الموضوع: العجب والحيرة فى مرور عين الصيرة

العجب والحيرة فى مرور عين الصيرة
العجب كل العجب
....الشرطه ملتزمون جدا جدا ومعامله محترمه مع التابعين لمرور عين الصيرة (تم اضافه البساتين والمعادى والمقطم - اللى اتحرقوا)
....الموظفين ملتزمون بدون اى اكراميات
....المهندسين اخر احترام ولا بيكلم فى سمكرة ولا فوانيس ولا عادم وببلاش
امال العجب فين
........*السماسرة والمخلصتيه ........*
لو عدد المواطنين 100 هما 175
وعلى كل لون
علامه صلاه ولبس مهندم للملتحيين زى حالاتى
روش بنداكور وكوندورا الوان للشباب الروش
صايع للي شايف نفسه
ابو مايكل للاخوة المسحيين
عواجيز للسيدات
طبعا فى واحد بيشوف ويحدد الزبون وهو اللى بينادى المناسب
وطبعا كل حركه عاوزين فلوس
بس لو كشيت فيه بيلم نفسه ويسكت بس يطلع واحد يقولك بالدور وهاتوا العربيات هنا وممنوع الانتظار وكده
وطبعا هتيديلو علشان تخلص
الضباط بيقولك هعملوا ايه
الراجل اللى كان معايا قال لى انهم بيقسموا اخر اليوم
وهما بياخدو اكتر ليه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علشان بيحموا الضباط والموظفيين من اى حد يعمل فيها ثورجى او بلطجى بس خلاص
المهم خدت الرخصه بعد التجديد 3 سنين الحمد لله

الكلام ده صحيح انا شفته بنفسى فين مرور عين الصيرة وقلبوا من الراجل 200 قالوله ان عليه مخالفات ب 480 وان الراجل اللى على الكمبيوتر عاوز 200 علشان يخلصهاله
وجابوله فعلا ورقة المخالفات بدون مخالفات وخدوا ليهم كمان 100 جنيه
(( حسبي الله ونعم الوكيل)) فى اللى بيستحل اكل المال الحرام.
وكلهم شوية عيال شكلهم غلط اصلا وشمامين والمفروض ان فى منهم شغال مع مباحث المرور.

على فكرة انا شفت واحد منهم ((اقسم بالله)) معاه حشيش فى جيبه وبيقطع وبيدى الموظفين اللى بيظبطولهم شغلهم- واحد من الموظفين لما لقانى شفته وهو بياخدها منه رماهاله تانى فى وشه


خدوا بالكم وابعدوا عن النصابين