ارجو تسعير هذه السيارة
نصر 127 موديل 1983 4 باب
تانى يد من الزيرو شنطة الفابريكة وبها اللباد معظم الدواخل فبريكة
رشة برة وحالة الدهان متوسطة
رقم قايم ورقم كارتيرة
الموتور بحالة جيدة وتغيير زيت فى ميعاده
4 جنوط سبور و5 كاوتش تيوبلس
كاسيت وسماعات جداد- طارة سبور
لسه مغيرة موبينة وطقم سرفيس كامل وحالة البطارية والدينامو جيدة
صالون جلد فاخر على الفرش الأصلى
رخصة حتى 8/2014 والبيع بعقد مسجل من المالك مباشرة
بها اجزاء فيها بارومة بس مش مؤثرة و ده فى معظم ال 127
الف شكر استاذ شريف
افكر فى بيع سيارتى سكودا فليشيا موديل 1997 رجاء التسعير: ماركة السيارة : سكودا فليشيا اللون : زيتى ميتالك الرخصه : 10 شهور ( باسمى ) طراز السيارة هاتش باك 4 باب
موديل السيارة 1997
سعة المحرك ال سي سي 1300
حالة الدهان الداخلي والاساسيات دواخل فابريكه بالكامل
حالة الدهان الخارجي فيها خرابيش بس قليله ونقرتين قدام جنب الفانوس ترييح من الركن
عداد الكيلومتر 185 الف
كماليات السيارة تكييف يحتاج شحن فقط + سنترلوك + انذار + زجاج كهرباء امامى
حالة الموتور والميكانيكا جيد جدا لسه مغيرلها فتيس كامل استيراد علشان القديم بينقط زيت ومش بحب الحم وريدياتير جديد
حالة الكهرباء جيده وكل شئ يعمل بكفاءه
حالة الصالون صالون جلد جيد
حالة الكاوتش و الزجاج جيد بس الاستبن مقطوع يعنى عايزه استبن
الحالة العامة للسيارة جيده جدا ولا تحتاج اى مصاريف سوى يد الباب الداخلى كماليات انا عايز السعر النهائى على طول علشان مش بحب ازود فى السعر وهل البيع دلوقتى مناسب ولا استنى اليومين دول
طراز السيارة : الانترا
موديل السيارة : 2008 (first owner)
سعة المحرك ال سي سي: 1.6
Silver
فابريقة بالداخل والخارج. تجريحات خارجية خفيفة لا تستدعى الدهان
عداد الكيلومتر: 39,500
كماليات السيارة: Automatic Power steering Electric windows and side mirrors AC Alarm Original CD player and speakers
حالة الموتور والميكانيكا: Excellent
حالة الكهرباء : Excellent
حالة الصالون : As new, seats need cleaning
حالة الكاوتش و الزجاج:Front windshield has a small crack. Did not change tires yet.
الحالة العامة للسيارة وهل محتاجة مصاريف ام لا: Running great, no need to fix anything
السلام عليكم
أ/شريف أرجو المساعدة في تسعير هذه السيارة
سيارة سيلت إبيزا سيستم بورش موديل 93 - 2 باب - 1200 سي سي
دواخل فابريكا - بها بعض اللحامات في الحوض (خلف البطارية وأماكن أخرى بسيطة)
تحتاج رش رفرف واحد أمامي وكبوت وإكصدام أمامي وفانوس واحد أمامي
استاذ شريف
السلام عليكم
بعد اذنك عايز عربيه فى حدود 60000 تنصحنى بايه ؟؟
انا مش بسافر كتير ومحتار ايه فى الحدود دى عربيه تكون عمليه واقتصاديه وكماليات وعفشه كويسه
شكرا
أستاذ شريف اعتذر على الاطاله لكن انا ناقل الكلام من موضوع تانى بناءا على اقتراح الاخوه فى منتدى الدايو وارجو الرد يا رجاله برجاء تسعير عربيتى لأنى ان شاء الله هابيعها وعايز اعرف سعرها العادل كااااااااااااام - وانا متعود من اخوانى هنا انهم دايما بيقفوا جنب بعض - فأرجو سرعة الرد
العربيه لانوس 1 موديل 2000 رشه بره - وكانت واخده خبطه من قدام فى الشنب فقط - موصلتش للسربنتينه بتاعت التكييف (اللى هايخدها عارف المعلومه ديه - لأنى بعد ما اخدت العربيه اكتشفتها) هاف - شبوره - 2 زجاج امامى - ساعه - والموتور اللى بحساس اكسجين زى الكامله - مش بوتنشوميتور الكيلو متر - 145000 حالة الصالون جيده جدا - فرش الفبريكه سليم 100% - بالاضافة لفرش تفصيل على الفرش الاصلى العفشة جيده جدا الحاله الخارجية محتاجه سمكره ودوكو - وممكن تتسمكر و تترش حزام بتكلفة 1000 جنيه تقريبا - الاكصدام الامامى عايز يتغير وانا جبته استيراد أصلى وهديه للى هاياخد العربية الصيانات اللى اتعملت للعربيه تغيير خراطيم التكيف والثلاجه الداخليه وذلك من سنه بالظبط والتكييف يعمل بحاله ممتازه - احسن من الزيرو (تكلفة صيانات التكييف والله 2500 جنيه لغاية لما ضبطته كده) اربعة مساعدين أمامى وخلفى kyb - طرمبة بنزين - موبينه (كله أصلى ) الكلام ده أقل من سنه كوبيات وطنابير أمامى بلى عجل امامىskf أصلى متركب من 3 شهور وبلى عجل خلفى متركب من أسبوع + تيل فرامل أمامى وتيل فرامل خلفى (كل ده من اسبوع بالظبط) تغيير الشكمان بالكامل من عند ابواليزيد بالفاتوره 4 فرد بريدجيستون وعاملين تقريبا أقل من 11 الف كيلو وتاريخ انتاج جديد الماتور كانت فيه مشكله وتم تغيير الشورت بلوك بتاعه الكلام ده من سنتين ويعمل بكفاءه عاليه جدا تم تغيير من 3 شهور كوعة الميه + ترموستات الكوعه + طرمبة الميه ----- وتم تغيير شجرة الميه من أسبوع (كله أصلى) - قربة مياه جديده أصلى - غطاء قربة بتاع أوبل أصلى تم تغيير كل السيور من حوالى 13000 كيلو وكلها أصلى لكن بلية الكاتينة مش أصلى - اللى بتتغير كل 40.000 مع السيور اللى ب 80 جنيه أنذار والف - وروافع - بس فجأه روافع الزجاج بطلوا يشتغلوا - مش عارف ايه السبب العيوب اللى فى العربيه محتاجه طقم سلوك بوجيهات - انا لسه جايب لها طقم أصلى بس قطعت سلك فيهم ومركب واحد أى كلام مش متأكد من الموضوع ده - لكن كوتشة الكوبلن كانت اتقطعت وبعد ما غيرتها سمعت طقه كده أعتقد انها بتاعت الكوبلن - الفوانيس الاماميه أصفرت جدا وان كان أضائتهم ممتازه بسبب انى مركب لمض فيليبس رالى هولوجين العربية من غير تريقه بتمشى ببنزين 92 بس - ماينفعش تحط فيها حتى 90 ادائها بيبقى طيييييييييين مع انها مظبوطه على 87 - ظبطة المصنع العربيه بالكاسيت الاصلى والسماعات الاصليه بتاعتها بالاضافه لسماعتين بايونيير أصلى متركبين فى الابواب مكان اللى كانو راكبين (وبالمناسبه انا فاكك الكاست بتاعها - هل لما هاجى اركبه هايطلب الكود - ياريت احتياطى الكود بتاعها) العربيه بدون كوريك - معاها المفتاح بتاعها فقط وطبعا العربية بأسمى وهيه معايا تقريبا من 2006 وفاضل فى الرخصه 6 شهور طبيعية مشوارى واللى هايشترى العربيه عارف كده - استهلاكى اليومى 12 كيلو فقط - بالاضافه لسفرى الى الاسكندرية 4 أو 5 مرات سنويا - بالاضافه لمره الى مرسى مطروح وبنسبة 95% - انا بركب العربيه لوحدى - بمعنى ان فعلا الفرش والابواب التانيه والكانبه زيروووووووووو والراجل اللى هايشتريها عارف ان لما بيبقى فيه مشوار مرمطه باخد عربيه تانيه بالله عليكم تقيموا عربيتى وأشكركم لتعاونكم
أبو مروان -------- أسألكم الدعاء لوالدتى بالشفاء ..... يا رب
برجاء تسعير سيارتى ماركة السيارة: اسكودا
طراز السيارة : فانتازيا
موديل السيارة : 2010
سعة المحرك ال سي سي: 1600 cc
حالة الدهان الداخلى والخارجى: فابريكا بالكامل يوجد بها بعض الخدوش الطفيفة بالخارج عداد الكيلومتر : 43000
توكيل بيز لاين حالة الموتور والميكانيكا: 100%
حالة الكهرباء : 100%
حالة الصالون : 100% فرش جلد وارضية جلد
حالة الكاوتش و الزجاج: كاوتش جديد وبطارية جديدة
الحالة العامة للسيارة: لا تحتاج لأى مصاريف
المفضلات