الابواب الخلفية

**mazenzyad** · 27-09-2011 07:16 AM

من يومين و انا بسمع صوت تكتكة جى من ورا فى المطبات ، شيلت الستارة الخلفية عشان شكيت انها مصدر الصوت و لقيت الصوت ما زال موجود ، و جربت افتح الباب اللى ورا و اقفلو و لاحظت انو لو هزيت الباب لبرة رايح جاى من غير ما اقفلو بسمع صوت تكتكة خفيف جدا ، بس بيتهيألى انو هوا السبب مع المشى بسرعة على حفر فى الطريق ، لو حد عندو نفس المشكلة يقولى حلها ازاى لانه اكتر حاجه تعكننى فى العربية انو اسمع اى صوت من جوه و انا ماشى بيها . فى انتظار الرد

**Xlance2010** · 27-09-2011 10:40 AM

العربية موديل كام وعاملة كام كيلو ؟

سمى اسفل مشاركتى

**Abdm** · 27-09-2011 05:54 PM

مش عايز أقولك شحم مفصلات الآبواب فقط لآن ممكن يكون المشكلة ليها سبب تانى بس التشحيم هيعملك مسكن لمدة طويلة وممكن يكون هو دة الحل ... والآفضل تقولهم علية فى أول زيارة للتوكيل وهما يصرفوا يمكن فى مشكلة فى الآبواب ولا حاجة . ... والله الموفق والمستعان

**amr.elsayed** · 28-09-2011 12:19 AM

ممكن يكون تراب او حاجة مش متثبتة داخل الباب ممكن من مكنة رفع الزجاج
وان شاء الله سهلة وتتعمل فى الصيانة على السريع يفتحوا الباب وينضفوه ويربطوا كل حاجة
وانت تجيبلك ازازة wd 40 وترش على المفصلات وداخل مكان تعشيق الباب وكله حيبقى زى الفل

**tekoooooo** · 28-09-2011 05:52 PM

عندى نفس المشكلة ومش لاقيلها حل
لانى قولتلهم عليها فى التوكيل ولما طلعنا جربنا العربية مكانش فيها صوت كالعادة
بس انا الصوت عندى بيبقى عامل زى ماتكون زلطة صغيرة خبطت فى الباب ومش علطول
ممكن مرة فى اليوم مرتين لذلك مش عارف اوريهلهم فى التوكيل

لو عرفت السبب والنبى ابقى قولى علية

**mazenzyad** · 28-09-2011 09:32 PM

المشاركة الأصلية كتبت بواسطة ringoo

ممكن يكون تراب او حاجة مش متثبتة داخل الباب ممكن من مكنة رفع الزجاج
وان شاء الله سهلة وتتعمل فى الصيانة على السريع يفتحوا الباب وينضفوه ويربطوا كل حاجة
وانت تجيبلك ازازة wd 40 وترش على المفصلات وداخل مكان تعشيق الباب وكله حيبقى زى الفل

انا متأكد ان السبب حاجة داخل الباب ( هتكون ماكينة الرفع ) لان لما بفتح الباب للاخر و ارجعو سنة صغيرة رايح جاى بسمع التكة دى . و خايف حد يفك الباب من جوه و ميركبوش تانى زى الاول و الصوت يزيد اكترلانه دايما التقفيل الاولانى ما بيتعوضش .

**amr.elsayed** · 29-09-2011 12:50 AM

ماتقلقش الموضوع ابسط مما انت متخيل بالاضافة انه حيتفك فى الصيانة مش حد غريب
دة انا على كدة متوحش

**mazenzyad** · 29-09-2011 09:31 PM

عرفت مكان الصوت ، الجوان البلاستيك اللى بيدخل فيه الزجاج الخلفى لما بأقفل الزجاج الخلفى من فوق يعنى المكان اللى بيبيت فيه طرف الزجاج العلوى من فوق ، بس انا مستغرب دا ليه بيعمل الصوت ده ؟ هل جواه حاجه صلبة و لا المفروض انه جلد بالكامل ؟؟