مساعده في النوبيرا 2 2002

**shgashga** · 29-09-2011 10:44 PM

اولا باركولي انا لسه شاري نوبيرا من كتر حبي فيكم وعملت الاتي
1- سير 75ج وبليه كاتينه 120ج
2- جوان غطاء تاكيهات 25ج
3-خرط طنابير و تيل امامي مصنعيه 75ج
4- كان في ميه بتنزل ورحت للميكانيكي ولقنا طرمبه الميه وغيرتها ب 90ج طلعت القديمه مصديه
5-2 مساعدين كي واي بي من شارع دمشق خلفي ب600 جندي
6-بلي عجل خلفي
7- فلتر بنزين وبوجيهات
وعايزمساعدتكم في الاتي 1- الميه بتقل في القربه بشكل كبير يعني اتر من مره الاقيها فاضيه وسالت الميكانيكي قالي القربه فيها خرم وملحومه وهو ده الي بيخلي الميه بتقل ولعلمكم مؤشر الحراره مابيعلاش عن النص فايه رايكم في كلام الميكانيكي
2- لما بادوس بنزين وارفع رجلي باسمع صوت وراء (في الخلف اسفل العربيه )كان حديد بيخبط في بعضه سالت الميكانيكي قالي ممكن يكون من جوا الشكمان وعشانكده رحت لبتاع الشكمان قالي ان علبه الشكمان الي وراء مش بتاعت العربيه النوبيرا وقالي ان دي بتاعت شيفورليه وهي الي بتعمل الصوت ده لازم تغيرها (ايه رايكم (
3- لما اجي ادوس بنزين الاكسراتير بيعض معايا وبيخلي العربيه تطلع مره واحده والميكانيكي زيت الوير وبرده ما فيش فايده والحكايه دي مضايقاني قوي اعمل ايه
4- بصيتتحت العربيه لاقيت تحتها نقطه زيت وتقريبا جايه من طبه الزيت بتاعه الكارتيره
واخيرا الف شكر لكم جميعا

**blazer** · 30-09-2011 12:01 AM

الف مبروك
ربنا يديلك خيرها ويكفيك شرها
هو عربيه حضرتك اوتو ولا مانيوال وعامله كام الف كيلو؟

انا برده شاره لسه نوبيرا زيك من اسبوعين تقريبا
انصحك بتغيير زيت الماتور وفلتر الزيت وزيت الفتيس لو اتوماتك لازم تشوفه وتغيره لو محتاج يتغير
وتبص على فلتر الهوا وفلتر التكييف وتنضفهم
تزبط ضغط الكاوتشات
30 قدام + الاستبن
29 ورا
تخلى بالك ان عده العربيه الاساسيه تكون موجوده واهما مفتاح العجل والكوريك

**MMamdouh** · 30-09-2011 03:41 AM

المشاركة الأصلية كتبت بواسطة shgashga

اولا باركولي انا لسه شاري نوبيرا من كتر حبي فيكم

الف مبروك

1- سير 75ج وبليه كاتينه 120ج

البليتين اغلى من كدة بكتير... اوعى تكون غيرت بلية واحدة او اشتريت بلى صينى

2- جوان غطاء تاكيهات 25ج

دة مش الاصلى و هيضرب بعد 3000 كيلو

3-خرط طنابير و تيل امامي مصنعيه 75ج

خرط الطنابير غير مجدى... هات جديد احسن

4- كان في ميه بتنزل ورحت للميكانيكي ولقنا طرمبه الميه وغيرتها ب 90ج طلعت القديمه مصديه

لو العربية معدية 80 الف يبقى كان المفروض تغيرها مع الكاتينة

7- فلتر بنزين وبوجيهات

مغيرتش فلتر الهوا؟؟

1- الميه بتقل في القربه بشكل كبير يعني اتر من مره الاقيها فاضيه وسالت الميكانيكي قالي القربه فيها خرم وملحومه وهو ده الي بيخلي الميه بتقل ولعلمكم مؤشر الحراره مابيعلاش عن النص فايه رايكم في كلام الميكانيكي

لازم تكبس دورة التبريد عشان تعرف التسريب منين و تعالجة

2- لما بادوس بنزين وارفع رجلي باسمع صوت وراء (في الخلف اسفل العربيه )كان حديد بيخبط في بعضه سالت الميكانيكي قالي ممكن يكون من جوا الشكمان وعشانكده رحت لبتاع الشكمان قالي ان علبه الشكمان الي وراء مش بتاعت العربيه النوبيرا وقالي ان دي بتاعت شيفورليه وهي الي بتعمل الصوت ده لازم تغيرها (ايه رايكم (

استشير بتاع شكمانات تانى للتاكد من صحة المعلومة

3- لما اجي ادوس بنزين الاكسراتير بيعض معايا وبيخلي العربيه تطلع مره واحده والميكانيكي زيت الوير وبرده ما فيش فايده والحكايه دي مضايقاني قوي اعمل ايه

ممكن يبقى حد لعب فى مسمار البوابة و فكة شويتين فا القرص بيتحشر فى جسم البوابة

فك سيلك الاكسراتير من على بكرة البوابة و حركة بايدك... لو فى وضع القفل البكرة بتتحشر يبقى كلامى صح و انت محتاج ترجلش مسمار البوابة

4- بصيتتحت العربيه لاقيت تحتها نقطه زيت وتقريبا جايه من طبه الزيت بتاعه الكارتيره

اتاكد من مكان التسريب بالضبط عشان متفضلش تغير فى حاجات و تطلع اصلا سليمة و العيب فى حتة تانية... لو فعلا الطبة ممكن تبقى عايزة وردة نحاس و شكرا

MMamdouh

**MMamdouh** · 01-10-2011 03:52 PM

البليتين دول مش اصلى... الاصلى صناعة كندا و ب250 جنية

سيب الجوان لحد ما يضرب... الاصلى فى كيس علية ستيكر GM و ب60 جنية

غير فلتر الهوا... دة ب35 جنية ولا حاجة

مش عارف هينفع لحام الكارتيرة ولا لا بس عموما جرب لان الكارتيرة الجديدة غالية

البوابة لها بكرة بيركب عليها سلك دواسة البنزين و حتلاقى عند البكرة مسمار عامل زى صدادة للبوابة... المسمار دة محتاج يتربط لفة او اتنين لو البوابة بتتحشر زى ما شرحتلك

لو السحب تمام و الصوت تمام يبقى مفيش مشكلة

MMamdouh

**shgashga** · 01-10-2011 09:29 PM

الف شكر يا استازنا وتعبتكمعايا واخر حاجه معليش استحماني شويه
1- البليتين الي راكبين دول فيهم ضرر
2- انا رحت لبتاع ظبط الزوايا فطمني وقالي كله تمام ورصص ليهالفردتين الي قدام وان راجع وكنت ماشي علي120كم/س حسيت كان العربيه بتترجرج بيه وماكونتش ماستريح وقلقان من العربيه يا تري ده يبقي ايه وهو عادي ولا خطر
3- العيب بتاع الزيت في الصاموله وإن شاء الله هاجيب ورده نحاس زي ما حضرتك قولتلي
4- صوت الموتور بيعلي لما ادوس دبرياج وكمان صوت العربيه عالي قوي وبا سمع الصوت في صالون العربيه وبيقلولي هو صوت الموتور النوبيرا عالي وانا ماعرؤفش الصوت المظبوط من الي مش مظبوط لو فيه طريقه اعرف بيها يا ريت اعرفها
ومهما شكرتك مش هكفيك حقك

**blazer** · 02-10-2011 05:41 PM

++9999

-

الموضوع: مساعده في النوبيرا 2 2002

LinkBack

أدوات الموضوع

عرض

-

-

-

-

المواضيع المتشابهه

عايز أعرف سعر كابوت النوبيرا 2002

اللانسر كريستالة 98 ولا النوبيرا 2002

مساعده من خبراء النوبيرا عاجل مقصات النوبيرا

ممكن مساعده في النوبيرا

ايه الفرق فى موديلات النوبيرا من 2002 الى 2008

الكلمات الدلالية لهذا الموضوع

المفضلات

المفضلات

ضوابط المشاركة