الmg الانجليزية طلعت صينى يا رجالة!!!!!

**said.d.y** · 27-09-2011 12:58 AM

كنت ملاحظ وانا بأتابع اعلانات العربية ال mg الانجليزية فى الجرايد، انهم ديماً بيتكلموا عن انها تتميز بالتكنولوجيا والعراقة الانجليزية وعمرهم ما جابوا سيرة الصناعة، واول ما دخلت معرض اخبار اليوم واتفرجت عليها سألت مندوب الشركة وانا متاكد من الرد عن العربية مصنوعة فين، بعد 2/1ساعة قلى متجمعة فى الصين. وبالبحث فى الانترنت قرأت ان الشركة الانجليزية صاحبة العلامة الاصلية (mg) اتباعت من كام سنة لشركة صينى. الحقيقة شكلها صينى تعرفها من اول نظرة، غالباً ما خدتش من الشركة الانجليزية غير العلامة علشان خاطر عملية التسويق.
وهى نزلة فى مصر بنوعين الاول سيدان 1600 فئتين ب114 الف جم و124 الف جم.
و النوع الثانى هاتشباك فئتين الاول 1300 ب 97 الف جم والثانى 1500 ب 107 الف جم.
وجميع الفئات نزلة بتجهيزات اساسية عبارة عن (اتوماتيك/فتحة سقف/2 اير باج) وطبعاً زجاج كهربائى وباور وسنتر....الخ.
الفرق فى التجهيزات فى الفرش الجلد والابانوس وبعض التجهيزات الاخرى.
الحقيقة شكلها ما عجبنيش وطبعاً دى مسألة ازواق، والحقيقة برضة انك بعد ما تشوف البريلينس تكتشف فرق كبير فى الشكل (اللّه اعلم فى مسألة الجودة والكفاءة)
معذرة لو كنت اتلخبت فى معلومة من القلتها عن الاسعار والمواصفات اصلى اعتمدت على الذاكرة

**Sehsss** · 27-09-2011 01:44 AM

قديمة، عرفنا المقلب ده من فترة .. هههههههه

**hugan** · 27-09-2011 01:55 AM

سعرها يوقف سوقها

**Ahmod** · 27-09-2011 03:56 PM

من اول مافتحت الباب وركبتها عرفت انها صيني

باين من الخامات من الداخل والجودة بتاعتها كلها اكنها بلاستيك !

**Hegazio** · 27-09-2011 04:04 PM

يا راااااجل .. دي باينة من ساعة ماقالو
و احب اضيف انها 1500 كمان

**Ghost2** · 27-09-2011 04:21 PM

انا ركبتها و شفتها حته حته .. العربية لا يزيد سعرها عن 80 الف جنيه للفئة الهاي لاين .. والبنت بتاعت المبيعات مصممة تقنعني ان العربية مش صيني هي مجرد تقفيل في الصين وبيعتمدو في كلامهم على ان بي ام بتقفل في الصين ومرسيدس بتقفل في مصر