لو فكرت تبيع السيراتو تركب ايه ؟

**SheNo0o** · 29-09-2011 01:52 AM

في سؤال فضل بيراودني مده من اول ما سمعت بموضوع ان السيراتو الجديد 2013 شكل جديد كليا
ويمكن من اول ما نزلت السيراتو 2011 بفتس 6 سرعات وشيفت بدلز واستهلاك بنزين اقل وكده
لغايه ما جالي بيعه ف العربيه بتاعتي وهي موديل 2010 الفئه الي تحت الكامله تقريبا جنط 16

ده طبعا سؤال مهم واحب اسمع من اخواتي وزملائي الاعزاء وملاك العربيه عن رايهم فيه

طبعا كل من ركب السيراتو عارف قيمتها كويس بغض النظر عن عيوبها الي كلنا اكيد حسيناها باختلافها من شخص للتاني لان اغلبها نفسيه :D ونسبيه نتيجه الظروف والعربيات الي ركبتها قبلها وكده

السؤال بقا ياتري انت لو فكرت تبيع عربيتك ونزلت منها

ياتري هتفكر تركب ايه

ايه العربيه الي ترضيك وتبقا قريبه منها وطبعا هتبيع استعمال وتخصر وتزود علشان تقدر تركب حاجه فالرينج ده تاني

انا معروض علياه 95 الف جنيه في عربيتي بالرغم ان هي فيها شويه حاجات بسيطه كده يعني

محتاااار جدا لو نزلنا واخدت قرار البيع هنركب ايه
ايه يديني نفس الاحساس والخامات والركوبه والبرستيج والراحه وكللل حاجه اخدتها من فورتتي حبيبتي الي هيصعب علياه فراقها جدا xD

يارب مكونش توهتكم معايا xD

**dasboot** · 29-09-2011 02:06 AM

انا لو مكانك يبقي (و بفكر اعملها جديا) BMW E46 2004 High line
فرق السما من الارض اصلا. و ندمان اني عملتها و جبت كوري. لان العمر الافتراضي اللي فاضل في ال BMW 2004 لحد ما تفتح بقها اكتر بمراحل من اللي فاضل في الكيا و هيا زيرو.

**SheNo0o** · 29-09-2011 02:13 AM

المشاركة الأصلية كتبت بواسطة dasboot

انا لو مكانك يبقي (و بفكر اعملها جديا) bmw e46 2004 high line
فرق السما من الارض اصلا. و ندمان اني عملتها و جبت كوري. لان العمر الافتراضي اللي فاضل في ال bmw 2004 لحد ما تفتح بقها اكتر بمراحل من اللي فاضل في الكيا و هيا زيرو.

شكرا لاهتمامك وسرعه ردك كنت متوقع انك انت اول واحد ترد علياه والله اصل بدات احس ان القسم هنا بيفضي معرفش ليه

ياريت ينفع بصراحه بس انا من نوع وحش قوي ودني واتبهدلت كتير ف الاستعمال ف الكام عربيه الي جبتهم فمبحبش اركب استعمال نهاااائي حتي لو بي ام وانا عارف اني مش هيحصلي ده يعني معاها بس برده
ومعتقدش اني مستعد لاني اركب بي ام خالص واستعمال كمان يحصل حاجه ولا حاجه الف حولين نفسي
انا كنت قريت والله عن الدبانه ال ب 80 وان قطع غيارها رخيصه وكده بس برضه مش مستعد خالص

**aminibrahim** · 29-09-2011 02:27 AM

اي حاجه الماني انضف من الكوري 100000 مره اصل الكوري ده صيني علي نضيف

**party_0000** · 29-09-2011 02:40 AM

اركب ياباني معمر وحاجه كسر زيرو ممكن تقضي جميع الاغراض

**party_0000** · 29-09-2011 02:41 AM

يعني بيع واركب لانسر تيدا هوندا مع اني مش معاك انك تبيع طول مانتا مش مضطر للبيع والخساره

**SheNo0o** · 29-09-2011 02:46 AM

والله هي الفكرة في دماغي من اول مانزل ال2011
ولما عرفت اني لو بعت دلوقتي هخسر كل ده ولما عرفت ان في شكل جديد نازل كليا
وهتنزل اكتر واكتر يعني لو استنين 6 شهور بس هتنزل مش اقل من 10 كمان قلت استفاد احسن وامسك الفلوس حتي لو هعد كام شهر منغير خصوصا ان عندي سوناتا 95 مركونه لا انا ولا اخويا بنركبها
و خصوصا ان فيها بعض الحاجات ولو قعدتها اكتر من كده هبيع واقع مع التجار واكيد مش محتاج اوضح التجار هيعملوا ايه ساعتها

**party_0000** · 29-09-2011 02:52 AM

طيب ماهي نفس المشكله ام تجيب اي عربيه سنه او اتنين ويتغير الشكل وترجع ريمه لعادتها القديمه
لو عاوز تتبع المبدا ده يبقا متجيبش زيروا ابدا علشان متخسرش علطول مستعمل كسر واقلب واللي بعده

**SheNo0o** · 29-09-2011 02:54 AM

انا من النوع الي بيقفل لو حصل حاجه ف العربيه وانا عربيتي اتكيفت تحت البيت مرة بس الحمدلله ربنا ستر بس انت عارف بقا النوع الي زيي كده
انا عايز حاجه اركب مش اعد اركب وانزل مش دي دماغي والله وكده تكون وضحت كل الاسباب الي بتخليني افكر ف التغيير ولو نزلت اركب ايه

**yasserelsayad** · 29-09-2011 02:55 AM

من اول الجيتا هاى لاين هتبدأ تحس بفرق يستحق انك تغير .. والمستعملة استعمال نظيف يكون احسن ومن غير الفتيس الـ dsg عشان لو حصل فيه مشكلة لقدر الله

الموضوع: لو فكرت تبيع السيراتو تركب ايه ؟

LinkBack

أدوات الموضوع

عرض

لو فكرت تبيع السيراتو تركب ايه ؟ - انشر الموضوع فى :

-

-

-

-

-

-

-

-

المواضيع المتشابهه

هل جنوط الكارينز تركب على طنابير السيراتو من غير رنجات؟؟؟

لو بتفكر تبيع السيراتو ياترى هتركب ايه بعديها ؟

السيراتو بيبقى شكلها كدة لما تركب نواكل للفانوس (صورة)

فكرت تبيع عربيتك

الكلمات الدلالية لهذا الموضوع

المفضلات

المفضلات

ضوابط المشاركة