الموضوع: أعمل صيانتك بنفسك

المشاركة الأصلية كتبت بواسطة egyzizo

المواضيع اللى من النوع ده إضافة ممتازة للقسم .. شكراً جزيلاً.

بس يا ريت تقول لنا ايه هو الايدل كنترول والبوابة وايه وظيفتهم فى العربية.

بجد يا جماعة انا مش عارف اشكركم و لا ايه على كميه التشجيع اللى فعلا ادتنى الحافز انى أكمل الموضوع ان شاء الله و نتوسع كلنا فيه و اللى عنده اى إضافة يضيفها علشان الكل يستفيد
و إن شاء الله أخلص دغط الشغل اللى عندى و أوعدكم كل جمعة ان شاء الله هتكون فى مشاركة جديده و لو أمكن قبل كده ان شاء الله
بس علشان ظروف الشغل معلش على التأخير
و بالنسبة للأيدل و ما هو
و زى ماتعلمت فى قسم اللانوس من الاستاذه الكبار اللى فيه و اللى ليهم فضل عليا بعد الله سبحانه و تعالى
عباره عن حساس بيكون راكب فى البوابه اللى تحت العمه على طول و بيكون مسئول عن سرعة الماتور فى السلانسيه و كمة دخول الهواء للمانفلود
و طبعا اللى بيتحكم فى الحساس ده هوا كمبيوتر العربيه
أما بالنسبة للبوابه فهى عباره عن قطعة تكون اسفل العمة تتحكم فى كمية البنزين بنسبة و تناسب مع كمية دخول الهواء لما حضرتك تدوس على دواسة الأكسيريتير بمعنى لما حضرتك تزود بنزين البوابة دى بتفتح على قدر دوستك بيقوم الماتور ساحب نسبة الهواء و البنزين على قدر دوستك فتتفح البوبه دى بنفس المقدار
و لو يا جماعة فى حاجه من الكلام ده بقول فيه حاجه فلط نرجو التصحيح و جل من لا يسهو
والله الموفق لما نحن نسعى فيه و يجزنا عنه خيرا و يجعله فى ميزان حسناتنا جميعا

المشاركة الأصلية كتبت بواسطة neemmohamed

جزاك الله الف خير
احب الشغل ده و عندى يقين اننا ها نعمله احسن من الصنايعية لانك ها تعمله عن حب و حرص شديد على عربيتك و اتقان افضل .. بس لازم يكون اللى ها يشتغل عنده بعض الخلفيات و حب الصيانة بايده عموما ..
موضوع مفيد جدا جدا
و حتى اللى مش ها يقدر يشتغل بايده على الاقل ها يكون عنده معرفة ببعض التفاصيل اللى ممكن يتعرض لها فى اى موقف و يكون فاهم كل قطعة (او معظمها) بتعمل ايه و بتشتغل ازاى للحفاظ عليه...

و بالتوفيق ان شاء الله
و لو امكن ادينا اللينك لتحميل الملف المذكور
و شكرا

يا باشا الله يبارك فيك و فعلا لما فكرت اننا يكون عندنا نفس المرجع اللى موجود فى اقى الأقسام كان بعد ما فككت اللانوس عربيتى الأولى و اتجرئت عليها و هدفى ان شاء الله اننا نكسر زى ماقلت الحاجز النفسى للوجان علشان ممكن الواحد يخاف يعمل فيه حاجه بنفسه و يقولك لأ ياعم أوديها التوكيل أحسن لحسن أبوظ حاجه و قطع الغيار غاليه
و ام شاء الله هحط اللينك بتاع المانيوال أو ما يتاح ليا تانى فى أقرب فرصة بس خللى بالك الكتاب بالروسى و هتقعد تترجم فيه و ربنا يعطينا جميعا الخير و البركه

موضوع رائع الله ينور عليك و فى انتظار المزيد ، و يا ريت ترفع لنا رابط الملف بتاع الصيانة اللى حضرتك نزلتو ، ارجو تثبيت الموضوع للاستفاده العامة .

لينك الكاتالوج shareflare.net is a totally free file hosting. Speed and size of files are unlimited.
وبالنسبه بين الفرق بين اللانوس و اللوجان العربيتين بالنسبه للأداء و الثبات و استهلاك البنزين اللوجان تكسب بجداره و بدون نقاش و نفس الموضوع فى الكماليات و بالنسبة للصيانه بالنسبالى على الأقل الإتنين زى بعض لكن اللوجان انتا نفسك مش هتطمن عليها مع الميكانيكى اللى جنب البيت اللى بيفهم فى اللانوس و ده لأن صاحب اللوجان خايف عليها و معندوش الثقه فى الميكانيكى اللى جنبه مع انها زيها زى اللانوس فى سهوله الصيانه ده رأيى
قطع الغيار فى التوكيل اللوجان أقل فى حجات من اللانوس لكن بره التوكيل اللانوس تتفوق و خد فى اعتبارك مثلا ان قطع غيار اللوجان معمره و غاليه عن اللانوس
سعر اعادة البيع اللوجان لم تختبر بعد لكن اللانوس تمام