رجاء الافاده بخصوص النيفا

**sherif0333** · 23-09-2011 10:44 PM

قدامى نيفا 83 بماتور 31 1 الماني حالة ممتازة 1600cc الشكمان بيعرق مية صالون مجدد بالكامل من يومين فرش جلد في قطيفة وعمرة عفشة كاملة وعلبة دركسيون جديدة وكاوتش تيوبلس عريض وعمرة كهربة كاملة والعدادات شغالة كلها والانوار جميعها شغالة والسيارة رشة برة وجوة ولا تحتاج اي مصاريف سمكرة ودوكو جديد مطلوب فيها 14000
هل تغيير الموتور يعالج مشكله سرعتها لانى بحب اسافر على سرعات عاليه 160 و 170 وانا اسمع ان النيفا مش بتوصل للكلام ده ارجو الافاده سريعا وهل ال 128 مو 82 او 83 افضل

**monzer_500** · 24-09-2011 12:05 AM

السلام عليكم ورحمة الله وبركاته .. النيفا عربية قويه جدا جدا فوق ما تتخيل وعربيه المهام الصعبة تقدر تمشي بيها في اى طرق ومن غير ما تخاف والكل يعمل لك حساب .. بالنسبه لمسألة السرعه فانا ما انصحكش انك تجري بالعربية لانها خطر لان العربية طبعا ً زي ما نت عارف عاليه ومحورها ضيق ودا بيزيد نسبه الخطورة مع السرعات العالية .. وارجع واقولك في التاني السلامة .. اما لو عايز طبعا تجري زي ما بتقول هتغير العفشه عشان تالها للسرعات وهتعرض الكاوتش وتقلل حجمه يعني يكون 14 مثلا .....منذر

**elpasha1** · 24-09-2011 12:17 AM

المشاركة الأصلية كتبت بواسطة monzer_500

السلام عليكم ورحمة الله وبركاته .. النيفا عربية قويه جدا جدا فوق ما تتخيل وعربيه المهام الصعبة تقدر تمشي بيها في اى طرق ومن غير ما تخاف والكل يعمل لك حساب .. بالنسبه لمسألة السرعه فانا ما انصحكش انك تجري بالعربية لانها خطر لان العربية طبعا ً زي ما نت عارف عاليه ومحورها ضيق ودا بيزيد نسبه الخطورة مع السرعات العالية .. وارجع واقولك في التاني السلامة .. اما لو عايز طبعا تجري زي ما بتقول هتغير العفشه عشان تالها للسرعات وهتعرض الكاوتش وتقلل حجمه يعني يكون 14 مثلا .....منذر

كلام 100/100

**إبراهيم المصرى** · 24-09-2011 01:36 AM

عفوا السرعات اللى بتتكلم عليها حضرتك 160 170 دى عايزه عربيات جديده ويستحسن تكون اوروبى علشان تكون فيها مواصفات امان واستبلتى وفرامل كويسه اما النيفا ليها استخدامات اخرى ولو موتور 131 هيجيب السرعه الكبيره ديه يبقى متعملش انت كده وانا لا اعتقد انها توصل للكلام ده علشان الكرونا والفتيس مش هيساعدوا وبالتوفيق ان شاء الله

**sherif0333** · 24-09-2011 11:15 AM

الف شكر على الردود يعنى تنصحونى بيها ولا 128 وسعرها كده اخباره ايه

**MOSHAKS** · 24-09-2011 12:48 PM

انا هكلمك عن النيفا اللى معايا انا لسه راجع بيها من راس البر امبارح وده يعتبر اول مشوار طويل حوالى 300 كم اختبرها فيه من العاشر من رمضان حتى راس البر رايح جاى ده غير اللف فى المدينة 7 ايام
والصراحة مخذلتنيش سرعتى كان بين 80 و100 كم والصراحة كنت مرتاح جدا ومبسوط منها اوى خصوصا فى المطبات والمشى فى الطرق النص ممهدة مش بقلق وكفاية انك راكب عربية عالية وديه لوحدها متعة.
النيفا لو رايقة ومفهاش مشكلة فى الالات الجر هتاخد منها احلى شغل وسيبك من موضوع رشة جوه ده لان ده للاسف فكر ناس تعبانة ومش شرط علشان رشة تكون عاملة حادثة . يعنى تحب تشترى عربية رشة ولا تحب يكون فيها برومة سارحة فى العربية كلها ومش رشة
وموتور 131 مش وحش كويس بس اعمل حسابك هى مش بتاعت جرى يعنى لو ناوى بعد 120 كم منصحكش بيها
انما لو بتمشى طبيعى يبئا توكل على الله. وربنا يكرمك بالخير ان شاء الله

**monzer_500** · 25-09-2011 11:43 AM

صلي استخارة .. اما انا عن نفسي بحب النيفا جدا

**sherif0333** · 25-09-2011 12:32 PM

برده ياجماعه محدش قاللى السعر اخباره ايه وهى ولا 128 واستهلاك بنزينها

**sherif0333** · 25-09-2011 12:33 PM

مش مهم السرعات همشي على المعقول يعنى مش هزود عن 120

**MOSHAKS** · 25-09-2011 04:02 PM

المشاركة الأصلية كتبت بواسطة sherif0333

برده ياجماعه محدش قاللى السعر اخباره ايه وهى ولا 128 واستهلاك بنزينها

انا هقولك مش علشان انا معايا نيفا لا علشان الفكرة نفسها. بالنسبة 128 تتميز فى حاجتين من وجهة نظرى اولا استهلاك اقل فى البنزين نسبيا وثانيا انها 4 ابواب مش 2 زى النيفا
النيفا بئا تتميز بانها قوية فى الاداء مفيش حاجة اسمها تحك فى المطبات بتمشى وانت مطمأن لانها عالية ومحدش ممكن يفكر يرخم عليك فى الطريق لان هزارها تقيل ولو باست حد هتخليه يعيط.

والنيفا مبتسخنش لان حوض الماتور واسع بيعبى هوا ودفع خلفى وديه لوحدها ميزة بعكس 128 دفع امامى على كبالن والنيفا بتحمل حمولة رهيبة ومتحسش انها شايلة حاجة وكمان ترحب ببنزين 80

فحضرتك لو تقدر تتغاضى عن موضوع الباب الواحد واللى عايز يركب ورا ينزل اللى اعد ادام وتتحمل نشوفيتها شوية فى العفشة وتعيش روح المغامرة معاها وانك راكب عربية عالية ليها احترامها فى الطريق توكل على الله
لو بتفكر فى عربية عائلية 4 ابواب سيدان واستهلاك اقل نسبيا فى البنزين يبئا شوف 128
واهم شئ الحذر من السرعات العالية والملفات خصوصا انها عالية
واستخير ربنا وان شاء الله يهديك للخير

وسعر النيفا كويس والماتور 131 ناعم واستهلاكه اقل من ماتور النيفا الاصلى
لو العربية زى موصفتها واذا ربنا كرمك وعرفت تنزل فى السعر فبردوا افضل لان اكيد فى حاجات هتظهر فتحسبا لاى طارق ومتنساش تشوف الكرونة فيها ونة هى والفتيس وفى ترشيح زيت ولا لا والله الموفق والاخوة هنا ممكن يضيفوا ليك معلومات اكتر

الموضوع: رجاء الافاده بخصوص النيفا

LinkBack

أدوات الموضوع

عرض

-

-

-

-

-

-

المواضيع المتشابهه

رجاء الافاده بسرعه

رجاء الافاده

رجاء الافاده من كل الاعضاء

رجاء الافاده

رجاء الافاده

الكلمات الدلالية لهذا الموضوع

المفضلات

المفضلات

ضوابط المشاركة