يبقى انت اكيد فى مصر

**embiouse** · 04-10-2011 12:31 PM

كلنا بنسمع ان مافيش بيع ولاشراء للعربيات الغريب بقى ان كل موديلات العربيات اسعار زادت بطريقة مبالغ فيها تسأل ايه السبب؟؟ تكون الاجابه الدولار سعر زاد كمان العربيه زاد فيه اوبشن زيادة ....هل ياترى لما فئة زى السيراتو 2011 ex بـ 118 الف تلاقى نفس الفئة الموديل الجديد بـ 125 الف يعنى زيادة 7 الاف ده مناسب وياريت العربيات اللى بتيجى مصر تبع التوكيل فيها امكانيات او جودة زى الخليجى تسأل ليه غالى فى التوكيل يقولك ماهو بيضمن عيوب الصناعه وبيقدم مراكز صيانه طب ياترى الصيانات فى التوكيل رخيصه طبعا لا ده ناااااااااااااار
اعتقد السبب الحقيقى للزيادة المبالغه فيها هى الاتفاقيه الموقعه بين مصر والاتحاد الاوربى اللى بتخلى الجمارك على العربيات بتقل كل سنه 10% لغاية 2019 هتبقى صفر فالباشوات الوكلاء بيعملو ايه بيرفعو اسعار العربيات من دلوقتى علشان لما تتشال الجمارك يضمن مكسب عالى واحنا كمشتريين هنعمل ايه هنضايق شويه هنبطل نشترى شويه هنخبط دماغنا فى الحيط لكن فى النهايه هنشترى
انا بتمنى نقف وقفه قويه ضد ارتفاع الاسعار المبالغ فيه ومحدش يقول لينا اى اسباب لمجرد الدفاع احنا بنحط القرش حنب القرش علشان نقدر نشترى حاجه وكل واحد فينا تعبان فى الفلوس اللى معاه يبقى الوكلاء يكسبو بس مش بجشع
اسف على الاطالة

**Seifmando** · 04-10-2011 12:39 PM

كان فيه توقيع عضو هنا فى المنتدى بيقول
خليها تصدى وموديلها يعدى

وانا ماشى بيه وخصوصاً بعد الثورة
وخصوصاً ان المستقبل الايام دي مش مضمون يعنى لو انت معاك قرش ممكن تغير بيه عربيتك المستعملة وتجيب زيرو يبقى شيله احسن لان الايام الجاية مش باينلها حاجة خالص

**ابو ليلى** · 04-10-2011 02:00 PM

بس الكورى مالوش دعوة بالاتفاقية دى دى خاصى بالعربيات الاوربى بس

طبيعى جدا لما عربية تكون منتشرة بالانتشار ده وعليها الطلب بالمنظر ده الاسعار تغلى
ولكن المشكلة فى انعدام الرقابة فى البلد اللى بيخلى اى توكيل يعمل اللى هو عاوزه
لان اكيد من الناحية التانية فى ادراج مفتوحة ...امال هيسبوهم يكسبو ويتفرجو

وزى ما انت قلت احنا فى مصر ولنا الله .

**ابو ليلى** · 05-10-2011 03:19 PM

المشاركة الأصلية كتبت بواسطة embiouse

انا عارف ان الكورى خارج الاتفاقيه بس انا قصدى لما كل الماركات ترفع اسعارها من دلوقتى لما الاوربى سعر ينزل بعد كده هيضطرو ينزلو السعر فى الكورى كمان علشان كده بيزودو دلوقتى
كمان حاجه ليه ميكونش لينا دور ايجابى نقاطع الشراء وكمان لازم المواصفات تكون تناسب السعر مش الواحد يشترى عربيه غاليه وخاماتها وامكانياتها اقل بكتير

ومين قال ان الاوربى هينزل اسعاره السعر هيفضل زى ما كان والبركة فى الحجة
الجاهزة ( ارتفاع الدولار مقابل الجنية )
الكورى سعره بيزيد مع نزول موديل جديد وبعد كده يبدا ينزل فى صورة عروض لما يحققو الرقم
المطلوب ..ودى سياسة بيع معروفة عندنا
احنا محتاجين ثورة فعلا فى الموضوع ده بس كام واحد فينا بيغير عربيته كل 10 سنين
فكرة التوكيلات مش فى بيع العربية قد ما المكسب اللى هيتحقق من بعد بيع العربية
علشان كده تلاقى اسعار قطع الغيار غالية اسعار الصيانات غالية لان ده هو المكسب
الحقيقى بالنسبة ليهم .
احنا اشترينا خلاص ومينفعش اقول لواحد متشتريش علشان غالية وانا شريها

**Donzi** · 06-10-2011 08:00 PM

المشاركة الأصلية كتبت بواسطة abouleila

ومين قال ان الاوربى هينزل اسعاره السعر هيفضل زى ما كان والبركة فى الحجة
الجاهزة ( ارتفاع الدولار مقابل الجنية )
الكورى سعره بيزيد مع نزول موديل جديد وبعد كده يبدا ينزل فى صورة عروض لما يحققو الرقم
المطلوب ..ودى سياسة بيع معروفة عندنا
احنا محتاجين ثورة فعلا فى الموضوع ده بس كام واحد فينا بيغير عربيته كل 10 سنين
فكرة التوكيلات مش فى بيع العربية قد ما المكسب اللى هيتحقق من بعد بيع العربية
علشان كده تلاقى اسعار قطع الغيار غالية اسعار الصيانات غالية لان ده هو المكسب
الحقيقى بالنسبة ليهم .
احنا اشترينا خلاص ومينفعش اقول لواحد متشتريش علشان غالية وانا شريها

+111111111111111111