من حلوان الى الاسكندرية

**engaass** · 02-10-2011 12:21 PM

لو سمحتم كنت عايز اعرف ازاى اروح من حلوان الاسكندرية واعرف مدخل الاسكندرية من على الصحراوى ازاى
معلش دى اول مرة اروح اسكندرية بالعربية
هو انا رايح المنطقة اللى عند ستانلى
شكرا

**Mido_Vip** · 02-10-2011 10:46 PM

تروح وترجع بالسلامة

اولا حضرتك هتطلع على الاوتوستراد لحد صقر قريش وبعد كده اطلع الدائرى فى اتجاه المنيب وخليك على الدائرى لحد كوبرى المريوطية وبعد كده هتلاقى الكوبرى مقسوم الى اتجاهين اسكندرية الصحراوى و6 اكتوبر امشى فى اتجاه اسكندرية على طول هتلاقى الكارته امام حضرتك هتعدى الكارته وكمل الطريق على طول

رحلة سعيدة ان شاء الله

**husseinsalah** · 02-10-2011 11:20 PM

بص انا كنت زيك وشارى عربيتى من شهر واتعلمت عليها السواقة فى الشهر دة وكنت رايح مصيف فقلت دى فرصتى علشان اثبت لنفسى انى بعرف اسوق وكمان اقدر اوصل اى مكان انا عاوزة المهم زى ما قال الاخ ميدو او تاخد الكورنيش على طوووول هتلاقى نفسك فى شبرا الخيمة عند محطة المترو فتكمل تلاقى نفسك على الزراعى او تاخد الكورنيش لحد رمسيس وتلف ترجع تاخد كوبرى اكتوبر من مطلع رمسيس (اللفة بتكون ادام شوية قبل ما توصل غمرة كدة) وتانى فتحة تقابلك تدخلها هتلاقى نفسك مسكت المحور ومنة تهلاقى نزلة اسكندرية الصحراوى ولو ليك فى جوجل ايرز هيفيدك جدااا لانى رحت اماكن كتيييير اوى فى مصر من خلالة ومسألتش اى حد فى السكة عن اى تفاصيل،
ارسم مسارك علية وحددة بالكيلومتر هتلاقية مظبوط جدا