ford fiesta 2012 or seat ibiza 2012

**sport781** · 03-10-2011 12:18 AM

السلام عليكم...
انا إن شاء الله ناويت اشتري عربية من الإتنين دول بس كنت محتار ! فا ياريت رأيكم... ford fiesta 2012 or seat ibiza 2012 انهي واحدة احسن من التانية و احسن في اية و اجبها لية والتانية ماجبهاش لية و شكرا.......

مع العلم إني سمعت إن الفتيس ال DSG بقا كويس 2011 عشان عدلوا فيه ....

**egytamer** · 03-10-2011 10:17 PM

الفيستا عربية ممتازة ومحققة مبيعات عالية جدا في اوربا وواخدة جوايز كتير جدا بس للاسف التوكيل مبيعملهاش اي دعاية خالص فظالمها اوي هنا في مصر.
الابيزا عربية حلوة بس برضو محققتش مبيعات حلوة واسمع والله اعلم ان قطع غيارها اسعرها غالية جدا.
رئي الخاص بص علي الفيات ايفو او الجراند بنتو ولو ينفع تذود شوية مصاري بص علي الفوكاس او الفلونس او البرافو.
والله الموفق.

**spirit737** · 07-10-2011 06:24 PM

الفيستا >> جوده وتقفيل عالى ، ثبات وتسارع قوى \\\\\\ توكيل متعب حاله حال معظم التوكيلات ، ملهاش قطع غيار برا + اعاده بيع فى الأرض
الابيزا >> جوده عالية vw ، ثبات وتسارع قوى \\\\\\ توكيل محترم جدا (بيخدم سيات وبورش) واسعار مرضية + اعادة بيع معقولة

**Mohab.Nabil** · 07-10-2011 10:12 PM

الاثنين ممتازين بصراحة

و عربيات هاتشباك مميزة و عملية ..

انا شايف الفيستا احلى من جوة و من برة .. و الابيزا برضه ماركة و عربية محترمة

انا شايف انك ممكن تفكر فى الفوكاس برضه فئة اعلى و عليها عروض ممتازة دلوقتى

**sport781** · 11-10-2011 12:38 AM

lمتشكر للردود بس كان عندي سؤال هو فعلا الفوكاس عليها عروض و لو اه فين بظبط انهي معرض و اسعار فئاتها بكام

**Mohamed.Ramah** · 11-10-2011 01:05 AM

ارشح لحضرتك الفورد فيستا افضل واظن بالنسبة للتوكيل اظن تحسن عن السابق و عدم ترشيحى للسيات ابيزا ان سعرها بقى اغلى بدون اى جديد ولا تحديث بالسيارة

بالنسبة الفورد فوكاس 2012 سعرها 127.000 اظن دة العرض الموجود ومفيش اخبار عن المواصفات ودة فيديو لعرض السيارة :

2012 Ford Focus Test Drive - YouTube