سؤال مهم يهم كل من يمتلك سيارة

**excel_team2000** · 26-09-2011 05:35 PM

عايز أعرف ايه الحل لو حطيت بنزين مخلوط انا عن نفسى حاغير فلتر البنزين و البوجيهات و احط منظف الرشاشات مع البنزين لو حد عنده حل تانى يقول عليه و ياريت عن تجربة لو سمحتم و بعدين اشتكى فين لو عرفت ان بنزينه معينه بتخلط البنزين

**dasboot** · 26-09-2011 06:59 PM

مش مستاهلة كل ده علي فكرة. افتح الطبة و فضي البنزين و عوضك علي الله في التفويلة و بس

اما عن الشكوي ففي البلد دي الشكوي الي الله :s

بس احنا ممكن نعمل موضوع هنتا في نايل موتورز نساعد بيه بعض و نعمل لسته باسماء البنزينات اياها

**احمد المصرى** · 27-09-2011 09:33 AM

يعنى ايه بنزين مخلوط هل تقصد فيه مايه ولا بنزين 90 على 92 مره تانيه انا شايف ان الموضوع مش مستاهل وفى المره القادمه مون 92 وبس كدا

**medo_elgezy** · 27-09-2011 07:59 PM

حط منظف دورة البنزيين ابرو انجيكشن كلينر و اوكتين بووستر بعد ما تفضى التنك خالص و حطهم مع بعض و التنك فاضى و فول عليه و هتدعيلى ان شاء الله علشان الموضوع ده حصل معايا و العربية كانت بتكركر و هية عاملة 1500 كيلو بس

**dasboot** · 27-09-2011 08:39 PM

المشاركة الأصلية كتبت بواسطة ismailibrahim

بخصوص قائمة البنزيات اياها: الموضوع معمول اقبل كده ياباشا وده الرابط

http://www.nilemotors.net/nile/217064-a.html

الف شكر يا باشا
نورت المحكمة :)

**excel_team2000** · 28-09-2011 03:10 AM

انا روحت لمركز صيانة المهندس قاللى فول بنزين 95 مع منظف الرشاشات و بعدين غير بوجيهات و فلتر بنزين لما العربية تتظبط

**احمد المصرى** · 28-09-2011 09:04 AM

انا شايف ان تفويله مش تمام متعملش اى مشكله فى العربيه ان شاء الله انت امشى بيها لحد لما التنك يخلص للنص مثلا وبعد كدا فول 92 او 95 وخلاص ولا مستاهله تغيير فلتر ولا بوجيهات حتى

**phantom0xx0** · 28-09-2011 10:57 AM

علي ما أعتقد الموضوع مش مستاهل كل دة ... أنا مرة حطت بنزين مغشوش و كنت ساعتها حطت ٦٠ لتر ، العربية سحبها كان ضايع و ال-rpm كان علي طول بيلعب لوحده ، خلصت البنزين و فولت تاني و الموضوع خلص