الموضوع: سؤال بخصوص الكيا برايد سيدان اوتوماتيك....

كان سبق ليا انى اركب البرايد الاتوماتيك بس مجرد وهيا واقفة يادوب دورتها علشان اجرب الباور والتكييف والاتنين ادائهم كان كويس بالنسبة للفتيس فمسمعتش من صاحب العربية شكوى واعرف واحد زميلى معاه برايد اوتوماتيك وبرضو مفيش أى شكوى من الفتيس بس احنا دايما بنقول يفضل خليك فى المانيوال لانه اضمن اكتر وارخص فى الصيانة

بالنسبة للصاح فبناء على كلام صاحبى اللى اشترى عربيتى وهم معاهم اونو فقالى ان البرايد صاجها احسن واوسع من جوا.... بالنسبة للعفشة معايا كانت ناشفة بس بقية الشباب فى الاربطة قالوا ان الدنيا عندهم معقولة

ولو على التقييم ممكن حضرتك تقرأ المشاركات من الأول فى رابطة ملاك الكيا برايد

بص مفيش اى مشكله فى موضوع الاوتوماتيك والتسارع انا شايفه كويس على موتورها ولكن المشكله كلها عندى فى الباور لما الاسكتره عندى بدأت تتعب سالت عليها ملقتهاش غير فى التوكيل وسمعت رقم عجيب كده قالوا من 2500 الى 3000 بلتركيب فبصراحه ركبتلها قونسيلات وهى ماشيه زى الفل لحد دلوقتى
الجير بوكس كويس بس لمعلوماتك هى 4 غيار 3 امامى وواحد خلفى ولا قدر الله لو حصله حاجه فى عند بتوع قطع الغيار التروس وكل حاجه بحيث تعمله زى عمره كده ب900 جنيه والحمد لله محتجتوش لحد دلوقتى
والتكييف لما كان شغال عندى كان كويس ولكن لما تشغله اداء العربيه كان بيقل جدا جدا فبطلت اشغله بصراحه
ولكن بشكل عام عربيه محترمه بالنسبه لسعرها خصوصا لو كانت بحاله جيده وقطع غيارها متوفره وباسعار مناسبه

انا هافيدك باللي اعرفو
1- العفشه ف المعقول بس ممكن الواحد لو مركز جامد معاها يحس انها ناشفه زياده عن اللزوم بس الكلام دا ف السواقه علي السريع بس لو مطب و متاخد بسرعه عاديه ف العربيه من راي عاديه جدا و تكاد تكون تحفه و مافيش حك ف المطبات ولا اي حاجة حتي مع الوزن التقيل

2- الصاج عادي او اكتر من العاديه بشويه يعني مقارنه بالانوس او الفيرنا او الشاهين ف دول ورق و معمول عربيه و خصوصا الشاهين ... لو سيادتك لا قدر الله خبطت اكصدامك فيها يادوب الاكصدام ف الكيا بيتوسخ و ف الشاهين بيقع و يتفتت و دا كلام حقيقي مش مجامله او تقصير ف كلتا السيارتين

3- انا ما سمعتش حد اشتكا من الفتيس الاتوماتيك بتاعها .. هوا عادي زي اي عربيه ما حدش جاب سيره وحشه عنو بس التسارع مش عارف لان انا معايا مانيوال ف ممكن حد معاه اتوماتيك يرد علي حضرتك

المشاركة الأصلية كتبت بواسطة nicolass

انا مفهمتش موضوع الدركسيون دا واية اشتريته مش فاهم معلشى
موضوع ال3 غيار دا امامى مش قليل لانى مش فاهم ازاى 3 وانا الاونو 5 غيار
ودا ياثر ازاى على التسارع؟؟؟
يعنى البرايد الغيار التالت دا اخره كام ولا فى الاوتوماتيك ليها حسبة تانية؟؟؟؟
التكييف مش مهم بصراحة بالنسبالى لانى معظم الوقت طرق سريعه او حتت زحمه اوى..مافيش وسط هههههههههههههه
المهم عندى الاوتوماتيك عشان الزحمه مش اكتر
تسلم على ردك واتمنى تفهمنى حوار الدركسيون دا والاسكرته دى

بص الاسكتره انا مش حقدر اوصفلك اوى هى ايه او ايه وظيفتها لانى بصراحه معلوماتى الميكانيكيه مش كتير ولكن حسب فهمى ان الاسكتره هى حاجه واصله بين العجلتين الاماميتين ودى اللى انت لما بتكسر الطاره هى اللى بتقلب الزيت وتديك الباور يعنى تخللى الطاره خفيفه واللى انا اشتريته دى قونسيلات حاجه كده مؤقته بحيث انى اقدر امشى بيها يعنى اكنى صلحتها اصلاح مؤقت بس برضه طالما انت اهم حاجه عندك الاوتوماتيك يبقى اذا فى مشكله فى الاسكتره ممكن تستغنى عن الباور وتجيب اسكتره عاديه ودى متوفره
وتحت امرك لو فى استفسار تانى وارجو حد يقدر يشرحلك الاسكتره بشكل افضل