الموضوع: بيعد مقارنه طويله للفوكس والفلونس

المشاركة الأصلية كتبت بواسطة mohamedkordy

السلام عليكم

انا قعدت سنه تقريبا متردد بين الفانتازيا والفلونس والفوكس وطبعا لقيت الفانتازيا احسنهم بس لقيت سعرها غلى ومش موجود منها وكيل فأعدت اقارن بين الفلونس والفوكس بصراحه مقارنه صعبه وسقت الاتنين حسيت اهم نفس الموتور والعفشه والثبات بس لقيت الفوكس ثبات اعلى شويه صاج احسن عفشه ناشفه عن الفلونس بسنه بس ثبات الفلونس اضعف سنه من الفوكس المهم استخرت ونزلت جيبت الفوكس هيا عليها عرض عالمى الان سعرها نزل 15000 جنيه وقطع غيارها رخيصه دلوقتى بس الرينو فى قطع الغيار احسن ومراكز الصيانه متهيالى احسن من الفورد المهم اللى لسه بيفكر فى الفليونس انصحه يبص برده على الفوكاس علشان انا حسيت فى الاخر انها احسن شويه هيا على فكره المانى-تقفيل اسبانى وشكرا ومعذره للاطاله

فعلا حاجه غريبه مش حضرتك كنت عامل موضوع فى قسم المقارنات للمقارنه بين الفوكس و الفلوينس و انا ماكنتش مشارك فى الموضوع ده خالص لا نصحتك بالفلوينس ولا بالفوكس (لأنى مااعرفش معلومه متكامله عن الفوكس) و فى اخر الموضوع بتاعك قولت

المشاركة الأصلية كتبت بواسطة mohamedkordy

ياجماعه انا استلمت الفوكس النهارده بس شايف الار بى ام قرب الواحد لما بدورها هو دا طبيعى يا جماعه ولا ايه وكمان لما بجيب الغيار على الدى وببقا دايس فرامل واجيب الدريكسون يمين وشمال بسمع اصوات عجيبه :( ياترى اللى بيحصلى ده طبيعى ولا ايه

و كان ردى عليك ده

المشاركة الأصلية كتبت بواسطة bukla

الف مبروك ربنا يديك من خيرها و يكفيك شرها
بالنسبه للار بى ام لو قبل الواحد يبقى طبيعى لو بعد الواحد ده اللى يبقى مش طبيعى
و ايه نوعيه الاصوات اللى بتسمعها لما بتحرك الدركسيون لو الباور بتاعها زيت مش كهرباء يبقى طبيعى انك تسمع صوت خفيف زى ما يكون صوت موتور بيلف غير طبعا صوت موتور العربيه الطبيعى اما لو كان صوت عالى و مزعج او تزييق مثلا ده اللى يبقى مش طبيعى
عموما لو الحاجات اللى انا قولت لك عليها طبيعى هى اللى حاصله يبقى استمتع بعربيتك و ماتوهمش نفسك اما لو كانت اللى قولت لك عليها مش طبيعى هى اللى حاصله عليك و على التوكيل فورا و افهم منهم ايه الحكايه و لو الكلام ماعجبكش او ما حلوش الحاجات دى بطريقه اقنعتك انت من حقك طبقا لقانون حمايه المستهلك انك ترجع المشتريات و تاخد فلوسك فى خلال 14 يوم من تاريخ فاتوره الشراء بشرط ان السلعه تبقى بحالتها
ان شاء الله مايطلعش فيه حاجه و تبقى الامور طبيعيه

و دلوقتى مش شايف انها غريبه شويه انك تيجى فى قسم رينو تنصح الاعضاء انهم يفكروا فى الفوكس طب مش تقول الاول عملت ايه فى المشاكل بتاعتك مع العربيه
ربنا يهديك و يهدينا