محتار

**atchiano** · 06-10-2011 02:20 AM

اختار بونتو ولا بيجو 206 ولا رينو كليو ولا دايو لانوس؟......معاش الميزانيه في حدود 38000

**crayvor** · 06-10-2011 02:43 AM

المشاركة الأصلية كتبت بواسطة atchiano

اختار بونتو ولا بيجو 206 ولا رينو كليو ولا دايو لانوس؟......معاش الميزانيه في حدود 38000

أولا ارمي ال206 في الزبالة... مع ميزانية زي دي مش حاتستحمل معاك مصاريف قطع غيار وخلافه..
البونتو لو حاتجيب في حدود ال38 ألف يبقي الشكل القديم أواخر التسعينات... ماعرفش لو فيها عيوب ولا لأ بس برضه مش داخلة دماغي ماعرفش لييه... غير ان الموتور مش قد كدة.
قدامك حل من اتنين... يا لانوس 1 مو99 يا كليو 2003
شوف من حيث قطع الغيار وفهم الميكانيكية واللت والعجن الكتير اللي انت عارفه اللانوس.. بس دا مش معناه ان الكليو غالية رغم انها تعتبر ماركة فرنسي (بس تجميع تركي).
أنا معايا حاليا لانوس 2 مو2008 وبصراحة... خليك في الكليو.. ركوبة وراحة بال وانت سايق.. غير ان اللانوس بتشرب بنزين عن الكليو.. واساسا أنا جبت اللانوس عشان أول سنتين شغل بهدلة ف مواقع فا تلاقي العربية مرة مخبوطة مرة مخربشة مرة عجلة نايمة.. واللانوس بتستحمل الاهانة دي.. وانا أساسا جايب العربية رشة حزام ومغيرة رفرف قبل كدة عشان عارف انها حاتتبهدل فا أهو أرخخص سعرها علي قد ماقدر.. وتعدي سنتين المواقع وابيعها وارتاح من الكوري نهائي.. بس طالما مشاويرك علي نضافة يبقي خليك في اللي يريحك في ركوبه.

بالتوفيق ان شاء الله في الاختيار

**po0op92** · 06-10-2011 04:29 PM

المشاركة الأصلية كتبت بواسطة crayvor

أولا ارمي ال206 في الزبالة... مع ميزانية زي دي مش حاتستحمل معاك مصاريف قطع غيار وخلافه..
البونتو لو حاتجيب في حدود ال38 ألف يبقي الشكل القديم أواخر التسعينات... ماعرفش لو فيها عيوب ولا لأ بس برضه مش داخلة دماغي ماعرفش لييه... غير ان الموتور مش قد كدة.
قدامك حل من اتنين... يا لانوس 1 مو99 يا كليو 2003
شوف من حيث قطع الغيار وفهم الميكانيكية واللت والعجن الكتير اللي انت عارفه اللانوس.. بس دا مش معناه ان الكليو غالية رغم انها تعتبر ماركة فرنسي (بس تجميع تركي).
أنا معايا حاليا لانوس 2 مو2008 وبصراحة... خليك في الكليو.. ركوبة وراحة بال وانت سايق.. غير ان اللانوس بتشرب بنزين عن الكليو.. واساسا أنا جبت اللانوس عشان أول سنتين شغل بهدلة ف مواقع فا تلاقي العربية مرة مخبوطة مرة مخربشة مرة عجلة نايمة.. واللانوس بتستحمل الاهانة دي.. وانا أساسا جايب العربية رشة حزام ومغيرة رفرف قبل كدة عشان عارف انها حاتتبهدل فا أهو أرخخص سعرها علي قد ماقدر.. وتعدي سنتين المواقع وابيعها وارتاح من الكوري نهائي.. بس طالما مشاويرك علي نضافة يبقي خليك في اللي يريحك في ركوبه.

بالتوفيق ان شاء الله في الاختيار

كلامك صح فعلا والانوس هتبقه احسن بس لو تزود كمان باكوين ولا 3 تيجبها حالتها حلوه شويه

ولو مش عاوز تزود ممكن تنقص فكر مثلا فى سويفت او فليشيا