هاتشباك (تيدا - ابيزا - i30)

**Silvermask** · 08-10-2011 04:33 PM

انا ان شاء الله هاجيب عربية بالكتير الاسبوع اللي جاي و بعد ما قريت معظم مقارناتكم وصلت لا 3 اللي في العنوان دول و عايز مشورة نهائية فيهم

اللي انا فاهمه لحد دلوقتي و ببساطة انهم كلهم في حدود 120 الف
انا عندي دلوقتي سيراتو بس هاسيبها للمدام و اجيب انا جديد ليا و عايز حاجه علي قدي لوحدي هاتشباك

التيدا ياباني يعني ناعمة و تكييف مضمون بس اللي سيمعته ضدها انها بس عواجيزي من جوه
ابيزا الماني يعني موتور كويس شديد بس عيبها اعادة البيع بطيئة او ابطئ من الاتنين التانين و قطع غيرا غالية
i30 كوري من هيونداي يعني اعادة بيع سريعة قطع غيار رخيصة بس شكوي منها وكيلها

يا ريت تيفودوني لاني بكرة او بعده بنزل اجربهم و اشوفهم علي الطبيعة و بقرر في خلال كام يوم جايين

شكرا لكل مقرانتكم اللي فاتت ... استفدت كتير بجد

**Silvermask** · 08-10-2011 04:38 PM

كمان فيه حد من اصحابي اللي اعتقد بيفهم :] كلمني و قالي فيه ريو هاتشباك بص عليها

ايه رايكم نضيفها لليست ولا فاكس ؟

**Mohab.Nabil** · 08-10-2011 04:43 PM

اولا تحية لحضرتك انك فكرت تجيب هاتشباك بالثمن ده

ثانيا انا هقول رأى الشخصى المختصر فى الثلاثة

التيدا عربية جميلة و اعتمادية و مفيش منها شكاوى تقريبا ، رغم كده بحس انها ملهاش نكهة الهاتشباك الاوروبى اوى مش عارف ليه بس ده ميمنعش انها عربية تقريبا مفيهاش عيوب و اعتمادية و قطع غيار معقولة و انتشار يعنى الى حد ما معقول

الابيزا بصراحة انا شايفها جميلة جدا و متكاملة الا انها من جوة مش شيك اوى ، كلاسيكية زيادة عن اللزوم

الاى 30 اظن انها مفيهاش المميزات اللى حضرتك ذكرتها لانها مش منتشرة زى بقية الهيونداى فبالتالى مش هتلاقى انتشار كبير لقطع الغيار خاصة الخارجية و مش هتتباع بسهولة زى بقية الهيونداى و الشكل الجديد تم الاعلان عنه فبصراحة شايف انها اختيار مش موفق

ممكن لو حضرتك تقدر تزود شوية تشوف الفورد الفوكس هتبقى دخلت فى فئة اعلى و الفورد عربية محترمة جدا و عليها عرض ممتاز دلوقتى

لو بختار بين الثلاثة هجيب الابيزا

**Mohab.Nabil** · 08-10-2011 04:45 PM

المشاركة الأصلية كتبت بواسطة Silvermask

كمان فيه حد من اصحابي اللي اعتقد بيفهم :] كلمني و قالي فيه ريو هاتشباك بص عليها

ايه رايكم نضيفها لليست ولا فاكس ؟

الريو هاتشباك لم يتم الاعلان عن سعرها او موعد نزولها

و ان كانت معروضة فى اوتوماك و شكلها المبدئى عربية كويسة

**Silvermask** · 08-10-2011 05:02 PM

المشاركة الأصلية كتبت بواسطة rs12

ممكن لو حضرتك تقدر تزود شوية تشوف الفورد الفوكس هتبقى دخلت فى فئة اعلى و الفورد عربية محترمة جدا و عليها عرض ممتاز دلوقتى

لو بختار بين الثلاثة هجيب الابيزا

شكرا علي فكرة الفوكس بس الفرق 40 الف و لو هازود لحد فوكس هافكر في جولف

و بالنسبة لايبيزا ايه رايك في اعادة البيع ؟ و الوكيل ؟ و الثبات و عفشة و استهلاك وقود

المشاركة الأصلية كتبت بواسطة rs12

الريو هاتشباك لم يتم الاعلان عن سعرها او موعد نزولها

و ان كانت معروضة فى اوتوماك و شكلها المبدئى عربية كويسة

انا فعلا لسه قافل مع وكيل كيا و اداني مواصفات موديلاتها و البياعين بتوعهم قاللي هاتتسعر علي اول السنة و هاتكون في حدود 120 الف الهايلاين

**Mohab.Nabil** · 08-10-2011 05:05 PM

المشاركة الأصلية كتبت بواسطة silvermask

شكرا علي فكرة الفوكس بس الفرق 40 الف و لو هازود لحد فوكس هافكر في جولف

و بالنسبة لايبيزا ايه رايك في اعادة البيع ؟ و الوكيل ؟ و الثبات و عفشة و استهلاك وقود

انا فعلا لسه قافل مع وكيل كيا و اداني مواصفات موديلاتها و البياعين بتوعهم قاللي هاتتسعر علي اول السنة و هاتكون في حدود 120 الف الهايلاين

لا الفوكس الهاى لاين بـ 146 الف فى العرض و اعتقد فيه فئات اقل كمان .. بصراحة مش متأكد اوى عشان مفتيش ممكن حضرتك تكلمهم و تشوف اللى متوفر عندهم

لو الريو زى اللى فى اوتوماك بسعر 120 الف بصراحة تستحق انك تستناها و اول السنة مش بعيد

**mohaismail** · 08-10-2011 05:47 PM

لو مكانك هجيب فورد فيستا ب 130 عربية زى التيدا مفهاش عيوب تقريبا وافضل هاتشباك فى اوروبا
استهلاك البنزين ممتااااااز وعزل اكتر من رائع هتحس انك فى عالم تانى
ولو حصرت اختيارات فى التلاتة دول يبقى نيسان تيدا افضلهم وتوكيلها افضل من توكيل سيات وهيونداى بمراااحل

**IronHead** · 08-10-2011 08:50 PM

التيدا هيه اللى حلت المعادله الصعبة فى الفئة السعرية دى, يابانى, موتور وعفشة ناعمين, استهلاك بنزين معقول, واسعة جدا جدا جدا من جوة بطريقة متتخيلهاش لو حكمت على حجمها من بره, واحسن من الابيزا وال i30 فى سعر اعادة البيع, وتوكيل محترم حقيقى
توكل على الله, والهاتش باك الفل ابشنز عاميلن عليها عرض حلو تقريبا خصم 5000

**AutoTycoon** · 09-10-2011 12:29 AM

الـi30 قطع غيارها مش رخيصة و مش هتلاقيها في اي حتة وكمان الشكل الجديد نزل برة

**Silvermask** · 09-10-2011 12:41 AM

المشاركة الأصلية كتبت بواسطة IronHead

التيدا هيه اللى حلت المعادله الصعبة فى الفئة السعرية دى, يابانى, موتور وعفشة ناعمين, استهلاك بنزين معقول, واسعة جدا جدا جدا من جوة بطريقة متتخيلهاش لو حكمت على حجمها من بره, واحسن من الابيزا وال i30 فى سعر اعادة البيع, وتوكيل محترم حقيقى
توكل على الله, والهاتش باك الفل ابشنز عاميلن عليها عرض حلو تقريبا خصم 5000

شكرا علي التحليل الجميل ده بس فين العرض اللي بتقول عليه ؟

مشاهدة نتائج الإستطلاع: ايهم افضل فئة هاتشباك

الموضوع: هاتشباك (تيدا - ابيزا - i30)

LinkBack

أدوات الموضوع

عرض

-

-

-

-

المواضيع المتشابهه

نيسان تيدا هاتشباك Vs سوزوكي SX4 هاتشباك... زي بعض ولا ؟؟؟

استلام تيدا هاتشباك بلس

تيدا هاتشباك

ايهما اثبت على الطريق تيدا هاتشباك ولا تيدا سيدان

نيسان تيدا هاتشباك

الكلمات الدلالية لهذا الموضوع

المفضلات

المفضلات

ضوابط المشاركة