الموضوع: حمايه اكونت الفيس بوك

بسم الله الرحمن الرحيم


ازيكو كلكو عامليين ايه يارب تكونو بخير يارب دايما



النهاردة انا هشرح طريقه تامين اكونت الفيس بوك الخاص بكل واحد بطرق مبسطه بحيث ان حتى لو لاقدر الله اليوزر والباس ورد اتسرق لازم العيل اللى سرقه يسرق موبايلك كمان ودى انا اكيد مش هعرف اسعادك فيها ممكن تجيبله انذار او اكيد هيبقى واحد صاحبك ساعتها ممكن تهريه ضرب لحد مايقر


عموما

هنبداء على ركه الله

هتفتحو اكونت الفيس بوك عادى جدا

الشرح على الاكونت بتاعى
اولا زى الصورة دى
هنفتح القائمه دى
Account settings





هنلاقى صفحه بالمنظر دة

مبتعضش على فكرة

فيها مجموعه سيتنج كتيرة

هناخدهم واحدة واحدة

[/CODE]

اولا السيتنج اللى فى الرئيسيه


وهى

• Name

الاسم واضح وصريح وهو اسمك على الفيس بوك

• Username

ودة نك نيم ليك تديه لاى حد من اصحابك علشان يدخل على الاكونت بتاعك ويبقى عارفه بدل اللينك الطويل
يعنى يبقى كدة

كود:

 http://www.facebook.com/Dr.M.hany

بدل كدة

كود:

https://www.facebook.com/profile.php?id=xxxxxxx

• Email

طبعا دة الايميل الرئيسى ومهم جدا جدا جدا انه يبقى تحت السيطرة

كود:

 mohamed.hany (at) gmail.com

• Password

دة تاريخ اخر ابديت للباسورد

ومع اى تغيير فى الباس ورد هتلاقى ايميل بالشكل دة جالك




وهتلاقى فى اخرة لينك تسحلك تغير ان الباسورد تانى لو مش انت اللى غيرته

• Networks

دى الشبكات اللى لو انت مشترك فيها هتطلع

• Linked accounts

ودى الاكونتات المربوطه بالفيس بوك وفى الحاله دى تويتر بالنسبه ليا

كدة خلصنا اول حاجه


نبداء بقى فى القائمه الجانبيه

اولا
Security settings

وهما كالتالى

اولا

• Secure browsing

هتعمل ليها ايديت وتخليها Enabele ليه بقى اى ابلكيشن خارجى عن الفيس بوك مش مؤمن بنسبه كبيرة دة اولا ثانيا دة بيعرفك امتى انت فى منطقه امنه و امتى انا خرجت منها بمعنى


طول مانت فى الفيس بوك بشكل عادى هتلاقى الخيار ده مش عامل قلق انما لو حبيت تفتح لعبه مثلا هتلاقى ان الفيس بوك بيقلك ان التصفح الامن مفعل وانت هتخرج من المنطقه الامنه ولازم تقفله قبل متخش اللعبه هتقفله عادى وتبقى تشغله تانى اما تخلص لعب ومش معنى ك\ة ان الالعاب فيها مشاكل لا معنى كدة ان انت هتتصرف بحذر لان فى ابلكيشنز مش موثوق فى مصادرها للاسف

• Login notifications

هيبقى زى الصورة دى كدة ودى تنبيهات ان فى حد دخل حسابك او حاول يدخل حسابك والتنبيهات دى بتتبعت بطريقتين انا افضل انها تبقى بالايميل

دى بقى بتعتمد على الكوكيز ومش هندخل فى تفاصيلها عموما اول مثلا مابتنزل وندوز هتخش باكونت الفيس بوك بتاعك هتلاقى الصورة دى



هتكتب اى اسم يعجبك على سبيل المثال Home او Work انت كدة حطيت الجهاز دة فى القائمه الامنه بالنسبه للفيس بوك ومش هيسئلك تانى عليها لحد متفضى الكوكيز والكاش او تنزل وندوز فى ساعتها هتلاقى ايميل جميل زى اللى تحت كدة بيقلك كل التفاصيل اللى حصلت وان الجهاز اللى اسمه كدة دخل بالاكونت بتاعك برقم الاى بى كذا وفى الاخر حاطط لينك لو مش انت اللى عملت كدة هتدوس عليه و هيبعتلك ايميل تانى فى لينك تقدر تغير منه الباسورد

• Login approvals

دى من اهم الخطوات دى فعلا اى حد هيحاول يخش الاكونت بتاعك الفيس بوك هيقله كلمه سر الليل ايه زى الجيش ويثبته مكانه لحد ميبانله صاحب دة فى الحاله دى الدخول بيبقى على خطوتين اول خطوة الهاكر قلب الباسورد و الايميل بتوع الفيس بوك وهنقلك متقلقش بتحصل فى احسن العائلات هيلاقى الخانه دى طلعتله بعد ميسجل دخول الفيس بوك بيبعت فى ثوانى كود متغير متكون من 6 ارقام على رقم موبايل معاليك اللى فى الاكونت بدونه انت نفسك مش هتعرف تدخل
هتقلى مهو ممكن ميجيش هقلك لا فى 4 طرق انك تجيبه المهم ان تليفونك يبقى معاك وانت بتعمل الخطوات دى الفيس بوك معترف بفودافون و اتصالات لحد دلوقتى موبينيل ساقطه من حسابه

دى صورة شاشه طلب الكود

دى الاربع طرق اللى ممكن تجيب بيهم الكود


طبعا برضه باى حال من الاحوال مش هينفع من غير موبايل الا فى حاله واحدة بس انك تخش من جهاز موثق فى لسته الاجهزة المسموح بيها قبل كدة وتعمل للجهاز اللى انت مش عارف تخش عليه ابروف

اول متخش من جهاز موثق هتلاقى الكلمه دى فى التنبيهات



بعد متسمح للجهاز بالدخول هتلاقى فى ايميل جايك بالمنظر دة

• App Passwords

دى مش هتهم معظم الناس بس هتهم الناس اللى زى حالاتى اللى بيربطو الفس بوك بالابلكيشن خارجى زى الاسكاى بى مثلا الرقم دة معاليك هتحطه علشان اما تيجى تخش من اى ابلكيشن خارجى مثلا زى الاسكاى بى صفحه الامبورت بتاعه المعلومات واللوج ان في الابلكيشن دى مفيهاش خيار انها تبعتلك الكود فى رساله فكدة الفيس هيرفض يمرر عمليه الدخول الحل ايه بقى ان جنابك تسجل باسورد هنا وطبعا يبقى مختلف عن الباس ورد بتاع الاكونت اكيد

• Recognised devices

دى لسته الاجهزة المسموح بيها واللى عدت كل الاجراءات اللى فوق دى

• Active sessions

دى بيانات الدخول الحالى اللى بتقول انت اخر مرة داخل منين

المفروض فى الاخر يبقى كدة



سيبنا من الاتنين اللى تحت دى

طبعا نص الكلام فوق على ان الفيس بوك بيبعتلك رسايل

هيبعتلك ازاى ياكبير لازم تكون ضايف ارقام موبايلات ومفعلها

الكلمه المتحددة بالاصفر فوق دى هتدوس عليها وهتخدل باسورد اكونت الفيس بوك بتاعك وبعدها هتدخل رقم الموبايل

اما تدخل رقم الموبايل هيجيل رساله فى رقم تفعيل هتحطه فى الخانه دى

• .... messaging

تختار فيها رقم الموبايل اللى انت متاكد من انه شغال وتغيرة مع تغيير رقمك

• Notifications

خليها مقفوله علشان الصداع

• Messages

دى امتى الفيس يبعتلك رساله بوجود محادثه انا حاطط اما اللى بيبعتلى يبعتلى على الموبايل بس علشان الوش برضه

كدة خلصنا اعدادات الحمايه الامنيه

اعدادات الخصوصيه بقى

هنخش من هنا



هتلاقى 3 خيارات انا معدل على الفريندس بس


How you connect


دة اول خيار هتلاقى اعاداته بالشكل دة



دى الاعدادات اللى تناسبى انا ممكن تغيروها زى ماتحبو


دة تانى اختيار How tags work

انا مظبطه كدة برضه ممكن تغيرة زى ماتحبو



الباقى دة مش مهمين قوى للحمايه دى الناس اللى انت عاملها بلوك او الالبكيشن الرخمه اللى انت عاملها بلوك


كدة بقى لو فى اى حد مش فاهم اى حاجه يقول ميتكسفش


كدة احنا امنا بنسبه 95% ضد العيال السيس والربع كم والنص كم اللى حافظين مش فاهمين و نسبه ال 5% اللى باقيه تاكد انهم مش فاضيين لا لجهازى ولا لجهازك هههههههههههه

المشاركة الأصلية كتبت بواسطة bunsh_fox

+11111111

والف شكراا لدكتور ميدووو .

العفو على ايه بس