ابتعد عن القصر العينى .....

**A.Saad** · 02-10-2011 04:52 PM

ابتعد عن القصر العينى .....
يوجد مظاهرات لعمال النقل العام هناك والشارع واقف
الكلام منقول وليس بالعين

**sara2001** · 02-10-2011 11:09 PM

كان فين التحذير ده من امبارح :)
اظرف حاجه مذيع الأخبار في الراديو - تم الإنتهاء من ازمة اضراب عمال النقل والعمال عادوا للعمل اليوم
اعلام لا يمت للواقع بصله

**A.Saad** · 02-10-2011 11:15 PM

احنا اسفين يا سارة
بس ابقى قولى خط سيرك الاول

**sara2001** · 02-10-2011 11:44 PM

المشاركة الأصلية كتبت بواسطة A.Saad

احنا اسفين يا سارة
بس ابقى قولى خط سيرك الاول

فكره حلوه اوي ياريت ننفذها في المنتدى كله

وبعدين خط سير ايه والطرق كلها ابتعد ابتعد
ابتعد عن كوبري الجامعه علشان السفاره
ابتعد عن تحت كوبري الجامعه علشان السفااااااااره برضه
ابتعد عن شارع مراد علشان مجلس الدوله
ابتعد عن القصر العيني علشان مجلس الشعب والإضرابات
ابتعد عن صلاح سالم علشان خنوفه وغيره قاطعين الطريق
ابتعد عن التحرير وما حول التحرير
ابتعد عن 15 مايو علشان ماسبيرو
ابتعد عن العباسيه علشان وزارة الدفاع
ابتعد عن اي مكان علشان طريقك مسدود مسدود :))

المشاركة الأصلية كتبت بواسطة SE_coralsea

ماهو ده الاعلام بتاع "أسقطنا 90 طائرة للعدو" في حين أن العدو كان قد ضرب كل طائراتنا و هي علي الارض و يحلق فوق رؤوس المصريين بمنتهي الحرية

ليت الطيران الاسرائيلي وقتها قام بضرب مبني الاذاعة و التليفزيون
لكن الحرب خدعة و هم يعلمون أنهم بتركهم لهؤلاء المنافقين المضللين سوف يؤدون أفضل خدمة لليهود في خداع هذا الشعب و تضليله

ماهو للأسف الإعلام شكله مش عايز ولا ناوي يتغير

**SAMEH_FOUAD** · 03-10-2011 12:46 AM

على فكرة انا ساكن هناك والدنيا هادية جدا مافيش اى حاجة انا راجع امبارح وانهاردة اة كانوا قاعدين قدام مجلس الشعب بس قليلين جدا ومالهومش صوت

**sara2001** · 03-10-2011 02:02 AM

المشاركة الأصلية كتبت بواسطة semsem kane

على فكرة انا ساكن هناك والدنيا هادية جدا مافيش اى حاجة انا راجع امبارح وانهاردة اة كانوا قاعدين قدام مجلس الشعب بس قليلين جدا ومالهومش صوت

امبارح كنت هناك واخدت الشارع في ساعه كامله وقت الظهر والدنيا كانت زحمه جداً وكانوا قاطعين الشارع من عند محطة البنزين والمرور متحول من هناك لجاردن سيتي
ومش بيسمحوا لأي عربيه تعدي

**SAMEH_FOUAD** · 03-10-2011 04:28 PM

المشاركة الأصلية كتبت بواسطة sara2001

امبارح كنت هناك واخدت الشارع في ساعه كامله وقت الظهر والدنيا كانت زحمه جداً وكانوا قاطعين الشارع من عند محطة البنزين والمرور متحول من هناك لجاردن سيتي
ومش بيسمحوا لأي عربيه تعدي

يمكن وقفوا الشارع فى وقت معين انا رايح منة الساعة 6:30 المغرب وراجع الساعة 9 مافيش اى مشكلة كان فاضى تماما

وانهاردة اللى زحمة جدا فعلا بس المشكلة ان الواحد مابقاش يقدر يحدد هل الزحمة دية نتيجة اية بالظبط هل الاعتصامات ولا السيارات ولا اية بالظبط لان فعلا الشوارع بقت غريبة جدا جدا من بعد الثورة والشوارع بقت ازحم من الاول بكتيييييييييير

يعنى قبل الثورة كنت برجع من شغلى من نفق الازهر بمعدل 4 ايام فى الاسبوع ويومين بس هما اللى بيبقوا زحمة او ثلاثة فى اصعب الاحوال

دلوقتى بقى زحمة الاسبوع كلة وموقف صلاح سالم ومابقتش بدخل منة نهائى حتى يوم السبت بقى زحمة موووووووووووت

ربنا يسترها على البلد والناس بتشترى فى عربيات ولسة محدش بعد كدة هيعرف يتحرك

-

-

الموضوع: ابتعد عن القصر العينى .....

LinkBack

أدوات الموضوع

عرض

ابتعد عن القصر العينى ..... - انشر الموضوع فى :

-

-

-

-

المواضيع المتشابهه

كيف تصل الي شارع القصر العينى القاهرة

شارع القصر العينى انفتح كله

من القصر العينى لمدينة نصر

استفسار عن مستشفى القصر العينى الفرنساوى

الكلمات الدلالية لهذا الموضوع

المفضلات

المفضلات

ضوابط المشاركة