مشكلة لو حد يعرف سببها او حلها أيه

**bozo989** · 25-09-2011 09:17 PM

أنا لسة شارى العربية من كام اسبوع و عاملة دلوقتى 1300 كيلو ... المشكلة ان انا اما بحرق عالعربية او بعمل بيها مشاوير كتيرة ( و الحرق ده بعد ال1000 ) بتروح مبطلة .
يعنى مثلا بعد مدة من التشغيل و انا داخل على أشارة من بعيد , فا رايح بجرى و بحرق عالتالت مثلا , أول ما ادوس ب دبرياش عشان أحط الفتيس عال "مور" عشان أفرمل اما اوصل الاشارة , ألاقى ال rpm يقوم نازل لل زيرف بسرعة و تقوم مبطلة ... و بتدور تانى بعد كدة عادى بس بتعملها تانى اما احرق و ادوس دبرياش تانى...
روحت التوكيل قاللى ان انا حطيت بنزين بايظ ( فيه مية او مش نضيف ) و وسخلى البوابات و حساس ال سلانسية , و قاللى أحنا نضفناهولك خلاص و فعلا فى اليوم دة كله أشتغلت زى الفل , تاى يوم بقى نزلت الصبح و عملت بيها مشاوير كتير برضه راحت مبطلة تانى , كلمت التوكيل المهندس قاللى جربها كام يوم و تعالى عشان تعرف الحالة ايه بالظبط ..

السؤال بقى ,هل هو فعلا عيب بنزين مع العلم انى حطيت بنزين بعد منضفلى تانى بس مفضتش البنزين القديم )
لو مش عيب بنزين ممكن يبقى ايه !!!
اخر حاجة ,, امبارح كنت ماشى بيها و قلت احرق بيها اكتر و راحت مبطلة و مرضيتش تدور الا وانا بدور أدوس بنزين كأنى راكب عربية من التمانينات ,, استنيت شوية و دورت , دارت عادى

أرجو الافادة لانى رايح التوكيل بكرة و عاوز لو حد عنده افكار أبقى فاهمها بس

شكرا

**A.Saad** · 25-09-2011 10:16 PM

فضى التنك ومون من مكان محترم وجرب

**karimnet** · 25-09-2011 10:41 PM

روح التوكيل و اشرب شاى و قولوهم حستلم العربية مظبوطة

**a_nbm** · 26-09-2011 09:45 AM

المشاركة الأصلية كتبت بواسطة karimnet

روح التوكيل و اشرب شاى و قولوهم حستلم العربية مظبوطة

+11111111111111111111

**Ahmedelsawy** · 26-09-2011 10:26 AM

المشكلة دي مش مشكلتك لوحدك , أنا عندي نفس المشكلة بس للأسف مش عارف أروح التوكيل علشان ظروف شغلي اليومين دول
المشكلة حلها مش تنظيف البوابات زي ما بيقولولك , المشكلة ان فيه عيب صناعة في الموديل ده 2012 و هما مش عايزين يعترفوا بيها زي مشكلة السخونة اللي عند الدواسات اللي حلوها بعد كده
العيب أن فيه مشكلة في بوابة الهواء و لازم تتغير علشان المشكلة تتحل جزريا و حكاية التنظيف و البنزين ده كلام فارغ و الا كانت كل عربيات مصر بقت بتبطل لما تدوس دبرياج.
وممكن التأكد من كلامي من الموضوع ده
http://www.nilemotors.net/Nile/231400-a.html
و إن شاء الله تروح التوكيل و يظبطوها
و ابقى طمنا عليك.