استفسارات سريعة

**Ahmed_Samir** · 30-09-2011 02:03 AM

السلام عليكم..............
أنا الحمد لله استلمت لوجان بلاك لاين بس عندي استفسارات عن حاجات معينة مش فاهمها:

1- لمبة المرشيدير الشمال اللي ورا مش شغالة وفي واحد قاللي ان اللوجان كده وده مش عيب فيها (حاسس ان هو بيفتي).......فهل الكلام ده فعلا حقيقي؟

2- المالتي فانكشن اللي في الدريكسيون مش عارف أتعامل معاه بالنسبة للراديو......يعني في زرار تحت ده اللي بيختار الموجة و الاتنين اللي فوق ده اللي بينقل بين الراديو و السي دي.........بس هي المشكلة ان في عجلة في الجنب المفروض انها بتنقل بين المحطات دي بقي لما باستعملها بتجيب حاجات غريبة

3- لمبة الحزام في التابلوه مبتنورش و مبتعملش أي منظر

4- ايه لزوم علامة abs مدام مفيش أصلا و ده كمان بالنسبة لعلامة الأير باج للي قاعد جنب السواق

**Egyzizo** · 30-09-2011 03:47 AM

0) مبروك
1) الكلام حقيقى ، عربيات أوربى كتير لها لمبة مارشيدير واحدة ، والتانية اللى قصادها هى فانوس الشبورة الخلفى.
2) حضرتك أول واحد تقريباً يستلم لوجان بملتى فنكشن ، فالبركة فيك تستكشفه علشان اللى جاى بعدك.
3) و 4) مالهمش لازمة

**Xlance2010** · 01-10-2011 06:08 PM

فعلا لمبة المارشدير واحدة بس والتانية للشبورة والمطلوب من حضرتك ايضاح وسيلة عمل المالتى فانكشن فى الطارة لانها لسه جديدة علينا كلنا
والف مبروك
اسمى اسفل مشاركتى

**michomiki** · 01-10-2011 09:26 PM

انا عندى الملتى شغال كويس جدا بس لازم الاول تحفظ القنوات الى انتى عيزها على الارقام بعد كدا ابقى حول بالملتى
حكايت لمبة الحزام عندى انا كمان مش بتنور

**nooraanoor** · 02-10-2011 03:36 AM

مبروك استلام السياره وأنا متفق مع الزملاء لمبة المارشدير واحده بس مش الجنبين ، أما لمبات حزام الأمان والايرباج اليمين و ال abs ، دى موجوده فى كل تابلوهات اللوجان لكن بتبقى شغاله فى اللوجان المصنعه لأوربا لأن دول الاتحاد الأوربى ليها مواصفات أمان لازم تتلتزم بيها الشركات المصنعه للسيارات غللى بتتسوق فى أوربا