المشاركة الأصلية كتبت بواسطة MBhead

يا فندم دي فئة و دي فئة
المرسيدس-بنز مختلفة تماما عن الاوكتافيا ...محدش بقول دي موديل قديم و موديل جديد
المرسيدس مش بتصنع عربية عشان تبيع فقط لكن في جودة معهوده الشركة ملتزمة بتحسنها بتتكلف مبالغ ابحاث تطوريه خالية للموديل الواحد ...اما سكودا لا طبعا مافيش مقارنة في الجوده نهائي
حتي ان الاسكودا مش الماني هيا تشيكي لكن معظم القطع بتاعت (اودي-فولكس فاجن- سكودا ) واحد كلهم بيتصنعوا في المانيا
اذا حضرتك فكرت تبعها بعد 5 سنين حتجيب فلوس اكيد و الاهم انها حتفضل زي ماهيا
و لاشك ان الاوكتافيا حتجيب فلوس لكن انا شخصيا اشك انها حتفضل زي ماهيا
الموديل دي مش منتشر عشان مش محبوب الE-class تظل الفئة المفضله في مصر و ال W202 دفع خلفي
كل المرسيدس دفع خلفي ماعدا الB و الA Class امامي و في دفع رباعي و 4matic
و لك حرية الاختيار

اولا متشكر علي ردك ثانيا والله يا أستاذنا انت معاك حق ، بس التكنلوجيا متطورتش خلال ال 13 سنة دول ؟ مش عارف المرسيدس معتقدش فية احسن منها في مصر علشان كدة فكرت فيها طبعا . ال E-CLASS جميلة طبعا بس كبيرة شوية عليا !! طب الموديل w202 دة كويس ولا لأ اصلا ؟

**MBhead** · 23-09-2011 11:21 PM

المشاركة الأصلية كتبت بواسطة ata7daki

اولا متشكر علي ردك ثانيا والله يا أستاذنا انت معاك حق ، بس التكنلوجيا متطورتش خلال ال 13 سنة دول ؟ مش عارف المرسيدس معتقدش فية احسن منها في مصر علشان كدة فكرت فيها طبعا . ال E-CLASS جميلة طبعا بس كبيرة شوية عليا !! طب الموديل w202 دة كويس ولا لأ اصلا ؟

اكيد اتطورت ...انا قصدت في اول كلامي بان دي فئة و دي فئة الاتي
العربيات لما بتتصنع تنزل علي اساس فئات كمثال المرسيدس الW140 الشبح
دي مصنوعة في التسعينات بس كان فيها تكنولوجيا عالية و متكلفة مبالغ طائلة في تصنعها وتتسوق علي انها فئة عربية فاخرة ...فيها كمثال عفشة هواء عشان توفر اعلي راحة ممكنة دي مكلفة في صناعتها و صيانتها ....و العربية سعرها كان عالي في وقتها
نجي كمثال لعربية موديل 2010 لتكن مثلا فولكس فاجن باسات
عربية فخمة و مريحة و فيها اوبشن و عوامل امان محترمة لكن اركبها القيها مش مريحة زي ال W140 مع ان دي اجدد بكتير ...لكن السبب بسيط ان الباسات فئة مختلفة لو اتحطط فيها حاجة زي اللي في ال W140 حتتكلف كتير و بالتالي حيظطر يرفع سعر العربية لما تتسوق فحيبقي سعرها اعلي من سعر العربيات المنافسه لها في نفس الفئه ...المستهلك حيقول طاب و هيا غالية ليه ...انا ممكن اجيب حاجة احسن ..........دي قصدي بفئات
اكيد في تكنولوجيا موجوده في الW202 و انتقلت في الاوكتافيا و اتطورت كمان و بالعكس
و في متنقلتش لانها لسه تكلفتها عالية.....كمثل المرسيدس-بنز سنة 1978 اخترعت الفرامل الABS علي الاربع عجلات كان في الS-class عربية فاخرة ...عشان ينتشر في العربيات العادية الفئات الاقل زي العربيات العائلة و ما الي ذلك اخد وقت لحد ما صناعة بقيت مش مكلفة زي الاول فنزل في العربيات هنا في مصر في ال2000 انا اتذكر ولدي كان معاه W126 500SEL كاملة كان فيها فرامل ABS و Traction Control و كانت موديل 89
بس العربيات الحديثة فيها نظام حقن الكتروني اجدد من اللي كان في الW126 و هكذا
انا بقول لحضرتك كل الكلام الكتير دا ..لتوضيح فقط
غير جودة الصناعة في الخامات و التقفيل ...انا ركبت الاوكتافيا عربية ممتازة بس خامتها لاتقارن بالمرسيدس...الكراسي مش مريحة زي المرسيدس نهائي
اعذرني علي الاطالة