الموضوع: (زيرو)->شيفروليه لانوس ولا بروتون ساجا؟؟؟؟؟

المشاركة الأصلية كتبت بواسطة fido2010

مساء الانوار علي كل رجال المنتدي المنورين .....

طبعا انا كان نفسي في النيسان الصني
و لكن بسبب الظروف المادية خلاص قررت اني اجيب كوري او ماليزي و ده طبعاً لتوافر قطع غيار و سهولة الصيانة و غيرها من الاسباب المعروفة لنا جميعاً
و مع تخوفي من الثبات بتاع الانوس او الساجا فقولت لازم اسأل رجاله المنتدي المحترمين
و دلوقتي الاختيار بين

شيفروليه لانوس أو بروتون ساجا ؟؟؟؟؟

طبعا انا خايف من الساجا برده علشان عدم الانتشار و مش عارف قطع غيارها عامله ايه و لا صيانتها هاتبقي فين و هل في ميكانيكية بيفهموا فيها ولا لأ
وبالنسبة لثبات اللانوس بفكر في اني لو كبرت الجنط بتاع اللانوس ممكن يديني ثبات زياده !!!!!!!!!!!

الموضوع محيرني جدا و مش عارف اخد فيه قرار

أغيثوني جزاكم الله خيراااااااااااااااااا

أنا كنت زيك بالضبط و كنت ناوي على صني، لكن برضه الفلوس مكملتش. فكان اختياري بين الساجا و الفيرنا، لكني حسمت المقارنة لصالح الساجا.

بالنسبة للمقارنة بين الساجا و اللانوس طبعا و بدون شك الساجا تكسب بفرق كبير.

قطع الغيار شوية شوية بتنتشر مع انتشار العربية و ان كنت مش هتحتاج قطع غيار لمدة طويلة علشان العربية زيرو.

الصيانة في مركز عصام و صفا و هم ناس محترمين جدا.

الحمد لله مفيش شكوى من العربية و أنا بنصح أصدقائي انهم يتوكلوا على الله و يشتروها.

ربنا يوفقك.

المشاركة الأصلية كتبت بواسطة amazingahmed

أنا كنت زيك بالضبط و كنت ناوي على صني، لكن برضه الفلوس مكملتش. فكان اختياري بين الساجا و الفيرنا، لكني حسمت المقارنة لصالح الساجا.

بالنسبة للمقارنة بين الساجا و اللانوس طبعا و بدون شك الساجا تكسب بفرق كبير.

قطع الغيار شوية شوية بتنتشر مع انتشار العربية و ان كنت مش هتحتاج قطع غيار لمدة طويلة علشان العربية زيرو.

الصيانة في مركز عصام و صفا و هم ناس محترمين جدا.

الحمد لله مفيش شكوى من العربية و أنا بنصح أصدقائي انهم يتوكلوا على الله و يشتروها.

ربنا يوفقك.

انا بشكر حضرتك جداً علي ردك
و لكن فين المركز ده لاني مش ساكن في القاهرة ؟؟؟؟
و انا خايف من موضوع قطع الغيار ده جداً لاني بايع عربيتي علشان كانت بتتعبني في موضوع قطع الغيار ده و الصيانة .....
وهل معني كلامك ان مفيش ميكانيكي بيفهم فيها و لازم التوكيل ؟؟؟؟؟؟
جزاك الله خيراً

المشاركة الأصلية كتبت بواسطة donzi

ليه الساجا تكسب بفرق كبير ؟؟ مجرد سؤال يعني

اللانوس عربية كويسة جدا و ثابتة نفسها في مصر و منتشرة و قطع غيار مغرقة الدنيا و اعادة بيع ممتازة و اي صنايعي فيكي يا مصر بيفهم فيها

و العربية نفسها واسعة من جوة و صالونها حلو و مريح و تابلوها الى حد ما كويس و انا شايفة انه احلى من تابلوه الساجا

دا غير انها 1500 cc و الساجا 1300 بس ، اعتقد اللانوس افضل في الحالة دي لانها كمان افضل من الفيرنا

مشكوووووووووووووووووووووو ووور علي رأي حضرتك
جزاك الله خيرااااا

الساجا طبعا بدون ادنى شك
بس لية انت مدخلتش رينو لوجان فى المقارنة ؟؟؟

المشاركة الأصلية كتبت بواسطة ayman1204

الساجا طبعا بدون ادنى شك
بس لية انت مدخلتش رينو لوجان فى المقارنة ؟؟؟

سؤال حضرتك ممتاز فعلا بس انا محتاج عربية الاقي قطع غيارها بسهولة و اي ميكانيكي يشتغل فيها و ده ما اعتقدتش انه متوافر في اللوجان
و ممكن حضرتك اختارت الساجا ليه ؟؟؟؟؟؟؟؟؟؟؟؟؟؟؟
و اخيراً شكراً لمشاركة حضرتك

المشاركة الأصلية كتبت بواسطة fido2010

سؤال حضرتك ممتاز فعلا بس انا محتاج عربية الاقي قطع غيارها بسهولة و اي ميكانيكي يشتغل فيها و ده ما اعتقدتش انه متوافر في اللوجان
و ممكن حضرتك اختارت الساجا ليه ؟؟؟؟؟؟؟؟؟؟؟؟؟؟؟
و اخيراً شكراً لمشاركة حضرتك

انا مختار اللوجان
>>>>>>>>>>>>>>>>

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/