محتاج خبرة الاعضاء الكرام وخاصة الاعضاء اللي حافظين ال132

**Egyp** · 09-10-2011 01:32 AM

لحقيقة العربية عندي الدواسات كلها متاكلة فنا بعملها دواسات وكده و كنت سالت البوهيجي علي حاجة ترحمني من الدواسات دي لانها مقعدتش 3 سنين واتاكلت العربية من تحت مفيهاش صاج خالص

فنا حليت العربية كلها من جوه وكنت عايز اعرف ايه الحتت المهمة في العربية علشان ميضحكش عليا بس

يعني الدواسات والقوايم وايه تاني

وحل البارومة دي كان البوهيجي قالي علي موضوع كده عايز رأيكم
البوهيجي قالي اول متخلص الدواسات تتمعجن العربية من تحت وتترش بيتومين ونرش العربية من جوة بيتومين واصبلك 4 دواسات بيتومين فوق كل دواسة

فياريت من اصحاب الخبرة موضوع الدواسات البيتومين ده مفيد لانه قالي الدواسة هتتصب ب 100 جنية فنا عايز اعرف ده صحيح ولا بيشتغلني و لكم جزيل الشكر

ولو في حاجة ترحمني من البارومة اللي بتمسك في العربية من تحت ياريت يقولي ويبقي مشكور

وموضوع البيتومين الاندركوت ده افضل ولا لا

واسف للاطالة بس اعذروني لاني اول مرة اشد عربية والحقيقة كنت بوقف ناس قبل كده وكنت بتسرق و بيغشوني والعربية زي ماراحت زي ماجت

ولكم جزيل الشكر

**saadelden** · 09-10-2011 10:24 AM

العربيات بتاعتنا دي اهم حاجه فيها العزل
بس احنا مش عايشين في بلد فيها تلج علي طول

بالنسبه للدواسات البوتامين هي هي الانتر كوت
يعني يا تصب دواسات يا تدهن انتركوت
لكن المشكله بتبقى من تحت مش من جوا العربيه
لان التأكل بيبقى من برا و بيبتدي من ناحيه العتب و تحت التابلوه و داير العجل الخلفي

و لو مش مركب كرتيرات العجل ركبهم بعد ما تخلص
و حافظ علي غسيل العربيه من تحت

**Egyp** · 12-10-2011 04:39 PM

الف شكر لرد حضرتك

بس عندي استفسار ازاي احط بيتومين او اندركوت ورا التابلوه

وهل ينفع اعمل اندلاكوت من تحت وبيتومين من فوق

وسعر الدواسة البيتومين دي مناسب هتتصب ب 100 جنية

ولكم جزيل الشكر

**saadelden** · 12-10-2011 10:21 PM

عادي يا فندم بيتدهن بالفرشه

الاندر كوت و البوتامين حاجه واحده
دا ماده عازله لونها اسود و اهم حاجه تتدهن علي نضافه مش علي تراب و رايش لحام و سنفره
يعني بعد ما تخلص السمكره تتغسل العربيه كويس و تاخد وش من تحت بالبوتامين بالفرشه و يحاول يكتر علي اد ما يقدر
تقريبا العربيه بتاخد من علبتين ل 3 علب

عزل الحديد في العربيات بيبقى عن طريق الدهان ف كل ماتتقل طبقه الدهان كل ماتعيش معاك اكتر

معرفش انا حكايه صب البوتامين دا بس اعرف ان فيه بوتامين بيتباع علي شكل شرايح
و دا شكلها