الموضوع: رينو سكالا اوتوماتيك

المشاركة الأصلية كتبت بواسطة hosam_optrawy

انا عندى اعتراض :)

العربيه دى انا مابلعتهاش من يوم ما نزلت واتفرجت عليها

انا مجربتهاش وبالتالى مقدرش اقولك عيب معين فيها

لكن تحس انها عامله فيها رينو على نيسان على سامسونج ماتفهملهاش حاجه

لو فى امكانيه تزود 5 الاف وتجيب صنى يكون افضل

بس فى مشكله مهمه جدا فالصنى ان استهلاك البنزين عالى جدا
وده كافى جدا تنه يجبلى جلطه او ازمه قلبيه
+تقفيل مصرى +شوية عيوب خفيفه كده بس البنزين ده مشكله فعلا كبيره

على فكرة أنا كنت حيران نفس حيرتك كدة بين الصنى و الأسكالا و عامل موضوع بخصوص المقارنة بينهم لكن الحمد لله أنا أن شاء الله أستقريت على الصنى و هاقولك ليه
بص ياباشا فرق أستهلاك البنزين لو قولنا أنه فى الصنى أعلى من الأسكالا عمره ما هايكون بأعلى من 10-15% من الأسكالا مثلا الصفيحة تمشيك فى الصنى 200 كيلو و الأسكالا تمشيك 220-230 كيلو
يعنى فرقها تقريبا 4 لتر فى كل تفويله (صفحتين) يعنى أنت بتتكلم فى حوالى 8 جنية كل تفويلة ما أعتقدش أنها قصة كبيرة خصوصا أنك فى المقابل أشتريت عربية سعر أعادة البيع بتاعها ماسك نفسة و منتشرة يعنى أى حد يشتغل فيها
و الله الموفق

المشاركة الأصلية كتبت بواسطة hosam_optrawy

عايز استهلاك قليل وتقفيل نضيف

كيا ريو 1.4 سعرها الرسمى 91 الف وممكن تلاقيها ارخص من كدا

فعلا ده كان اختيار تانى ليا
بس مش مطمن قوى للريو
بس مش عارف ليه
ده غير ان الشكل الجديد قدامه كام شهر وهينزل وبكده هيبقى معايا الشكل القديم
وطبعا سعر عربيتى كمان هينزل
-- بس لو فعلا نويت على ريو هصبر لحد السنه الجديده وربنا يقدم اللى فيه الخير

المشاركة الأصلية كتبت بواسطة Mohamedtefa82

على فكرة أنا كنت حيران نفس حيرتك كدة بين الصنى و الأسكالا و عامل موضوع بخصوص المقارنة بينهم لكن الحمد لله أنا أن شاء الله أستقريت على الصنى و هاقولك ليه
بص ياباشا فرق أستهلاك البنزين لو قولنا أنه فى الصنى أعلى من الأسكالا عمره ما هايكون بأعلى من 10-15% من الأسكالا مثلا الصفيحة تمشيك فى الصنى 200 كيلو و الأسكالا تمشيك 220-230 كيلو
يعنى فرقها تقريبا 4 لتر فى كل تفويله (صفحتين) يعنى أنت بتتكلم فى حوالى 8 جنية كل تفويلة ما أعتقدش أنها قصة كبيرة خصوصا أنك فى المقابل أشتريت عربية سعر أعادة البيع بتاعها ماسك نفسة و منتشرة يعنى أى حد يشتغل فيها
و الله الموفق

بس بردوا فيه فرق بين سعر الاتنين والكماليات لصالح السكالا
صح ولا انا غلطان
وشكرا لنصيحة حضرتك

فى فرق بين سعر الأتنين أكيد حوالى 13000 جنية لآن
الرينو سكالا فى الأوبشنز = صنى سوبر صالون تقريبا و لكن الصنى تتفوق فى الجنوط الأسبور و العفشة الرياضية أما لو هاتبص على الصنى الأوتوماتبك فهى ب 92000 بس إير باج واحدة ولو هاتضيف لها abs هاتزود 3000 يعنى هاتكون ب 95000