الموضوع: تعديل الفرامل

لان الفرامل الحالية ضعيفة مقارنة بوزن العربية بالتالى الطنابير بتسخن بسهولة مع الاستخدام و دة بياثر على كفائة التيل فى الاحتكاك بالطنبورة لتقليل السرعة و فى النهاية بيضعف القوى الفرملية للعربية

MMamdouh

المشاركة الأصلية كتبت بواسطة mmamdouh

لان الفرامل الحالية ضعيفة مقارنة بوزن العربية بالتالى الطنابير بتسخن بسهولة مع الاستخدام و دة بياثر على كفائة التيل فى الاحتكاك بالطنبورة لتقليل السرعة و فى النهاية بيضعف القوى الفرملية للعربية

mmamdouh

بحاول افهم ضعف القوي الفرملية ومش عارف...نفسي أجرب لانوس صاحبها معدل الفرامل
هل بعد التعديل لو قللت ضغطة دواسة الفرامل بتدي نتيجة أحسن من قبل التعديل؟ يعني نحتاج قوة أقل ووقت أقل عشان العربية تقف؟

المشاركة الأصلية كتبت بواسطة swimmer25

بحاول افهم ضعف القوي الفرملية ومش عارف...نفسي أجرب لانوس صاحبها معدل الفرامل
هل بعد التعديل لو قللت ضغطة دواسة الفرامل بتدي نتيجة أحسن من قبل التعديل؟ يعني نحتاج قوة أقل ووقت أقل عشان العربية تقف؟

بص عشان الموضوع يبقى واضح

تعديل الفرامل الامامى مش هتحس بيه لو انت ماشى بالراحة خالص و بتفرمل بهدوء لان كدة كدة الحمل على الفرملة قليل فا التعديل اللى عملتة مش هتحس بيه خالص

الفرق هيبان بقى لما تبقى بتجرى شويتين او معاك 4 فى العربية على طريق سفر مثلا او نازل منزل جامد و عايز تكلبش العربية بالفرملة... العربية اللى مش متعدلة هتلاقيها بتكمل عادى كما لو انك بتدوس فرامل فى الهوا او فى احسن الاحوال العربية بتهدى مش بتفرمل

طيب ايه لزمة التعديل طالما مش هحس بفرق الا فى ظروف زى كدة و فى المشى العادى مش هحس بحاجة؟؟

ضعف فرامل العربية مش بيبان الا لما يتضغط عليها... يعنى ممكن واحد سواقتة هادية ميحسش اصلا ان العربية فراملها ضعيفة او ممكن يقولك العربية فراملها كويسة وزى الفل... هى زى الفل لانها لم تختبر مش اكتر

انا مرات كتير خلليت التيل يطلع دخان من كتر ما سخن... و سيحت الاطستين الامامى قبل كدة من شدة حرارة الفرامل... كل دة فى سواقة جوة البلد مش على طريق سفر وكدة و ببساطة كل اللى كنت بعملة انى بجرى جامد لحد ما اوصل لاشارة حمرا و اقف بقوة و لما تفتح اجرى و اقف فى اللى بعدها و هكذا... على الاشارة الرابعة مبلاقيش فرامل

و حصل معايا قبل كدة انى فرملت على منزل كوبرى عباس و كان معايا اربعة فى العربية و العربية هدت فقط و مفرملتش زى الناس و لولا ستر ربنا ان كان عندى مسافة فاضية حودت فيها كان زمانى راكب على العربيات اللى قدامى

و الموضوع ملوش دعوة بنوعية اى حاجة انت مركبها سواء تيل او طنابير... الحاجات دى حصلت بالتيل الاصلى و الجولد و السانج شاين و الطنابير الاصلية و البريمبو... التيل الوحيد اللى كان كويس و بيقدر يتحمل الحرارة كان التيل التركى... لكنة كان ناشف اوى لدرجة ان العربية فراملها بتبقى وحشة و التيل بارد و كان بياكل فى الطنابير و تلفها تماما

معنى كدة ان ساعة الجد الفرامل الحالية مش هتسعفك... و يضاف لكدة الكاوتش ال 175/70/13 مبيبقاش ماسك كويس مع الاسفلت لانة رفيع نسبيا مقارنة بوزن العربية فا هتلاقى العربية تزحف معاك مع الفرامل القوية لو لسة مسخنتش... و لما تسخن مش هتقف
تعديل الفرامل بيشمل تركيب طنابير اكبر من الطنابير الاصلية بالتالى قدرتها على امتصاص الحرارة افضل و بالتالى التيل مش بيتاثر بالسخونية زى ما كان بيحصل فى الفرامل الاصلية الصغيرة.. كمان زيادة قطر الطنبورة بيدى قوة اكبر للفرملة نتيجة زيادة طول ذراع العزم... و طبعا حجم التيل اكبر فى التعديل بالتالى المساحة اللى بتحتك بالطنبورة اكبر و بالتالى الفرامل بتبقى اقوى

بعد التعديل هتلاقى ان اداء الفرامل بقى ثابت... يعنى مهما كنت سريع او محمل العربية اوزان هتلاقى الفرامل بتكلبش العربية و توقفها عادى خالص... و مهما ضغطت على الفرامل عمرها ما تسخن و تضعف زى ما كان بيحصل قبل كدة

كمان استهلاك التيل و الطنابير بيفرق... فى عربية الوالد انا مغير 3 اطقم طنابير و كنت بغير تيل كل 7000 كيلو... دلوقتى انا غيرت طنابير مرة واحدة و دى لان طنابير الSK زبالة مش عشان اى حاجة تانية و التيل الجولد قعد معايا 14 الف كيلو و حاليا التيل الGM وصل 13 الف و لسة فية شوية حلوين

MMamdouh