جبت لوجان جديدة

**dr_mustafa_ali** · 05-10-2011 04:50 PM

من يومين نزلت اشتري لوجان ، كان في واحد جاري شغال في العربيات عنده اجانس قاللي انها بتخلص على 70.500 اللي هي الفول اوبشن ، لما نزلت المصرية اتفرج وقاللي اخرها 71 ولما اجي ادفع هيحاول وفي كلام تاني والهجص ده ، المهم جبت الفلوس ورحت المصرية قاللي العربية ب 72.500 !!! كنت هسيبه وامشي قاللي خلاص تنزل ل 71000 ، قلتله العربية بتخلص على 70500 قعد يحلف ويدخل للادارة ويطلع وفي الاخر قاللي ما تنفعش ، المهم مشيت قلت اشوف جارنا يجيبهالي ، كان خد رقم موبايلي ، مشيت وكلمت جارنا واتفقت معاه ، بعد ما مشيت بنص ساعة المصرية اتصلوا بيه وقالولي انها تمشي على 70500 وعاوزني ارجع ، هزأتهم جامد وقفلت والحمد لله جبتها في نفس اليوم عن طريق الراجل ده من الطارق بتاع اسكندرية ب 70500

انا حبيت احكي الكلام ده علشان اول حاجة الناس تباركلي على العربية الجديدة :d وتديني كام نصيحة كده على الماشي :d وعلشان الناس تبقى عارفة انها بتخلص على السعر ده ولازم بس يتأكد ان انت ليك طريق تاني هتجيب منه العربية فعلا بالسعر ده

وما انساش اشكر الناس هنا لاني فعلا استفدت كتير منهم

**ModySheta** · 05-10-2011 04:59 PM

يسعدني أكون أول واحد أقولك مبروك على اللوجي :):b4_388:
ربنا يبارك فيها و يكفيك شرها!
خلي بالك منها في فترة التليين و راجع موضوعات القسم علشان لو أي مشكلة قابلتك ممكن تعرف سببها و حلها من غير ما تقلق!
و متنساش الغطا و الشماسات :)

محمودشتا

**MOUSTAFA_SAAD** · 05-10-2011 05:03 PM

الف مبروك على العربيه
واتبع نصائح التليين

**mostafamndy** · 05-10-2011 05:03 PM

ربنا يبارك لك فيها و يكفيك شرها ...

**shabaka** · 05-10-2011 08:47 PM

الف الف الف مبروك وربنا يديك خيرها ويكفيك شرها

ممنوع الكتابة باللون الاحمر حيث انها مخصصة للتدخل الاشرافي لتجنب تطبيق قواعد المنتدى
مشرف رينو
ب9
12/10/2011
5:00

**dr_mustafa_ali** · 06-10-2011 01:05 AM

ايه نصايح التليين؟

**shenoo** · 06-10-2011 01:21 AM

مبروك يا باشا و يكفيك شرها ان شاء الله :)

**mahamedaraby** · 06-10-2011 02:50 AM

الف الف مبروك ربنا يحفظهالك ويبارلك فيها

**Xlance2010** · 06-10-2011 11:09 AM

الف مبروك وربنا يرزقك خيرها ويكفيك شرها وياترى لون العربية أيه ، وهل اتبعت نصائح الاستلام واتبعت كل الاجراءات المذكورة فى المنتدى والا فاتتك حاجة ؟

ياريت تتواصل معانا وتتابعنا على طول لتبادل الخبرات وتقول لنا اخبار العربية اولا بأول

اسمى اسفل مشاركتى