محتاج رأيكم في سيارة 132

**ezzhelmy** · 29-09-2011 03:11 AM

بسم الله الرحمن الرحيم

محتاج رأيكم لاني معروض عليا سيارة 132 موديل سبعينات وماتور 1600
السيارة مركونة ومحتاجة وش سلندر .. او نص عمره ماتور وشوية ميكانياكا وتوضيب
واكيد سمكرة ودوكو
العربية معروضة عليا ب 9 الاف جنيه
وناس قالولي اني ممكن اعمل كل ده واشدها ب 4 الاف ج بالكتير وبكده تبقى واقفه عليا ب 13 الف
ايه رأيكم لاني محتار وقلقان شوية ولازم اخد قرار خلال 24 ساعه
وشكرا مقدما

**madyyuri** · 29-09-2011 03:39 PM

بلاش منها احسنلك

هتجيبها وتصرف دم قلبك وفي الاخر لما تيجي تبعها هاتخسر

**mido51eg** · 29-09-2011 05:39 PM

لو عربيتك اللي انت راكبها مريحاك يبقى مفيش داعي للنقلة دي. العربية عجوزة اوي وزي مانت بتقول محتاجة شغل ومصاريف ورقم 4000 جنيه ده رقم نظري. يعني ممكن تشتريها وتبدأ الشغل فيها تلاقيها فتحت معاك. لو ناوي تغير احسن لك تدفع الـ 13000 جنيه دول في عربية سليمة واقفة على حيلها.

**ahmed79** · 29-09-2011 06:38 PM

العربيه دى بالزات لو مكنتش سليمه عمرك مبتعرف تظبطها
روح شوف العربيه وهى موديل كام لو فى اول السبعينات سيبك منها ولا ببلاش
ولما تشفها هتحدد لانها لو البرومه سرحه فيها اوعه تخدها مش هتعرف تلمها ولو عملتها مش هتكون مظبوطه وبالمصاريف تجيب وحده سليمه

**hko** · 29-09-2011 07:17 PM

بلاشها احسن عشان هاتصرف جامد
انا معايا شاهين كانت ماشيه وشغاله بس كانت مخبطه شويه وعزت انجد وارش وغيرت صبابات وجوانات وخرطت حاجات في التاكيهات انا عامل حسابي علي 5 بواكي والله دخلت في 9 بواكي والعربيه كانت ماشيه وشغاله بما بالك العربيه دي
ده رايي

**ezzhelmy** · 30-09-2011 03:27 PM

الف شكر على ردودكم المفيدة

**asaeed** · 06-10-2011 08:04 PM

كلام الأخوة الأعضاء تماماً 100%

وخلي بالك الموتور ده بطيخة مقفولة.. ماتعرفش إيه إللي جواه إلا لما تفتحه... ولو فتحته ولاقيته مش نافع هتضطر تجيب موتور استيراد... ومواتير الاستيراد دلوقتي غليت جدًا علشان حظر الاستيراد اليومين دول..
يعني موتور الـ 132 دلوقتي عامل من 3200 جنيه حتى فوق...
وطبعًا العربية زي ما انت بتقول مركونة.. يعني أكيد 100% البارومة سرحت فيها.. يعني هتدخل في 1500 جنيه سمكرة وزيهم دوكو علشان تظهرها يعني 3000 جنيه، بالإضافة أنك أكيد هتعمل شغل كهرباء + بطارية يعني الموضوع هيعدي معاك

فالأحسن بلاش

**asaeed** · 06-10-2011 08:06 PM

وبعدين نسيت أقول لك حاجة مهمة جدًا...
الوقوف والعذاب إللي هتشوفه مع الصنايعية هيخليك تكره العربية قبل ما تشدها... فعلاً شراء العبد ولا تربيته ولا وقفه مع صنايعي يغلبك وفي الآخر مش هيعمل حاجة مظبوطة..