مقارنة بين اوكتافيا 2006 وهوندا 2008

**Mohamed_Azab** · 03-10-2011 09:55 AM

السلام عليكم
كنت عايز رأيكم قدامى عربيتين
سكودا اوكتافيا 2006 هاى لاين عاملة 62000 كم
وهوندا سيفيك 2008 عاملة 53000 كم
يا ترى اشترى ايه فيهم ويا ترى سعرهم كام دلوقتى ؟

**szaalouk** · 03-10-2011 11:11 AM

انت دخلت في واحده من اصعب المقارنات اللي ياما ناس اتكلمت فيها في المنتدي
العربيتين تحفه و احسن من بعض لكن دي ركوبه و دي ركوبه تانيه خالص
بمعني لو انت عاوز الوسع الفاحش و الفخامه الزائده و التصميم الكلاسيكي جدا و شويه برستيج زياده مع التضحيه بالجري الصاروخي يبقي عليك و الاوكتافيا اما لو انت شاب و بيحب الجري و نعومه الياباني الرهيبه و من محبي التصميمات المستقبليه و علي استعداد تقبل موضوع انخفاض مستوي ارتفاع السياره و حكها في اغلب المطبات يبقي عليك و الهوندا .
مش عاوز اتكلم علي الثبات لأن العربيتين مكلبشين في الأرض لحد سرعه 200 كم/ساعه .
طبعا الاوكتافيا فيها صاج ممكن يعمل اربع عربيات هوندا و الهوندا فيها موتور و جير الله اكبر معمرين جدا عن 10 عربيات أوكتافيا .
فانصحك انك تركب دي و تركب دي و تشوف انت ميال اكتر لمين فيهم لأن زي ما قلت لك كل واحده ليها طعمها .

تحياتي

**Mohamed_Azab** · 03-10-2011 12:10 PM

معنى كده ان موتور والجير بتاع الاوكتافيا مش اد كده
بردو عايز اسأل استهلاك 5 سنين فى الاوكتافيا يأثر على الاداء بتاعها ولا لأ

**Mahmode** · 03-10-2011 12:52 PM

تصحيح صغير. الهوندا مش بتحك في أغلب المطبات ولا حاجة. مبتحكش إلا في أقل المطبات (لو مطب عالي بغباء وغالبا بيكون من مطبات الأهالي)

**SAMEH_FOUAD** · 03-10-2011 04:58 PM

الهوندا حاجة والاوكتافايا حاجة تانية

الاوكتافايا : اوبشن اكتر , فخامة وبرستيج اعلى , اوسع , قطع غيار اغلى , التقفيل احسن شوية , ثبات عالى , عفشة ناشفة

الهوندا : رياضية , ماتور تحفة , ثبات عالى , تسارع وتجميع اعلى من الاوكتافايا , شكل تابلوة احسن , عفشة اقوى هية اى ناشفة بس مش اوى , ضيقة من ورا شوية مش واسعة , شنطتها مش واسعة زى الاوكتافيا
تكييف اقوى ومبيأثرش على الاداء بعكس الاوكتافيا , دة غير اسعار الصيانة اللى اقل منها فى بعض الحاجات وباقى قطع الغيار قريبة من بعض جدا

الهوندا مابتسخنش نهائى حتى مع اقصى ظروف التشغيل لكن الاسكودا ممكن تلاقى مؤشرر الحرارة ارتفع شوية فى الزحمة مع تشغيل التكييف

معلش صاج الاوكتافيا مش اقوى بكتير كدة من صاج الهوندا , اقوى حاجة بسيطة

**szaalouk** · 04-10-2011 10:42 AM

المشاركة الأصلية كتبت بواسطة mohamed_azab

معنى كده ان موتور والجير بتاع الاوكتافيا مش اد كده
بردو عايز اسأل استهلاك 5 سنين فى الاوكتافيا يأثر على الاداء بتاعها ولا لأ

يعني مش عاوز ارد رد جايز يزعل الاسكوداويه مني
هي موتورها و جيرها ولاد حلال و ممكن يشتغلوا معاك مع متابعه الصيانه متابعه جيده جدا و طبعا 5 سنين اكيد حافرقوا معاها .( ممكن تدخل منتدي سكودا و تشوف ) .

لكن

تعالي للهوندا........دور و امشي ( بس خلاص ) العربيات في الشارع مش عاوز اقول فوق ال20 سنه و مواتير و جير بوكس وحوش و اسود لحد النهارده ، يمكن فيه بعض المواتير ضعف اداءها لإهمال اصحابها في الصيانه ( انا قلت اهمال مش قله صيانه ) لأن الصيانه لو موجوده و قليله يبقي تاخد من العربيات دي 20 سنه كمان .
كفايه ان هوندا هي الشركه الوحيده اللي بتحط لك موتور فورميولا في العربيه
يعني يصرفوا ملايين للتطوير و يدخلوا السباق و يكسبوه و بعدين يننزلوا المواتير انتاج تجاري بعد كده علشان الناس تركب و تنبسط .

الخلاصه عاوز متعه ركوب سياره و عندك القدره الماليه و طبعا تستحمل شويه الحاجات اللي قلناها قبل كده (يبقي عليك و علي الهوندا بدون تفكير )

تحياتي