الموضوع: النفخ فى القرب المقطوعه

مره واحد خطط الكوبرى من جديد بكاوتش عربيته ولبس فى عربيتى والكوبري واقف ولما لاقيت الضرر عنده اكبر بكتير من عندى سكت على اساس انه كفايه عليه اللى حصله قل ادبه على اساس انى انا غلطان ومن ساعتها بقيت اضطر انزل ارغى الأول مع اللى خبطنى مع انى مش عايز منه حاجه عشان انى اعملها على حسابى اسرع واوفر فى الوقت والجهد عشان العشوائيه اللى احنا عايشينها - انا شوفت واحد راجع بعربيته خبط عربيه واحد معرفه واقف وراه ولما خبطه ضرب كلاكس جامد قال يعنى العربيه اللى وراه ريحت عليه انا كنت واقف بعيد عن العربيه روحت ناحيته عشان اضحك على استعباطه قولتله ايه اللى حصل من افكه قالى ريح عليا قلتله مين هو العربيه مفهاش حد واتوماتيك والهاندبريك مشدوده رد ازاى ريحت عليا- اللى زى ده هتاخد منه ايه
اولا لو طلبت الشرطه هتيجى امتى
ثانيا امين الشرطه هو اللى هيقدر يحدد مين الغلطان ولا ناس متخصصه دارسه
تصور وتعاين ومن اتجهات العربيات وزاويا الخبطات وطولها واتجاها ومسح الكاوتش على الأرض وحاله العربيه الفنيه وحاله الطريق والظروف الجويه الخ
ثالثا - اللى ممكن متعرفوش لو اتنين خبطوا بعد والشرطه جت هيقولك هتتصالحوا ولا نعمل محضر لو انتوا الأتنين عنتدوا هيتعمل محضر وطالما اتعمل هتباتوا انتو الأتنين فى القسم لغايه ما تتعرضوا على النيابه وقانونا الكلابشات فى ايدكوا وانتوا رايحين
رابعا - لو اللى خبطك فاقد وحاول معاك كل المحاولات فى الأخر مش هيدفع لأنه معهوش وهيقولك احبسنى لأنه متعود عليه
خامسا - يبقى المفروض يبقى فى تأمين ملزم يتكفل بتعويض الغير بعد اثبات من المخطئ يرجع المتضرر على شركه التأمين بالتقرير وياخد تعويض بما يوازى قيمه التكاليف بعد تقديرها من جهه محايده
سادسا - شركه التأمين تتصرف مع المخطئ ولو كرر الخطئ يلغى تأمينه اذا لم يتكفل بسداد التكاليف
سابعا - المرور ميطلعش رخصه ولا يرخص عربيه لو كان صاحبها معهوش تأمين
ثامنا - ده طبعا بخلاف اضرار الأصابات وفقد الحياه
تاسعا - هنصبر شويه لغايه ما نلاقى حد نسأله هى لسه عشوائيه ولا ايه