شراء سيارة جديدة

**nightrider2012** · 07-10-2011 12:24 AM

السلام عليكم ورحمة الله وبركاته.
أريد النصيحة ضروري..أنوي انشاء الله شراء سيارة جديدة ومحتار بين رينو لوجان و نيسان صني وكلاهما مانيوال مع علمي بفارق السعر بين الأثنين وهو 20000 جم.
أرجو توضيح المميزات و خاصة العيوب. أو انكم تقترحون سيارة آخرى؟
هل لو لم يكن هناك اتفاقية أغادير كان سعر اللوجان زي الصني؟
علما بأنني حاليا راكب فيورا 127 مو 1984 .
أرجو الأهتمام للرد حيث انني محتار جدا.
شكرا لحضراتكم.

**SonaSteel** · 07-10-2011 01:29 AM

حتي لو بقيت بنفس سعر الصني ..... الصني اعلي
مع انها اصلا استحالة تنزل بنفس سعر الصني علشان ها يبقي حرام فعلا
والصني لولا انها متقفلة في مصر كان سعرها وصل 120-130 الف
لو معاك تمن الصني توكل علي الله
ولو اقل يبقي لوجان
كل واحد هي اللي تكسب في فئتها
ومتنساش الاستخارة وربنا ييسرلك الخير

**ashouhdy** · 07-10-2011 03:06 AM

حجما و علو وارتفاع اللوجان

الصنى اهدا انعم اسرع والتوكيلين محترميين

**Dr.M.Mowafy** · 07-10-2011 12:38 PM

عيوب الصني بما اني احد ملاكها
الاستهلاك عالي جدا جدا جدا
توكيل متباطئ في كل المشاكل ومهواش احسن توكيل يعني وهتشوف مشاكل معاه اه معظم التوكيلات كده بس توكيل صني مهواش التوكيل المحترم يعني
العزل بتاعها مش حلو
عربيه ضيقه من الكنبه لان شنطتها واسعه مش قوي اه بس لو كانوا وسعوا الكنبه كانت الشطنه هتبقي شطنه شاهين :p
اما بالنسبه للرينو لوجان الي عجبني فيها استهلاك البنزين تحفه الحقيقه ووسعها

**nightrider2012** · 07-10-2011 12:59 PM

السادة المحترمين الذين تفضلوا مشكورين بالرد...ده كلام مفيد جدا بس أنا كده زادت حيرتي ومعلش استحملوني لأن ده برضه قرار مش سهل.
هل 20000 الفرق تستاهل اروح ادفع في ال sunny بما أن السيارتين في نفس الفئة؟
انا صليت استخارة ولسه مش راسي. معذرة أرائكم المتنوعة هامة جدا لي.
أشكركم على المشاركة.
أحمد

**MOUSTAFA_SAAD** · 07-10-2011 01:07 PM

بص انا رائى ان اسواء فئة سيارات فى مصر هى فئة ال90 الف
مش حتلاقى عربيه فيهم تقدر تقول عليها الحصان الرابح زى اللوجان فى فئة ال70 الف او السيراتو فى فئة فوق ال100 الف

انا رائى تزود شويه لو امكانياتك احسن وتجيب حاجه اعلى
او تخليك فى اللوجان لان استهلاك بنزين الصنى ده كارثه ومش عاوز حد يزعل منى

**SonaSteel** · 07-10-2011 03:29 PM

لا انا هازعل بجد ........ اللوجان 1600 وكامة واحده
يعني بتستهلك ضعف كمية البنزين اللي تحتاجة العربية علشان توصل لعزم معين
واكيد استهلاك الصني بالنسبة لقوة الماتور ... افضل بكتير من استهلاك اللوجان لنفس كمية البينزين واقل لقوة الماتور للنصف تقريبا
واللينك ده في استهلاكات لعربيات اعضاء الصني والعربية بتعمل من 210 ل310 سواء جوه البلد او علي السريع
http://www.nilemotors.net/Nile/227761-180.html
وبكده يبقي الكلام عن علم ...... وارارء الاعضاء اللي هما في المنتدي
وبالنسبة للناس ملاكها في الشارع
انا عايز حد ينزل يسال الناس في الشارع يوقفهم زي ما وقفتهم ويسألهم عن الاستهلاك
واكيد التوكيل من افضل التوكيلات ..... لو مفيش صبر بقي او عدم خبره في التعامل يبقي مفيش سبب للتعميم
اكيد الانتشار ده مش من فراغ
بس من الاخر وديه الحقيقة ... الصني اقوي سواء في الماتور والعفشة والتكييف والصاج مع احترامي لملاك اللوجان برده سواء تقفيلها مصري ولا هندي حتي 60% من العربية ديه ياباني
ومكتوب عليها made in Japan .. علشان محدش يقول مكوناتها مصرية كلها
الازاز والكراسي والرداتير والضفيرة ...... دول المصري والباقي كله ياباني
استهلاك البنزين بالنسبة للصني مش ازمة.... وبتفرق علي حسب السواقة
وعربيات في نفس الفئة بدون ذكر اسماء ولما بسال ملاكها (بره وجوه المنتدي)... بسمع ارقام فعلا ديه اللي يتقال عليها تشرب البنزين شرب
والكنبة ضيقة علي حسب الكرسي اللي قدام
وتقفيلها بالنسبة للواجان احسن بكتيييييييير
وكماليتها بالنسبة لسعرها احسنهم في فئتها
وعلشان حضرتك تجيب عربية بالقوة والاعتمادية ديه ووسائل الامان ديه والتوكيل ده وتوافر قطع الغيار وسهولة الصيانة ....... المفروض تبقي بكام
مفيش حاجة كاملة .... بس الواحد تعبان في القرش وبيبقي عايز ياخد حقه تالت ومتلت وده في الصني بكل تأكيد
وعايز توفر ال20000 وتجيب اللوجان .. هي ممتازة وانا اول واحد برشحها للي عايز عربية في الفئة ديه
بس ارجع وشوف الكلام اللي قلته بالنسبة للوجان
وكقوة ماتور وبتكلم علي المانيوال ماشاء الله بين الصني واللوجان
الصني اقوووووووي بكتير فعلا وده اللي معروف عن مانيوال الصني
وبرده متنساش الاستخارة وربنا ييسرلك الخير
http://www.nilemotors.net/Nile/240641-80-2010-a.html

-

-

الموضوع: شراء سيارة جديدة - لوجان أو نبيسان صني

LinkBack

أدوات الموضوع

عرض

-

-

-

-

-

المواضيع المتشابهه

مساعدة فى شراء سيارة جديدة

اريد شراء لوجان جديدة

أرغب فى شراء سيارة لوجان

شراء سيارة لوجان ؟؟

الكلمات الدلالية لهذا الموضوع

المفضلات

المفضلات

ضوابط المشاركة